1
Awarate , God imo jigiri Iesu ga da erisesa , awa rora berari ro utuda ri awa sirigedo gadi eio, Iesu umo God da ingo be da anumbe do atira ainda .
2
Roraro utuda atiri awa kotembu kotembu eio,busuda ainda eose .
3
Awarate ,imo awa bebetisesa edo iso wasiri berari awa unjugedo Iesu ga da God da yei atira .
4
Iji awodode Iesu eradira ,umo wasiri de erari da topo , awa imo umode da eradesa uso sago ba sago garideda .
5
Busuda dipapa ro berari awa ,doyo atae are, iso joda atira awa ; viro arita ,ipuda ari ,tamo pisi da dipapa , edo jinaga ari , berari eiawa tumonda ari bebegae ra .
6
Wasiri berari eiawa embo God da uso tini gambari awa butira .
7
Rora berari einda joda imo pepeta isesa edo wasiri einda joda imo atisesa iji awode .
8
Awarate , boroko imo wasiri berari eiawa awa doyo ;tini gambari, kotembari bebegae , ge inaka de embo neinda yeida sari, ge bebegae iso beda wowosira awa doyo .
9
Ge busari embo neida yei sadiae , ainda be awa wasiri matu iso yei da awa matu doturisesa edo imo embo seka isesa God da uso dubogari tuturoda jingama edo embo isira awa adesa .
11
Eiawa imo ge be ari embo ta , imo ge be ae embo ta ,awa Iesu umo berari awa embo edo ungo berari da joda .
12
Awasedo ,God da awigari embomei isewa , edo dubo budo gogo'o be isira aimi wasiri eiawa buwo . Edo jo ari ,sapo ari ,inakade inakade ari ae .
13
Embo nenei da bouga awa konda de eio ,edo embo berari da yei ewamei eio . Amei imo kena kotembari jiwae adira , Bada mi bouga budo berari awa kotembedo doturisira da awodo awa kotembedo doyo .
14
Awarate , tamo beda , awa dubo bari da derio , amimi wasiri berari eiawa dogedo buio , ainda be awa rora berari da susu awa dubobari .
15
Doyo Iesu da bega awa iso joda bajare . Awasedo bega mi ingode na jawo setiri budo tamo da isera . Edo daedo ategore .
16
Doyo Iesu da ge moka be awa jo iso da bajare . Dubo gari mi atopapotise dengoro mina ara ewo ,ise ya ewagaewa mi God jasiga ise be jo de God ategewo .
17
Wasiri ro berari edesa ,iso kotembari mi edo wasiri mi ,awa berari Bada Iesu da jawoda eio edo ategari God da yei itiwo.
18
Aro asini , ingoda iubonomei kera sapo ewo ,eiawa ewamei be Iesu Keriso da dombuda .
19
Iubonomei , asinimei dubo buwo edo ungoda yei tini gambari eowe .
20
Kinapeina ,aia mama kera ewo ,rovirawi berarida . Eiawa Bada da dombu da ewamei be ra .
21
Aia mama ,gaegae edo ingo da kinapeina da kotembari awo demonda wosure awo memesi ba dera .
22
Agipo embomei ingoda gitijigari embomei awa kera ewo ,dombu mi ditini eowe jo mi dubo burise Iesu oju ewo .
23
Ro berari ewa awa bada da yei ewa awodo ewo jo mi , Ate tepo embo da yei etewa awodo eowe .
24
Imo gadesa , Iesu mi uso wasiri ewagaewa da riroga ane itari badesa , ainda be awa imo embo da yei esa ane Iesu da yei esa awasedo .
25
Awasedo embomei amei wasiri bebegae edo ira awa uso riroga awa badira . Edo ainda jo ari atae ra .