¹ Embo giti jijiegari embobo ,ungo da buro ari embobo ainda yei da buro awa ewamei be edo inono banono be edo itido era . Imo gosesa awa iso giti jijigari embo awa utuda atira . ² Mata awodo atiwo derido okain be edo benunu de da atiwo . Jigido gogo 'o edo ainda joda atiwo atega butega ari deda . ³ Dada edo benunu nango embo sewo , awodo adewa ami God nango da yei mangiro pirigadira ,Iesu da tu ge awa sorase awa sedo . Ainda be awa , na tumonda ari da atena . ⁴ Benunu sirirowo na ge sano embo da yei isaga are . ⁵ Pepeta ari ingoda ,wasiri ingoda gebe ae embomei kena awa budo gari de da ewo , ro adesa ainda iji awa jingama edo gogo'o ewo . ⁶ Dowo ingoda ge awa saboa ari de ewamei be ingo de da atare , awodo mi embo neinda jo base . ⁷ Tychicus awa agipo ari embo ewamei Bada da buroda , ami naso binga berari awa itari badewa . ⁸ Na umo iteno ingoda yei mambusira awa eiawa embo isena awodo mi imo nango da yei biae ro atiri awa be gido awa ingoda yei sedo gogo'o adira . ⁹ Na umo Onesimus de da iteno mambusera , ge be sedo ira embo namendi dubobari mi inono banono de ira umo awa ingo da otao neira . Ungo mi ro berari einda ijegurira awa soro gadewa . ¹⁰ Aristarchus , naso otao ungae gajari oroda atisena amimi ungo ategedo gogo'o be ira , Mark de daedo , umo awa Barbabas da ngato uso mambari binga awa matu burisewa awa buari gido buwo . ¹¹ Edo daedo Iesu umo buwadira awa embo . Eiawa naso buro otatao God da giti jijiegari da joda , ingo mi na kondade edo era . ¹² Epaphras ingo ategedo gogowo be ira . Umo awa ingo de otao nei edo Bada Iesu da buro ari embo ra . Umo natopo be wataki ari mi ingo embo benunusedo ira ,awodo mi ingo okain be edo derido God da dipapa be awa ambo ambo awase . ¹³ Awasedo na umo buro okain be edo ira awa sirigedo gari embo Laodicea nati da edo daedo ungo Hierapolis nati da atera awa embo. ¹⁴ Luke ,sivo itari embo ,dubo bari mi inono banono be ari de edo Demas mi imo ategurena . ¹⁵ Ategurena nanonamendi Laodicea ,da ainde orobe uso mandoda dada era ainde da . ¹⁶ Iji awodo de jiwari eia ajigusera , awarate daedo orobe Laodiceans ainda yei ajigadewa , da awodo Laodicea nati da edo orobe nati nenei da atero ainda yei ajigewo. ¹⁷ Archippus , be gido gogo'o ae , buro ro Bada embo asase avigurisira eiawa eio atae are . ¹⁸ Ategari naso ingomi jiwena ,Na Paul mi . Naso bundari awa kotembu kotembu evo.Ewamei ari mata awa ingode da atare