1
Awasedo na dipapa ena awa na ingo embo wataki edo buro isena edo Laodicea nati embomei deda ,dadae embo nenei jiwae naso dombu da ungo mi asisi da petedo gae isera awa gawase dipapa ena.
2
Na buro ena eimi ungo dade da jo awa ari goroba ise berari degi dorega adira , dubobari mi inono banono be ise edo uso ana gayapa ae jiro gari de awa tu ge matu be atira awa badera edo amone Iesu ra .
3
Uso yei da ana gayapa unjugedo atira awa eire ,dubo gari edo dubo gari .
4
Na sena amone embo amei iso yei ge busedo imo jo badae .
5
Awasedo na imonde tamo pisi da ataera , awarate na awa ingae da asisi da atena . Na yaviri ena ainda be awa iso ewamei awa gosena edo iso tumonda arida goroba Iesu da yei da awa embo .
6
Awa embo imo Iesu Keriso burisesa , awa umonde da mata awa atio .
7
Uso yeida susu derido edo bajio , tumonda ari da petedo gogo 'o eio ,imo rawodo atoputisera awodo .
8
Sadena eia gio , doaso embo nenei mi ge busedo iso kotembari awa seore , kotembari ungoda tupo be amimi ganumbeuro ungo ambo ambo eose , awarate Iesu da yei ge moka be awa ingido ambo ambo eio .
9
Awarate Iesu umo awa umo usuka umo God ra, awarate busu tamo awa budo busira .
10
Awasedo imo uso ewagaewa mi ombudo betiri Iesu da patu isesa edo umo awa goroba berari edo gitijigari berari da giti jigari ra.
11
Imo uso joda torido asisi da seka adesa . Seka ari busu embo ungo da tamo kotopu da mendo duigedo era awa ae rate seka ari Iesu da yeida mi ,
12
imo awa uje da Iesu ga wowosisesa , imo umo da wowosisesa aingode , awa sekago erisisesa tumonda ari iso , edo goroba ari God mi jigiri betari da eriri sesa.
13
Iji awodo de imo iso jimbo mi etiri asisi da bebetisesa ,iso tamo pisi diugae atisesa awodode , edo Iesu mi etiri eririsira , edo berari awa ungo da bebegae da kotembedo doturisira . Umo ingode naso rori awa kasadi jigido atinatina awa gajisira edo ingo segisira, orega da vivitisira aimi.
15
Umo orega da vivitisira aimi goroba berari da goroba edo giti jigari berari da gitijigari awa patido jasisira.
16
Awasedo doaso embo nenei mi imo umo umo indesisita ko indari indesita awa kasore,edo imo Bada jasiga iji einde esita ko jango indari iji ainda esita ainda da kasore.
17
Eiawa utu da atira awa tepo ainda utumona, iji ambo bugadira awa. Awarate be amone Iesu ra.
v 18 Doaso embo amei sasaimbari edo jasigabore ga ari anela utu da ainda yei era aimi imo ewagaewa iso da imo kasove. Embo awodo edo ira amone ro umo getira ainda torido gogo etira matu uso kotembari mi.
v19 Umo awa kopiri da jigae ra, Rora berari awa kopiri petari ainda soro upu de vetu de, vuvurode awa mina jiga edo petedo ira,edo erido ira God da itari da.
v 20 Edo imo Iesu ga bebetisesa wasiri busu da ainda ,ro embo imo busu da agodari mi jigido iri.
v 21 Gaegae edo jigose, gambudo geose, edo tu jigose,
v 22 Amone berari atae adira- ujugabajuga edo atopaputera berari ainde de?
v 23 Eiawa agodari, dubogari busu da ainda derido tumonde bain era awara. Edo amimi tamopsisi da ewamei ro itadi ae.