Tano 5 .Papatu,1 edo 23 .
1
Embo nembo gambo ainda dombuda ge inaka de seose,awarate ge ambuya mi seio iso mama awodo,me mei seka awa iso nanonamendi awodo,
2
embo-evetu nembogambo awa iso aia mane awodo,meingagara seka awa iso ru-aimono awodo,wasiri seka ari mi.
3
Embo-evetu nganjara mane awa kera sapo eio.
4
Awarate evetu nganjara umo uso kinapeina o,apipie atadera gio awa doyo giti ungo mi kera sapo ari wasiri awa ungoda mandoda ainda karigore,ane ungo da ari mina aimamono da yei,ainda bere wasiri emi ari God dubo ewa mei adira.
5
Awarate umo awe kinapeina atae be,awa tumonda ari uso re God da yei itido ira edo natopo sedogari benunu da, ijitumba itido ira.
6
Awarate,evetu ave betae rate wasiride atise dubo ewamein de natopo atira amone asisi da betari.
7
Roviravi eia,awa daedo seyo gore,ami ari ungoda yei biae nei ro embo nei mei tambadi ae.
8
Awarate embo amimi embo topo uso,mando umo atira ainda yei ge eiawa itae etira,umo tumonda ari uso awa ari goroba ae adira,amone jimbo usomi embo ge beae embobo awa serigurira.
9
Evetu ngajara gyaiko sixty edo wowosira awa budo iso mando da atose ,edo evetu awa iu dabe,
wasiri ewa gaewa edo ira ,umo kinapeina simba edo isira,esega embo ewamei burisira,God da buro embo da tei segisira, umo memesi burera awa kondade isira edo umo buro ewagaewa ainda jo da atima edo ira.
11
Awarate gaegae edo meingagara seseka nganjara awa iso ajigari da itose,ungo da tamonda dipapa ami ari ungo jimbadi dipapa adera.
12
Awasedo ungo adisari ungada giti da awa bejera amimi ari ungo biae adera.
13
Awarate iji da ainde ungo tuturo edo beogo embo awodo adera,mando be berari ainda tembadera.Tamo da ainda,ungo beogo embo da atera ge bebegae jiwae be sadera edo ungo buro jiwae era awodo atera,ge sari gae awa sadera.
14
Awasedo naso dipapa awa meingagara seseka nganjara awa iu jimborase dipapa era edo kinapeina engadesa,oro mando ungo da awa simba adera,awa era amimi binei da begata nonda ingode naso jawoda ge busari mi sadi ae.
15
Edo ungo nenei awa matu warere gedo satan ambo ambo edo era.
16
Ge be ari evetu uso da yeida evetu nganjara atera gido,doyo unemi simba are edo do ari embo nenei da buro bouga itadi ae, wasiri ami nganjara mane awa kondade adira.
17
Amimi giti ewamei jijigurira awa kera sapo be ewo,ungo amei mi God da ge sise edo atopatido ira.
18
Jiwari mi sira,imo mana wo cow awa ainto irirari uso dombu apure gadi adesa,edo embo buro ira awa uso mina awa badi dipapa ira.
19
Gaegae edo gitijijigurira embo ainda bebegae awa sadi o ingadi eose awarate doyo embo etoto ta tamonde mi soro gido ase.
20
Ungo amei mi jimbo adera awa embo berari da dombu da arapa karigedo sewo gore,awa gido embo nenei awa oju era.
21
Na jode berari God mamo edo Iesu Keriso de edo ungo da anela ainda dombu da ge okain be sena,amone ingo agodari ainda petaderi ta,edo iso dipapa embo da nembo eose.
22
Edo burigi be ise,ingo ungo da tamonda itido pari sise kumbudo God da buro da itiwo.Gaegae edo embo nenei da jimbo gido seowe.Jimbo embobo de umo jigowe.
23
Umo da awa indowe , awarate umo okain awa daedo kiambu indiwo ,awa tini joda indari kondade ira .
24
Embo nenei da jimbo awa arapa be gadewa ,ungo atero jimbo ungoda giti kasari tambadi mambudo ira .
25
Gari da awodo ,ewagaewa awa arapa gadewa , edo biae da nei ro mi unjugari sago ae .