Tano 6 .Papatu,1 edo 20 .
1
Dowo agipo embobo ungo da babajegari awa kera sapo ove awa iriroro embo neimi God da jawo de edo ingode naso atopatari awa biae sadi aera.
2
Agipo embo ungo da gitijigari kera edo awa Iesu ge be ari embomei ungo ungoda gitijijiegari awa ungo da nanonamendi awasedo ujo ae era. Awarate ungo ungoda giti jijiegari awa sapo edo gogo'o ore,aida be awa ungo mi Iesu ge be ari embo dubo vevera, awa kondade era. Eiawa arapa karigedo sise edo atopatiwo.
3
Embo amemi atopatari nei atopapotise edo ge ewagaewa Bada Iesu da awa ujo ae ira edo atopatari God da dipapa ae awa ititira.
4
Umo awa jariga embo edo umo da neiro gae umo awa busuda dipapa bebegae ainda petedo ge jiwae be sedo, ami euri embo nei gido sari ,ge bebegae,embowo jambowo,kontembari bebegae.
5
Edo ge bebegae natopo embo nenei de ami euri kotembari ungo da awa buro ewamei edo ae ira. ungo kotembedo era awa begata emi ari ungo ana gayapa de embo adera.
6
Awarate ungoda mina bari mi wasiri ami ari ungo rora jiwae de adera.
7
Ingode na neiro budo busu einda buwae ra, da awodo ingode na neiro budo mambadi aera.
8
Awasedo ingode naso yeida indari kumbari edo evari digari ro atira ane inono be ra.
9
Ungo awa roviravi jiwaede ari dipapa era ami ari ungo bawari da duradera, edo tamonda dipapa bebegae da kikivi mi dimbira, edo ami dimbari durido usi besi kumbudo buadera.
10
Awarate ganu da dubo bari amone bebegae da susu, amimi euri embo nei tumonda ari ungo da awa biae edo ira, edo jo memesi itido ira .
11
Awarate ingo God da embomei, ingo edo gido roviravi eiawa serigewo. Edo gido wasiri eiwa ewo ,biae mi adiae, God da dipapa wasiri tumonda ari mi ,dubobari mi, biae ro puradira awa badi ira edo jamo jamo ari.
12
Tumonda arida bajiwo, edo natopo atari wasiri bave , edo tumonda ari ingo da embo mei gosero God da yei da isewa amimi.
13
Na ingo God yeida ititena, umo roviravi berari da wasiri itari edo Iesu Keriso, umo tumonda ari uso Pontius Pilate da dombuda karigurisera .
14
Na ungo da yei sena awa, ro sira awa sapo evo ise tumonda ari mi atirowo uso mei Iesu Keriso da bugari iji awa buware .
15
God mi iji ainde uso mei Iesu Keriso awa emboda yei da karigadira , God awa sawobasawo de edo goroba de, giti jijiegari berari da gitijigari edo God berari da God .
Ungo da awa natopo atadira, umo awa usasada atima edo ira edo embo amimi umo kena asusu bari sagoae edo dombu ungo da ami umo gari katogo ae . Sapo ari edo goroba natopo uso yeida .Awara.
17
Boroko embo anagayapa de awa sewogore, gaegae edo jariga eore,ise tumonda ari roviravi jiwae da itera amone wasiri biae ra. Awarate sewo gido tumonda ari God da yei itore, embo re da ami roviravi berari awa ungo dubo ewamei ari awa embo itadira.
18
Sewo gido ewagaewa ore, wasiri ewagaewa mi doro ungoda jo ainda edo siroro are, ise edo itari da wasiri mi kando kataba ore.
19
Ewagaewa awa doro ungo da jo da bajare edo ro puradira awa embo, awa edo ungo mi wasiri awa ombudo badera
20
Timoti, buro ro inemi asase itena awa simba eio , kotopu ari atae , ro sadesa ainda be atae edo nagari -nagari da wasiri awa ujae eio.
21
Embo nenei ge awodo sise tumonda ari ungo da ewamei awa gosu gedo era, ewamei ari ungo da yei da .