1
Sari eia awa ge moka be : Embo amemi gitijigari adi dipapa adira,umone buro ewamei awa dipapa ira.
2
Awasedo,gitijigari amone uso yeida awara ari iji berari atadira.Umo awa aro da be.Umo awa soro-soropuda,jirode,sasaimbari mi,bate poiwo simbari embo.Umo awa atopatadira.
3
Umo awa umo okain indari embo ae,edo ge tirari embo ae,awarate,umo awa jamo-jamo edo jo bega mi beda ari.umo awa ganu dubo bae edo ira.
4
Umo awa edo gido uso aro de kinapeina de awa simba edo gogo'o adira edo uso kinapeina da awodo umo kotopu adera.
5
Embo awe umo uso aro de kinapeina de awa simba ari katogo ae adira,umo rawodo edo God da embo simba adiri?
6
Umo awa asisi da bajido atira,awasedo,jariga da wasiri mi ari umo duradi aera,teta wasiri binei mi isira awodo.
7
Edo umo awa uso wasiri ewa mei ami ari embo mi umo awa sapo adera,awasedo ami ari umo awa memesi da edo binei da kikivi da duradi aera.
8
Da awodo, giti jijigegari da kondade ari embo awa wasiri ewamei de,ge avewa etoto jingama adi ae,umo okain indadi ae,jinaga embo ae,
9
ge moka be karigurise edo tumonda ari adera .
10
Ungo awa giti awara ari badera,edo amboda buro adera.
11
Embo-evetu awa ari da awodo , wasiri ewamei de, embo nei tu badiae ,sasainbari mi edo tumonda orase adira.
12
Gitijigari da kondade ari embo awa aro da de, edo uso kinapeina de orobe de awa simba ewamei adira .
13
Awarate, ungo mi buro edo gogo'o adera, ungo da tumonda ari Iesu Keriso da yei da ami ungo goroba adera.
14
Na ove jivedo ingo da yei ititena,na burigi budo ingo gadena.
15
Awarate,naso bugari awa nembo ae borere adena gido,ingo orobe rawodo simba adewa ane gosewa,amone God da atari yei ra .
16
Embo da nei ro mi tumonda ari da tu ge awa gae sadera.Umone tamo pisi da karigurisera,edo asisi ga da isera,etero utu da anela mi gosisera,edo minonu busu arapu da sisera,edo umone budo utu da mambusira.