Tano 2. Papatu 1 edo 15 .
1
Awasdo giti be awa eire,na ingoda yei sena ane eire benunu ingo embo God da yei sena edo God ategurena ingo berari awa embo,
2
gitijigari nembogambo edo ungo amimi giti jigido era,ami ari ingode na begada emboro edo wasiri jamo jamo God da dipapa awodo ewo.
3
Emone ewamei be edo God ingo denaso soregari embo ainda dipapa wasiri.
4
Umo dipapa ira awa embo berari,awa soregari borase edo uso ge moka be awa gorase.
5
Awarata God re da ra,edo embo da be God edo embo ainda soropuda atima-ira,embo awe Bada Iesu.
6
Unemi umo-umosuka be tamo uso awa berari embo ititisira,uso evovo ge awodo atirari iji bugadira.
7
Awaembo na awa binga sari embo,edo pepeta ise ge itari embo.Na ge moka be keriso da jawoda sena,na awa ge busaera.Na embo Gentiles da tumonda ari edo ge moka be ainda atopatari.
8
Awasedo,na dipapa ena embo yei berari da awa gegata sewo,tini gambari de edo dumo gamo jo da atirari ingo kotopu jigoro erari adi aera.
9
Gari da awodo,na dipapa ena,embo-evetu awa ombari digari,iwuga yawuga ewamei ore nagore wasiri de edo embo nei mi sorogadi ae.Ungo beotu pundadi aera edo iwuga ari ganuma edo ombaridigari ewa gaewa adi aera.
10
Awarate,ro wasiri ewamei embo-evetu ungo mi buroda karigedo era.
11
Evetu awa edo gido jamo jamo ise doari wosadira.
12
Awate,na evetu mi atopatarase o bajari ari embo ati roro arase awa awara ari itaera,ate jamo jamo mi atarase sena.
13
Ainda be re,Adam awa giti ove isira,ainda ambo da awa Eve isira.
14
Adam awa ganubaera,awarate evetu awa ganumbetiri awa jimbo tuturo ari evetu isira.
15
Awarate,umone kinapeina engira ami ari soregari badira,amone ungo mi tumonda ari,edo dubobari mi edo avigari ewamei da kotembari jingama adera.