¹ Gaegae edo embo ogo ainda jowo da biae siose.Iso mama awodo kumbuyo,da awodo mei gimasa awa kumbu yo iso namedi are. ² Edo embo evetu ogogo iso aia mane edo,mei ade, iso ru aimono awodo kotopu sabua eyo. ³ Embo evetu rori garori awa kotopu ise kera sapo edo gogowa eiyo ungore embo evetu rori garorira. ⁴ Awara te rori garori nenei kinapeina de apipie de awa giti ungoda mando topo ainda kera sapo arita,ge da ingari ta,jasiga arita awa atopatiwo,ari wasiri ane God jasiga ari wasirira. ⁵ Awara te rori garori da teda evetu da amei awo darida petetira amimi wasiri ewagae wa God tumo da ise boedo kotembu kotembu ise enjegae manunu geyo.Iji tumba berari ira ami God da arapa jigadira. ⁶ Edo evetu rori da amei umo gamo jigari emboro biae da ititita,atari biae etira gido evetu ane asisi betarira. ⁷ Sewo ingore wasiri ungo mi etera wasiri ami atopaputira ane megari wasiri awa embo,embo nei bekuba eose. ⁸ Embo nei mi aera,ane imo isuka etesa.Embo topota, kinapeina ta,embo berari mandoda ami aera,edo wasiri inemi atopapotira ane tumo da ari atae. ⁹ Evetu rori da awe iu da jimbiri betetiri atise gaeko 6 atae etira awodo ami God kena puradira. ¹⁰ Sapo arimi,kera arimi,kondade ari embo jarojaro ero kondade isara ami,edo joda buro ari embo mei da tei ingo segisira ami etiri engenebedo God da parara da pusira. ¹¹ Edo mei gagara seseka rori garori da awa kundo Iesu kena purari awa ujo isira,ungo iu jimbadi dipapa isera. ¹² Edo ungo biae etera awa gosisera, ainda be awa,ungoda adi sari awa matu etero biae isira. ¹³ Edo iji da ami ungo berari awa begogo mi asugetiri buro nei ro aerate,teimi derido,mando be,mando beda urima isera. Iji riborigo ingoda wasirida. ¹⁴ ungo berari awa, wasiri ungomi edo isera awa ge kawami sarago ise ge nene sadi ae awa edo isera. ¹⁵ Eravetu nenei awa matu wasiri bebegae da duri do seitan de embo mei isera. ¹⁶ Eravetu nenei awa kondade dari dipapa isera,tumoda ari embo mei ungoda kondade itari dipapa ae isera,ainda be awa,ungoda wasiri awa,rori garori da wasiri awodo ae. ¹⁷ Awarete embo nebo gambo sosi da ami kotemburise,emboro edo eravetu awa kundo ero engenebedo soro sosida puriroro God da ge mi ato patadera awa kotemburisera. ¹⁸ Iesu da binga ewa mei jiusira amu sira awa,wo buro irirari awa mana gajadesa,edo embo buro adira ainda mina awa itiyo bare. ¹⁹ Gaegae edo embo nembo gambode otao adi eoseta,da or etotomi puma ko kondade ewo.edo ingo nenei awa ujo ewo. ²⁰ Ungo da jimbo berari awa karige de sewo gido da awodo ujo ore. ²¹ Adi sari ungo da God kena ainda sari barimi pumako Iesu Keriso gebe ore. ²² Sedo saeda ise umo jigarida dederise imo isuka ejopa eyo. ²³ Gaegae edo umo berari indoseta,Bada da ororo de dada edo indise kari gaigeyo mambare. ²⁴ Jimbo embo neinei da awa arapadara,embo awodo amone kasari simba era. ²⁵ Embo mei awodotete, ane enjugari sago aera.