¹ Ungo awe bate emboro embo joda ari edo amimi mama awa kotopu edo kakanaise uso ge awa mane oro,edo embo neinei mi mana sedo ganubadere. ² Awarate bate emboro embomei,siroro gebe ari embomei ami gebe ae edo kotopu ae manaadera,ainda be amone nano namedi ra. Awara ate ungo emboro mi ainda yei mana biae adiae rate ewa gaewa ewo,ainda be awa siroro ari awa kondade ari nembo be ungo da yei burisira,atopatido edo euri isaga edo isira. ³ Edo embo nei amemi atopatari nei atopatadi ira, awa mama siroro ari mi ge ro sira ainde da, inono ae rate ge javi nei atopotira gido, ⁴ Umo awa tepo tamoda ivuga ira ate neiro gaera,awa rate jo dongono de edo bemi ge sedo mambudo budo ise ge bagadera.Ainda dederise ge bebegae sadi ae,ge gunda sadi ae ko kotari bebegae adi ae. ⁵ Dumo dumo oro be da buari atae subae adera ainda ge be awa atae,eiedo oro be rasedo roviravi ewa mei emboro badi edo aera. ⁶ Ewa mei ge siroro,gambaride,embo adi roviravi jiwae de embo adisedo, ⁷ Ingodena tepo busuda bugusera,sekago tepo egenemburisera. ⁸ Indari kumbari,ombari,digari ami ari imo yawa yaviri de,budo ewamei de atadesa. ⁹ Edo busu da,guri gaiapa embo adi edo awa bagarida duradesa,kikivi da ,wao de,injada vitido iso wasiri awa aso biae adira. ¹⁰ Busuda guri gayapa embo adesa,ane gebe gae ainda besisira.Embo re dipapa euri,dubo memesi mi euri,tumo da ari gebe arida petae edo era. ¹¹ Edo ingo God da,bebegae awa oju ise,gebe ari da,tumoda arida,gebe ari da dubo bari da petewo. ¹² Ge be ise tumoda ise,binei de embogo eio.Edo wasiri natopo atari,ainda jigido peteo,ane ainda joda,petasase imone jawo sisira. Edo iso wujegari ewamei,embo jiwae ditimi gosisera ainda joda. ¹³ Mamo utuda,rorae berari da wasiri itari susu,edo Keriso de daedo,amimi embo Ponties pilot ainda ditida ujugurisira. ¹⁴ Ago dari ainda jigido peteio,bebegae neiro ko agiregari nei nomi jigadiae atiroso Iesu Keriso egenebadira, ¹⁵ Ainde Mamo utuda ami iji uso po ainde itari bugadira,Ewa mei berari da giti jigari,giti jigari berari da giti jigari,da nembodiba be berari da nembodibabe, ¹⁶ Umo usuka utu mamo,atima ira embo da amemi diti mi gae.Berai mi umo sapo ise,natopo atima era,awara. ¹⁷ Degoro eio,embo awe boroko busu ainda atera awa gaegae edo gayapa embo adi eose,ate rora ewamei ro badi jo ititesa awa mana mana de eore,ate jo berari mamo utuda,uso ewagaewa berarida osesa edo ira,awa sedo dubo ewamei de atio. ¹⁸ Dengoro ewo ewagaewa da atore,ainda uso gaiyapa kumbadi wasiri ewa gaewa ise jomi osise ore. ¹⁹ Emboro eidoda da ungoda ewa gaewa amimi susu derari iji amboda butera ainda sago gadera.Edo wasiri ewamei irirari ami jigido petare. ²⁰ Timotithy ro iso yei da iti ra awa gagaro gagaro eyo. Wareregdo wasiri bebegae awa gunjinjeyo gaegae edo ro soro ainda petose, ²¹ embo berari ungo da garida rora berari sera amimi ari iso ge be awa serigadira,edo ewamei ari iso yei da atare.