¹ Boroko asisi mi isaga be sira awodo awa embo neinei mi iji ambo da ungoda tumoda ari awa doadera.Edo ato patari binei da buro embo da awa gido bagari binei da awa gadi sedo embo adera. ² Gebusise ae sirago ise atero ungo da agodari mane ane dungisera. ³ Embo mei awa jimbadi aera,Mamo utu da ami indari ro indorose itiri siroro isira ane dae do indadi aera.Embo awe gebe ise edo ge awa tumoda ira ami awa esusu ise ategari itadira. ⁴ Mamo utuda ami rora ro berari itiri siroro isira ane awa mei na.Edo ingodena mama roraro itiri burise ategari ititera awa dipapa ae ade ra. ⁵ Rora ane Mama utu da ainda uso ge de edo gegatade ami etiri kotopu ira. ⁶ Rora eiawa iso nano namedi da yei da ititesa gido awa imo be Mamo da mei ainda buro ari embo ewamei bera.Ge mi undetero goroba ari budo awa atopatari ewa mei awa ambo ambo isesa. ⁷ Ate busu ainda kiki bebegae embo evetu ogo mi dubo burera awa ingose.Emo suka mama da wasiri awa ambo ambo eyo. ⁸ Tamo pisida ane kiambu ra,awarate mamo da wasiri ainda awa rora berari da ewa mei edo nembodiba be atira.Boroko da atari edo buwadira sisira ainda petewo. ⁹ Ge eiwa jo mi be tumoda ise badera. ¹⁰ Awa embo nango be buro eiawa edo gi do adera,ainda be awa nango embo berari da soregari edo natopo atari mamo awa tumoda era. ¹¹ Tumoda era embo mei ami rora ane atopapote ra. ¹² Doaso embo mi imo ujo ae eore, awara te iso dubodari, tumoda ari,iso ge,iso ewa gaewa,edo iso wasiri awa ujugeyo tumo da ari embo mi gore. ¹³ Awodo irirowo awa na buvane edo ge jiwari awa ujugedo gido atopatari budo jirode ewo. ¹⁴ Gaegae edo iso kando awa dose,ane erugari mi ungo da ingo mi iso tamo da ititise awa ge da sadera. ¹⁵ Aiawa gido awa baso ami awa iso ro esa awa embo da yei da isaga are. ¹⁶ Kera ise awa atopatari awa ewa mei do buwo.Esa da ami imo isuka sore gurise awa embo nei iso ge ingadera ainde da sorega desa.