¹ Ge eiawa sira amone tumo da ise ge be orase sira.Embo jimbo adira amone mana sari gadera,Ambo uso aro simba ewa mei adira. ² Tamo simba adira,uju gari ewamei awa sari ingadira.Imo biyae indadi ae.Sabua adira edo bega uso yei da atadira,Gano awa dubo badi ae. ³ Embo awe uso mando awa simba ewamei adira awa iso kinapeina simba edo gogowo adira,edo jode da simba adira. ⁴ Uso mando topo awa ewa mei simba ise awa,uso kinapeina de da imo kera ise sapo adera. ⁵ Imo iso atari aja awa simba edo gogovo ae adesa amo rawo do edo Mama utuda ainda kinapeina awa simba adesi. ⁶ Umo giti jigari seka amimi mana Mama utuda ainda tumode bain adira,ainda be awa uso ivuga ami edo umo mama utuda ainda riroga da petadira. ⁷ Iso umo jigari ewa mei ponda ami ari awa imo dubo ewamei ae edo binae da wao da wosadesa ⁸ Ari da awodo,Deacon mane mana sadera ko ge tepo tapo sadera, umo pakara inda di ae edo jinaga adiae. ⁹ Tumo da ari da ge boku ba awa kotembari ewa mei ise jigiyo. ¹⁰ Awa rate giti be awa awara ari itoro bouga ae buro adesa. ¹¹ Embo evetu bara ari da awoda giti jigari da petadera,tepo tapo adiae,edo bemi rora berari awa adera. ¹² Deacon,umo bara aro da edo kinapeina de simba ewa mei adira. ¹³ Edo ungo ave agipo ewa mei era awa ungoda gebe ari mi Keriso da jawo da awara adera. ¹⁴ Na ungo da yeida ge berari ae awa jivena,aikambu be aingo da yei da mambutena awara. ¹⁵ Awarate na dein adena awa ingo gosewa,embo ravo do edo ungo usuka Mama utu da ainda mando simba aderi,amone Msma utu da uso atari mandore edo gebe ari da tutubi edo kaiso. ¹⁶ Mama utu da iso gebe da ewa gaeva ane nembodibara,edo ujugari ane eire.Asisi umo awa tamo pisi kumusira awa ujugurisira,edo asisi mi dadaga isira edo anela mane gosisera busu arapa da ge minonu sisira edo gebe isera edo umo kundo vivitisera ainda ewa gaewa da sagho gosisera.