¹ Paul Bada Yesu keriso da binga itari Embo God mamo utu topo siya isira,Bada yesu Keriso ingode naso tumoda ari embo. ² Timothy Bada da tumoda ari embo edo naso sore gari embo God mamo Bada Yesu Keriso da jawoda. ³ Edo wasiri eiedo ane ewa mei edo God da diti da ane awara, ⁴ Uso ujo nembodiba be embo berari da yei ane sore gari puma uso ge beeda susu awa gorase. ⁵ Ainda be awa umo God dako edo ainda gorotoda God edo embo awa embo Keriso awa teta riri awodo atira. ⁶ Umo usuka embo berari da yavua awodo awa wasiri mi ujuguri siraadira iji ainde. ⁷ Ge bee emi etiri na nasuka binga itari embo edo Apostle awo do isena. ⁸ Awa embo naso ujo embo yei arapu da awa kotopu kakana de sapo ise ingo jigoro erari tini gambari adi ae God manunu gadera. ⁹ Ari daa awodo naso ujo embo,evetu ave ungo usuka bosinide,ombaride awa asugari emboro ewamei ainda adera ko ivuga adi ae.Ungo bara beo yapore adiae ko sipatu tako bosin ewa gaewa adi ae, ¹⁰ Awara te Evetu amemi uso wasi ewa gaewa Keriso da javoda ira ane eva mei na. ¹¹ Evetu awa dumai gedo,jamojamo edo uso gitigigari da ge awa ingadira. ¹² Awara te naso awara ari awa mana itano evetu mi embo awa gitijigadira ate jamojamo edo daga atadira. ¹³ Ainda be awa God mi Adam awa tutura da isira edo ainda ambo awa Eve isira. ¹⁴ Edo Adam awa Satan mi gandubaera ane Eve awa gaduburisira,etiri Eve awa God da agodari awa gunjinjisira. ¹⁵ Awarate,umo awa soregadira ainda be awa kinapeina angdira awa sedo,edo kotembari da iso gebe ari mi edo dubobari mi sapo arida wasiri ewa mei ise mata awa ata dira.