¹ Ehu nun na ya oimia hi'in nagei ja 'Avena maho'o uga geiya bamave'a vale. 'Eni'ivo 'Aven ni iyeya vegia 'avale Godin lelovo'en mwe'i leio iya gia'ale. Iyehun magi yaho propeta 'at'in na maho'o mwe'a gen loval. ² Agaho Godin 'Aveni yehun unami yehe gamhun unami yene. 'Avena yalapa Yesu Kerisoho lo haha aben 'ia'an ni yaho Godini leloman. ³ Em 'Avena Yesuho Godin na'a bale loman 'ia'an iyaho Yesun nage vei'in na yal heyal iyaho 'Avena'e yun vayi hinun iyapa maho'o asi vom balenan. ⁴ Ina'a hunune ya Godi iyehun ya hu asinvale, iyehun magi yaho 'Avena'e mwe'i hinun iyaho 'Avena'e yun vayi hinun iyapa maho'o asivom balenan. ⁵ Bu mwe'a gehun iyehun bu mwe'a gehumam 'uala vule iye veyul iyehun bu mwe'a gehun il mam heyul, mwe'a gehun sise giyapa bu leniaman. ⁶ 'Eni'ivo nú Godin iyehun egi yalapa Godi he gamun hu nun ila henune 'ivo ega'e Godini bale lovol iyaho hu nún ila baheyule iyapa lenun iyehun nú 'Avena magi yaga 'Avena, avena sisega il 'at'in iyaho gamhune. ⁷ Ehu nun na'e naya oimia hi'inage vemga 'ega aho'o 'enge 'ala'avale. Iyehun magi yaho oi'engé alavol iyaho Godin na'i leloman. Eni'ivo egi yalapa ee 'aho'o oimiemuni yaho hu Godin vayi naheyal iyehun hu Godin hegamune. ⁸ Egi yalapa ee 'aho'o 'a oibamia hun iyaho Godi bahenune. Eyehu magi yaho Godi ho oi'enga 'alavol iyen. ⁹ Aga he mama'e Godila nú oiya'e múhan iye nayuhi hun halipa besum'in lanam loman iyehun nú hun vayi mayama himhun. ¹⁰ Agaho oi'engé 'alavol iyene nú Godi oibamal'i'ivo hul nú oimúhi hu hun halipa lanam lo nú sise abem balinane. ¹¹ Ehu nun na naya oimia hula agei Godiho maho'o ni'in manni oimú han iyehun nú'o e'aho'o bu'in oi'engé 'alamhune. ¹² 'Eni'ivo na'i besi ee besi Godi gamhuna bane'ivo nú ee 'aho'o be oi'engé 'alavol iya nún vayi ehi'onune. ¹³ Nú nim heyu hu hun 'Avena nú múhani yehun hu nún vayi hiyu nú hun vayi hiyu. ¹⁴ Mam Godila hun halipa lanam mew'a gehun. Ni'ayehi'in le'i loman loman iyaho nú nún nii gaval iye ee 'wale'ava. ¹⁵ Egi yalapa Yesuho Godin halihi 'iamun ni yaho Godiho hun vayi hino, em hu Godin vayi hino. ¹⁶ Godila nú oimúhan yaho nú he nima veyu, Godiho oi'enga 'alavol iyene. 'Enni yehun 'egi yalapa oi'ege alavol vayi hinum iyaho Godi hun vayi hinune. ¹⁷ Nu iye heyal iyehun núl oimia hul iya mamaman iyehun nú vega'e 'otu vemhun vegi yaho ba'ayul hune, iyehun magi yaho hul hinun iyehun nú mwe'a gaho hiyu. ¹⁸ 'Ayul vol iyaho oi'engé 'alavol vaiyaho bane. Eni'ivo nima oi'enge 'alavol iyaho 'ayol vol iya vem balinan. Iyehun magi yaho ayul vol iyapa leng, epa sise abemhune. Eniyehun egi yalapa 'ayul mun iyaho oi'enge 'alavol iyaho hu vaya alesi bane. ¹⁹ Nul hu oimavol iyaho hul mala'in nú oimúhan iyehun hu oimavo. ²⁰ Ebesi iya 'iamun na Godi oimavo'ia'um vwep oiba mamaun iyaho hu 'ega 'oli 'at 'ala aino. Ee besi iya iamo na Godi oimavo 'iaom vweb ga senmun iyaho hu il 'at ve aino Ee besi hu ega nii gamuni yaho oi bama'ivo ija'in God ga nii bagavol iyaho oimahune? ²¹ Age suihun nagahu nú huni abe yal. Egi yalapa Godi oimamun iyaho hun vwegi ye'u oima'ane.