¹ Egi yalapa Yesu Keriso nimaa ve nun iyahu hu Godin vayi nahe yale. 'Em egia lapa mam oimun iyaho hu hun halipa'e huni lelo mani ye'o oimamun. ² Nú Godin halip heiya oimia hulle yehun nú magavo nú Godi oimahe hun suihun iye yuvemi veyule. ³ Aga ho Godin oi'enge'alava núl hun suihuni yaho mamam ayophun ne. Iyehun magi yaho hun suihun iyaho mai'o gil'ina bane. ⁴ Iyehun magi yaho ega'e Godin vayi naahe yal iyei bul mwe'a gaho asin vale. Nún nimai logiyapa leyum mwe'a gaho asinvale. ⁵ Egi yalapa mwe'a gaho asinmane? Egi yalapa Yesuho Godin halihi 'uamun ni yapa. ⁶ Aga ega dove 'ubala vayi leloman iyene. Hu Yesu Kerison domam ban'ivo dove 'ubale iya loman. ⁷ 'Aveni yapa hun ila mavenan. Iyehun magi yaho 'Aveni yaho nimgi yene. ⁸ Iyehun magi yaho no'obi'o 'ilom'o hun ila gaho maa veyal 'Aveni yene dogi yene 'ubal ii yene. Egi ya no'o bi'o iya ahulmi nima veyal. ⁹ Nú emabun ili ye mave'al iyaho Godila gia 'walemun iyapa maho'o asidiahi balinan. Godila gia 'walea mun niya agene. Iyaho halihap hun ili ye mave 'waleaman. ¹⁰ Egi yalapa Godin halipiye mavenun iyaho nu ega 'oli he gamun. Egi yalapa Godi bamavenun iyaho hu ve'e il'at'in lenun. Iyehun magi yaho yalama'e Godila hun halip'ye 'walia mun iya bamavenun. ¹¹ Yalama 'walea mun iyaho agene. Godi mayama hinun múhan em mayama hinun agaho hun haip iyehun vayi. ¹² Egi yalapa hun halipiye abenun iyaho hu mayma hin hun 'eni'ivo egi yalapa hun halipiye banima venun hu mayama himhun niya babenu. ¹³ Age yalama'e nal veyul agaho ya egia lahibul Godin halipi yehun ipiye mavyul iyeibun veyu enga ya mayama him huna'e abeyal iye haga hun iyehun veyu. ¹⁴ Aga ho nú hun una'i nimave nugu'a yalama hun ula giyai'in nisilmi 'walavul iyaho hun hemhun. ¹⁵ Hu henúp hun nú he gavo. Iyehun núl nuga'a yalama nisilivol iya nú 'evole. ¹⁶ Ebesi hun vwe ga'e hun sise bagam hun iye vem ga'an iyaho hu Godin banam onapa hun hemhun higiyaho una mamhune em hul ega'e sisega'e bayum hun veyul iye ya bun higi yaho una miam hune. Iyehun na iyai'in ba'iavo. ¹⁷ Unama alimani baveyul iyaho maho'o siseve sise betve bagum hun iya alamu. ¹⁸ Nú nim heyu 'ega'e Godin vayi naheyul iyeya sise baveyul. Eni'ivo Yesu ga'e Godin halipi yapa ayohúm 'Avena sisegi yaho hu iya basap hune. ¹⁹ Nú nim heyu. Nú Godin ivo mwe'a gaho maho'o 'avena sisegi yehun halula hali alamu. ²⁰ Nú nim heyu Godin halipi iyaho niloman. Hu nima giye hegamhun yaho muhane eniyehun nú hun halipa Yesu Keriso ga'e nimagi yehun vayi heyu. Iyaho Godi nimaga'e. ²¹ Ina 'ahunun na gei godiga il'at veyul iyeya oibamia 'avale.