¹ Age heyep mam Godila opmani nú oimú he na yuhun iye gavep. Iyehun nú Godin hali neyi 'úmun iyehun mwe'a gaho nú bahe ba gúmo. ² Ehu nuna'e na ya oimia hi'in na gei nú yepmahi Godin hali he'iyi 'oua nú iyai'in lem hun nj yaho nú hui se'in lem hune. ³ 'Eni yehun egi ja lapa age nimai lo agaho hun vayi ala mu iyehun hu ega 'oli veyum alimaa maa ienan. Alesi hu alimagi iyene. ⁴ 'Eni'ivo egiya lahi bul sise vagi hiyul bu'o valam tua'aiy. Iyehun magi yaho sisegi yaho vala tuavol iyene. ⁵ Ya nim heyale hu loman iyaho sise abe va'i lomani 'ivo hu sise ba'ane. ⁶ Egi yala hibul hun vayi hiyul iyeya bul sise veyul iyaho bu hu bahe bagahune. ⁷ Ina'aga nuna gei ya bavem e'aho'o ya ba 'atia'avale. Egi yalapa hu alimani venun iyaho hu alimagi yene, em hu alima iyehun hu alile. ⁸ Egi yalapa hu sise venun iyaho hu 'avena sisegi yehun ee. Iyehun magi yaho 'avena sisegi yaho sul ane yi yaho sise venani Godin halipi yapa loman iyehun magi yaho sisegi yehun gau'aiagi ye dilap 'u'ila loman. ⁹ Egi yalapa Godin vayi nahe nan iyaho hu sise bavemhun. Iyehun magi yaho hun volol iyaho hun uayi alamun hu sise bavemhun. Iyehun magi yaho hu Godin Godin vayi nahe yal. ¹⁰ Agaho unama ijai'ina'e egiya lapa Godin halihe em 'avena sisegi halip heiya hegiam hune. Egi yalapa hu sise ve'um hi vwep oi ba mamun iyaho Godin ee bane. ¹¹ Ila aneya sui nú heyal iyaho agene, ya ee 'aho'o bu'in oi'enge 'alam hun. ¹² Nú Kein valel'in nabane. Hu 'avena sisegi yehun egi yehun hu 'o' op anam guaman. Hu hun 'u'oha yalami yehun 'anam guaman ne? Iyehun magi iyaho sisegi yehun bamalinan. 'Eni'ivo 'u'ohi venan iyaho malinan iyehun ainane. ¹³ Vwe hun na mwe'a gapa ya sedia'an iyaho ya oiya ba 'uli nia 'avale. ¹⁴ Nú nim heyul iyaho nú malam'o guamú'in na vayi hi yale'ivo nú yep maihi uli hisu iyehun magi yaho nú vwe hunun oimea hul iyehun. 'Eni'ivo egi yalapa ee' aho'o oimia'an iyaho hu maya gua'in vayi bahinu. ¹⁵ Egi yalapa hu e'am'o gia semun iyaho hu alesi e'am'o ania guavol iyai'in lenun, iyai'in lega na ya'ualiavo. A ee amo'o anieng gua'al iyaho mayama himhun niyal hun vaya balamo. ¹⁶ Age unama agehun na gen hul nú oimú hanni yaho hegavo. Iyehun magi yaho hu hun higi yaho nún ni yehun múhane. ¹⁷ 'Eni'ivo ee besi nugu'in yapa hu vwepa'e bevu'i'in ye nigai'i'ivo hu ba oihin iyaho vu iyai'in Godin oihu'in nahu vayi alam hune? ¹⁸ Ina'a huna maa ilman oi miehu 'ual'ava, ni'ivo nimaa maave oi mi'am hune. ¹⁹ Iyehun nú nim heyu nú nimaa nimaa giyehun. Iyehun una'a yuha bave vo na mimhune. ²⁰ Nú sise veyul iyehun nun oiya a vwe ha mamhun. 'Eni'ivo Godila nún oiya asidiehi balinan iyehun nu yalam veyul iya maho'o he balinmune. ²¹ Vwe hununa'e naya oimie hulla gei nún oiyi yapa ba nibe yup'an iya nú Godin una'i madúi mi na mimhune. ²² 'Eni'ivo nu hun suihun iye ve nuga'a hul ula venun iye he ve'an nú yalam yu nisilmi 'wala'al iyaho hu vayumhun ²³ Agaho hun suihune: nú hun halipa Yesu! Kerison ipi ye mave e'aho'o bu'in oi'eng 'alame alesi hul 'waleman iyi'in vemhun. ²⁴ Egi yalapa Yesun suihun iye hevenun in yaho hu hun vayi hino. Em Yesu hun vayi hino. Iyaho nu nimheyu hu nun vayi hino. Iyehun magi yaho hun 'Avena'e nú múhan iyapa leyu nú heyu.