¹ Ina'hun na agaho yun veyul iyehun magi iyaho bavem huni yehun veju. Eni'ivo 'ee sise veyul iyaho ebesi omap hun una'i nisilmi 'wala mune. Hu Yesu Keriso alimaga yene. ² Yasula nún sisegi yehun epiya hul apenan. Eni'ivo nún sisegi yamam huna bani'ivo ega maho'o mwe'a gen hiyul iyei bun iye'o abenan. ³ Nú hun suihun he veyul iyehun nú hu he gai'in. ⁴ Ee besi na hu he gai'in 'ia'ivo hun suihun bave nun ni yaho hu 'atsa ainune. Iye venun iyehun magi iyaho hun vaya balamu. ⁵ 'Enivo egi yalapa hun il he venun iyaho hun vayi yaho nimaa nimaa Godin Oimiahul iyaho ehi'o balino. Ijehun nú nim he yu nú hun vaji hiju. ⁶ Egi yalapa hun vayi hino'iamun iyaho hul ulahi onun iyai'in omhun. ⁷ Ehu nuna na ya oimehi'in agei ga suihuna ga na mai'u'in na ba veyu'ivo suihuna boga'e sui yal abeyal iyene. Suihuna bogi yaho ya nim he yal iyene. ⁸ Eni'ivo na suihuna mai'u'in yun na veya. Suihuna hun vaiya maamaa le'e yun vai iye'o maamaa leno. Ijehun magi iyaho mugulupi yaho balini va'e 'imuju giyaho yep'i hamlinane. ⁹ Ee besa hu iya 'iamu na hami hiyu'i'ivo vweha ga senmun iyaho hu mugu lupa vayi hi lo yip'e'unan. ¹⁰ Egi yalapa hun vwe ga oi mamuiyaho hu ham hinu. Ijehun mai hu vweha bavem give'uimi alip hune. ¹¹ Eni'ivo egi yalapa hu vwep ga senmun iyaho hu muguluhi hionon em hu ija va'hun niyapmo. Ijehun magi yaho mugulup iyapa nii yumo ¹² Ina'a agaho yuni yehun veyul iyehun magi yaho yon siseyaho hun hu vwihami alemune. ¹³ Ema hununa agahu na jun veyul iyehun magi yaho ya hu niheyul hu sui aneiya iyen hinan givaiya gei agaho na yun veyul iyehun magi yaho ya 'Avena sise hun unamiya ale vale, ina'ama agaho na yun veyude, iyehun magi yaho ya oma joni heyule. ¹⁴ Ema hunun na aga na yun veyul iyehun magi yaho ya hu niheyule. Hu suinim aneiyamaho iyen hinan. Givai agaho na yun veyul iyehun magi yaho ya maho'o halul'imave em Godin ila yon oiy vayi alam uni yehun 'avena sise hun unami ya ale'avale. ¹⁵ Ya maho'o mwe'a gaho oibama nugu'a mwe'i alavol iye oi ba mie'avale. 'Eni'in'ivo egi yalapa mwe'age oima'zn iyaho om oimavol hun veya ba alamo. ¹⁶ Eni'ivo sisega agen mwei alavol iya agene. Haphun lije nii gia leji yul ap sa'ai veyul omhuni lelom huna bane. Iya mwea gehune. ¹⁷ Mwe'a gaho nuga'a maho'o hun leni ye'in balini va'u'ivo ega'e Godila ulavenun iyai'in iyiya bu maya maya him hune. ¹⁸ Ina'a hununa ya nim heyal iyai'in venúman lenun iyehun kerison nage vei'ina lovo. Eni yehun yep maipa kerison nange iye ya maho'o ulimala val. Nú iye giavol igaho vega númane. ¹⁹ Bu nú lan yuhi va'hun iyehun magi yaho bu nún lomna' bane bu nún lomna le'ibesi bu núbu hiya'a bu nú lan yuhi val iyapa nayuhu hun iyaho bu nún lomna'a bane. ²⁰ 'Eni'ivo Godila hun 'Avena yun oiya vayi samuhan iyehun ya emaho'o hegai'in leyale. ²¹ Ya bahi'ina bani'ivo yaima nima he'in iyehun hahi na yun veyu, eni'ua iye nima magi yaho 'ata bane, iyanim heyu. ²² 'At'ni iya yalapne? Ega'e Yesu Keriso pani 'iamuni yaho Yesun nage. Ega'e om'o hali'o boitumi vol iya iyene. ²³ Egi yalapa omap buitumun iyaho hu halihap buitumi aino, eni, no egi yalapa halihap nima venun iyaho hu omap nimave aino. ²⁴ Ila sui aneiya gamen heyal iyaho lanap yun vayi ala, amane. Iye na'iga bonge omahe em halihahe bul'e maa man hi va'vale. ²⁵ Agaho hul yalama 'emú'ilani nahami 'walúman na mayama him huni yene. ²⁶ Ela ya 'atiaval iyehun naga yun asula ga veyu. ²⁷ Hu, Avena yun oiya vayi samihun ya abeyal. En niyehun iye, Aveni yap yun oiya vayi hinun iyehun ebesi ya na yip huna bane. Hul samúhan iyapa nugaa maho'o nayup hane iye nugu'a hul nayu hun iyaho il 'ata bani'ivo nimaa nimaa. Hul ya naye han iyai'in hun vayi hi'aval. ²⁸ Ina'ahun iye maipi iyaho Yesula'e mamam hi'avale, E'ili 'ua vega'e hul ni'o lo'an iyaho nimaa nimaa nú ba 'ayol 'ila hun una'i namim hune. ²⁹ Iya maa heyu alimagi yehun egi yala he egi yala hibul mamam veyal iyaho bu 'Avena vayi nahe niaval.