¹ Vali vole niu loige Lomenia kosi kitae Taibeliasi Sisa keu vagana vivitini '15' keu uvule vatau kine kitae olilu isege Bontias Bailate keu Diudea vata ke kine olilu isege Heloda keu Galileia vatau kosi kitae, isege kove Bilibi keu Itulia isi Talekonaitas vata ke nimabigeva, isege Lisaniasi ke Abilini bata ke kosive. ² Isege vali kela Dubu nikovai uvale ata abuti Anasi u Kaiabasiti ulu, kosive katealea usege vali kela DILAVAu Sakalaia voo Dioni botoe uvale ke lavialu. ³ Ke laviage tiale ee vole Diodana ke vavae vata igaligali kele ata haivei loui avoe lai aveve toela ke kalevai kuiakavai loi Babatiso ave ige DILAVAule lai aveve toela ke uliage aule vesui. ⁴ Iale Dioniu aveve kela Aisaiau Belovetai loulu, isi kisaiai avoe ata voleule ataea uesite keveo toai koseai loui, Kosivelu kuvake inuta loive. Isi au tiveve kuva keta loigau inuta tai keukale keta. ⁵ Vatau lohoale deta vata otovuge vaea loi, isi hehavale ke lovoi letolevave. Isi kuvau kevatige keta loisi neniavave ige au duai kuvau keuka keukale keta loigau lilikata tai, isi kuvau toelale keta loive. ⁶ Katealele ata moeagaeale DILAVAu toelale ata agiveve ke abo ivai. ⁷ Ata moeagaea Dioni vileo loi olai Babatisoai, isito Dioniu lavigei avoe laa kea ute late la ola solilu DILAVAu tuvu lae lolivelu, isito laea kuiakavai DILAVA lova solilu katealeluga DILAVAu tuvu lalai loiva. ⁸ Iale luta lai toela kalevai aveve dua ula ave isi ba kele Babatisoave isi momai loui koseavale, Eibolahamu ese lola koea. Iale DILAVA tuvu ba lolai lolivelu bele daa laa lavigevege evive, DILAVA aule olale louge vule koeale Eibolahamu ese olisi lai lovole ui. ⁹ Kumau idiu galale ulu idi keu baie solige kuma kela idi ke koisi vai venele kavatuge aule nai. ¹⁰ Kateai louge ataeau loui avoe ige loeale vadeuai. ¹¹ Ige Dioniu lavigei avoe la oleu ogona abutiu valuaga vole vai ogona site ke vavu, isi oleu avoele lovi moeagau uge vole agisi lovie site ke vaveve. ¹² Kateisege takesi moni agivale ata kea Babatisolu Dioni vileo loevelu isi lavia avoe Tisa isege loeale vadeuai. ¹³ Ige Dioniu lavigei avoe momai vavolo aevivale, Gamaniu moni louale ke ula agive, toloveta agivale. ¹⁴ Kateisege tuvali ataea loi Dioni laviai avoe isege loeale vadeu ai ige eu loui avoe momai ata kavei moniabe agilive isi labeu atae vavale koto louive moniabe agilive isi lalai ibila agivale keta ivai homasiavale. Ke agi aelela keu. ¹⁵ Kateige vali kela ata bahataea loui avoe isoho lailo agigei hoeaseavale KELISO kela kou, kateai ke loui voleali ke balalava. ¹⁶ Ige Dioniu ata ke neni lavigei avoe daule ele la Babatisogei isito ata vole kitae daa leiviale keu aike loiva, daba ata kitae bele samakave tohoai keu daele isualu eu ata kitae aule munana tuvuteta venetale la bahata Babatisogei. ¹⁷ Iale ata keu loluaga aule au kelona doteta vai lolivelu laisi baive ke bii sesiage baive keale lavui ui isege soboutave keale voleo lavui ige aule baive duave ke agisi baikiai au valahue otovei to soboutave ke agisi venele katuge abo navai. ¹⁸ Dioniu nonau dua kateale loui ata haivelu nona moeaga moeaga. ¹⁹ Isi gamania kosive Heloda kelu koto tolote loulu kosealelu Helodau au kou ivu Helodiesi ke meialemelu isi aveve toela moeagata agelu. ²⁰ Aveve toela moeaga aito ke tatale Dioni vai dibulalu. ²¹ Au dibulae hanava solisege Dioniu ata moeaga babatisogelu isi kea uvule IESUta vai babatisoeavalu. Ige IESU kobelai lavisi guliguliasege Otogou alavasege. ²² Munana tuvuteu omutava 'bune' lateu dobai loaleu avoele dalu isege koto voleu otogole dobai loaleu loui avoe "Au di uvu voo alau, daa alu sisila kitae alu". ²³ IESU babatisoivale kela laganive teti "30" iesi, ige ataeau loui avoe IESU keu Dioseba vola isito mamavela DILAVA ige Dioseba mamala Heli. ²⁴ Ige Heli mamala Matati, ige Matati mamala Livai ige Livai mamala Meliki, ige Meliki mamala Dannai, ige Danai mamala Dioseba. ²⁵ Ige Dioseba mamala Matataiasi ige Matataiasi mamala Eimosi, ige Eimosi mamala Nahumi ige Nahumi mamala Esili, ige Esili mamala Nagai. ²⁶ Ige Nagai mamala Meati ige Meati mamala Matataiasi, ige Matataiasi mamala Semeni, ige Semeni mamala Dioseki ige Dioseki mamala Dioda. V 27 Ige Dioda mamala Dioanani ige Diaonani mamala Leisa, ige Leisa mamala Selubabeli, ige Selubabeli mamala Salatieli, ige Salatieli mamala Neli. V 28 Ige Neli mamala Meliki ige Meliki mamala Adi ige Adi mamala Kosami, ige Kosami mamala Emadami, ige Emadami mamala Ee. ²⁹ Ige Ee mamala Diosua ige Diosua mamala Eliesa ige Eliesa mamala DOLIMI, ige Dolimi mamala Matati ige Matati mamala Livai. ³⁰ Ige Livai mamala Simioni ige Simioni mamala Diuda, ige Diuda mamala Dioseba, ige Dioseba mamala Dionami, ige Dionami mamala Eliakimi. ³¹ Ige Eliakimi mamala Melea ige Melea mamala Mena, ige Mena mamala Matata ige Matata mamala Natani ige Natani mamala Deividi. ³² Ige Deividi mamala Deisi, ige Diesi mamala Obedi ige Obedi mamala Boasi ige Boasi mamala Salemoni, ige Salemoni mamala Nasoni. ³³ Ige Nasoni mamala Aminadabu ige Aminadabu mamala Alamu ige Alamu mamala Heseloni, ige Heseloni mamala Belesi ige Belesi mamala Diuda. V 34 Ige Diuda mamala Deikobo ige Deikobo mamala Aisiki ige Aisiki mamala Eibolahamu, ige Eibolahamu mamala Tela ige Tela mamala Nahoa. ³⁵ Ige Nahoa mamala Seluki ige Seluki mamala Leu, ige Leu mamala Beleki ige Beleki mamala Ebeli, ige Ebeli mamala Sala. ³⁶ Ige Sala mamala Keinani ige Keinani mamala Avadadi, ige Avadadi mamala Semu ige Semu mamala Noa, ige Noa mamala Lameki ige Lameki mamala Metusela. ³⁷ Ige Metusela mamala Iunoka ige Iunoka mamala Dieleti, ige Dieleti mamala Maheliolo, ige Maheliolo mamala Keinani. ³⁸ Ige Keinani mamala Iunosi ige Iunosi mamala Seti ige Seti mamala Adamu, ige Adamu mamala DILAVA.