1
Vali kateale nila abo basulo lo vole alu Sisa Ogasitasiu loui avoe vatau ata ko nenia tai abo ivi buka kitae uvule otovei toleai.
2
Ogasitasi keu au Basu ke vaeasege Kuiliniasi keu Silia vata ke kosive.
3
Talavatuia beu loui avoe ata ke neniale kuiakavai abo vavivuia vatae tai abo ivi otovei.
4
Lo keu kateige Nasaleta malaha vole ivi Dioseba keu Galileia vata kalei loaleu Diudea vatae velevalu Deividiu oo kitae Betelehema vatae.
5
Ige Diosebau au keate kokovale keti loalea oo kela daialu isi tai au ivita Meliu ivita buka kitae uvue vaeavalu, Meliu eseu unita.
6
Ige Meli vea loi Betelehemae usege eseveu vali niu vugu vugualu ulive age.
7
Ige Meli vea navaveve ou ue solige ea tai ovou oe uevesege eseve vou ulu. Ige vai ogona taeteta buliai abolai ou uvue uvuvebe uesolilu.
8
Vali ke nila ata volea abo ovo mamoe ke otovei vavile ke nimabigei uva.
9
Isege Dilavau Anelu voleu aboeo loige Dilavau ataga kitae aboele kaluge ea ke ivai vabu kitae aevelu.
10
Ige Anelu lavigei avoe vabu kalevave, daa lalai sisila nona kitaela ko vai lolu vatau ata ko nenilai.
11
Ave vali ko nile lalai
Deividi oo kitae Betelehema kele eseu ulu, lako neni mauli vavevale ata kitae Keliso keu ulu.
12
Lale oleve kateai da louale ke ai, taevelivelu ivage abo ogona taeteta ese ke buliai vai bata batau adale lahoale ke ivave avola keu naiva.
13
Koto keu vesusege Anelu moeagaea Otogo kalevai loevelu loi Anelu vole ke luvita ane loueviva isi Dilava hoeaseavalu Anelu kea Otogou ami ala keava.
14
Loui avo Dilava hoeseavave, aveve keu lai lolai kitae eula ulu isi vata kole duave kitaeu atalai ulu au abolai olavale kelai.
15
ANELU kea kateai ke louito kalevai otogoe tievelu isege mamoe nikovai uale kea loui avoe, baito, lai tai KOSIVE voou uale ko ivai Betelehemae.
16
Ke louito loi viliviliai tievelu Meli ta Dioseba ta kaoaive tialea ivage ese lekeu batabata adale nai ulu.
17
Ige mamoe nikovai uale kea loalea ese ke ivai loi loui ata lavigelu ANELUIA louale nona ke neni louive.
V 18 Ige ata ke nenia ke evisi tetehamalu mamoe naliai uvale kea tai haivege.
19
Isegeto Meliu koto ke evisi sekiai ke huhuai uva.
20
Ige Mamoe naliavale kea tiale abo oola daiai ane loui Dilavalu guliguliava, kesealelu ea ANELUIA haivege ea tai abo niteta ivalelu.
21
Bula igaliu vesusege abo veuavale ke vateve letulisi ivive loui avoe IESU keu aiaveu ANELU GEIBOLO lavia avoe ai eseu ivila IESU.
22
Vali voleu loige Diosebau au keateti Dielusalemae tilu abo olai Mouseseu basu kisaiai vaevale ke lovai abobiga hoeaseavai, abo voo ta vai hoeaseavage ata tuvute olisi DILAVA vileo.
23
Abo DILAVAU basuale uvue kisaiai avoe vaa voleu au ese uni voo vole vaeavage keu DILAVAU vileo ese tuvutela keu.
24
Kelu loui abole aveve kateale aluaga abole ugu umutava bune abutita isiho kelea abutita vai loi vaui abobiga hoeasevei abo eseta hoeaseavei DILAVAU basuale uvue kisaiai kateai loulu.
25
Vali kela malaha vole ivivela Simeoni keu Dielusalemae uva, keu DILAVA vabuiavale atau dua isi Iselala dua vai loiveve kelu niai uvale ata ige DILAVAU munanau tuvu avoti ulu.
26
DILAVAU munana tuvu laviai avoe aba voelealivelu bele ale ui DILAVAU Iselalaeale dulugevale ata kitae KELISO ale ivaito ba voelea.
27
Ige Simioniu Diuia dubu kitae ke uvue tisege Diosebau Meli ti abota IESU vai Dubue lolu, ige lou louale abo hoeaseavai Dubu uvue.
28
Ige Simioni IESU lemugai vai au adale vaeavai hoeaseavalu isi loui avoe.
29
DILAVA au di ata kitae au da laviale ke ave ese ko daa ivalu, iale daleba uvu duale voeleai tai.
30
Daa dii nitela ese ko ivalu Iselala dulugeale ata kitae ko.
31
Aa ata ko hanavage loale ko vatau ata ko neniale ivai.
32
Aa hanavage loale kou atagau atala iale atagave keule vatau ata koele atagage ataeale atagave kele kuvave ivai, isi Iselala eale vuvuneve kitae agisi.
33
Simeoniu koto kateale louge mamave ta aiaveta ke evisi tetehamalu.
34
Ige Simioniu hoeaseavei aiave Meli lu loui avoe, DILAVAU ese ko letatavage Iselala ata moeagaeale kotove evisi lovai tige aule hoeaseavei isege Iselala volea kotove evie solige aule toelatigei keu DILAVAU avevela keu, ige ata moeagaeale avolu tuvuai lougei.
35
Ige DILAVA uleba uvuiabeta huhuiabe keta ivai iale Meli nohoma aveve katealeule loi ai uvu bige ale ba uvu kitaeage.
36
Simioniu nona kateale loui vesuiavalivelu asege beloveta keate vole Ana keu lolu Banuela vaa keu Asa ese kele loale keate keu velai au vela keti uale vagana seveni '7' vesusege velaveu voelealu.
37
Isege Anau gobu olisi ualeu vagana eiti voa '84' vesulu, keu keate koli olisi uale keu vali baita dubu kale soliva isito vavi vali kele aule dubu e tai DILAVA hoeaseavagei vali voleo guligulilu alu aga au ba lovi ilivelu bele 'anivaga' isito aule guliguli ulagei.
38
Iale keate keu ese ke ivai DILAVA hoeaseavalu isi Dielusalema ata ke lavigei avoe lailo dulugei lailo agiveve atala kou.
39
Kateai louge DILAVAU basuale uvue abo kisaiale ke neniu vesuge Diosebau au keate ti kuia kavai, Galileia vatae tialea tai abo oo Nasaletae uevelu.
40
Isege IESU solekai bosiai koi olige luleleve keta kitaeige DILAVAu hoeaseavai avoti ulu.
41
Vagana igaligali kela Diosebau au keateti Dielusalemae basi ova lovi ilivelu tigei.
42
Vali kela IESU lagani veu tuelo '12' vasege ea Dielusalemae tievelu abo lovi ilivelu age.
43
Ke ige vesuge Diosebau Meli ti oe tisege IESU Dielusalemae ulu, isege mamaveu aiaveti ke iva solilu.
44
Ige abo huhui avoe eseu ata moeaga koea uvule tilu isi kateai kalevai tievelu, isito gutuige abo kakoluvuiabe belagege e ulaea ulu.
45
Belagevege IESU ue solige ea tota kuiakavai Dieslusalemae kaoai tievelu.
46
aoivaga vali ni abutita igalitau vesulu '3' ige ea Diuia dubu kitae ke uvue tai ivage eu Iselalaea tisa kitaea ata haivevale kitae kea vavale ugulumai kotoeabe ke evisi belageva.
47
Ige kea laviage eu kotoeabe ke tavale genuhamai lavigege ea ke evisi tetehamalu.
48
Kateisege mamaveu aiaveti ke evisi tetehamalu. Ige aiaveu lavia avoe dii voo avadeula ko loele ava, ige lo ai mamati aa kaoai alu uvuiva isi a kaoiva.
49
Ige Iesu lavigei loui avoe la vadeulu da kaoiva, au la lulele solilu dau di mamau ou uvue ui lovive ale keu duave.
50
Isito IESU abolai louale ke ea huhue solilu au abolai louale ke.
51
Ige IESU aboili kuiakavai Nasaletae tilu, tiale abo vadeu louge kotoeabe evisi abo vadeu louale ke ava. Ige aiaveu au vadeu avale ke au uvu ulale huhuiva.
52
Ige DILAVAU ivage ataea abota ivage IESU kosi olige luleleveu kitaeage aveve ve keu kitae.