¹ Lo koto kateale louale kele la huhuige loea lomiga letatavagelu.Ata volea abo loviavale ke loui abobiga letatavageva isito loea voleali kate soliva. ² Kosealelu laea loi levaleva dodavei luleleave ke late, ata bahata kea Kelisou aveve dua laele ivaì, luleleige loea laa haive dua alu. ³ Ataea luleleige lola luta Keliso nona ko loui laa haivelu.Isito Keliso biagela au koto ke loui lai luti baiu uvule kisaialu isi lai ivogi uvule. ⁴ Iale lo laele Kelisou lovi o hauve avale keu loi melilega lo aa solisito Dilava goadalega lo lovive ke ava. ⁵ Lo ba lomiga letatavai o hanivavai huhuai kosealivelu bele lo loi huhunelege lo lovi ko ava.Isito loeale huhuai koseai Dilava siaulega lo lovive o hauve ke a eviva. ⁶ Dilava kela kelisou basu dogave ke aii lo vuvunetigeva,lo basuve ke lovai louva.basu keu munana tuvu basula.Munanau tuvu kotou dogala keu ukolikoli giboai soneai. u ⁷ Memila Dilava auu basu nona vulele kisaiai Mousese vavuge atagaveu Mousesele loige Mousese niu atagai ulu.Iselala ata kea ke ivage nive keu levookikiai uge abo ivalivelu age aboele nenia solilu.Mousese basute kele atagau ulu, isito ataeaba kele ukolikoli mauli agilivelu bele. ⁸ Iale Munanau tuvu kotou dogave ataga keu Mouseseu basu ale atagate leiviai ataga kitae o lilu. ⁹ Mousese basute kele atagau ulu, isito basu dogave kele ataga kitae you.Kosealelu Mousese basu basute kele ataea Dilavau nile nenie solilu isito basu dogave kele ataea Dilavau nile ata vaite ulaea uevelu. ¹⁰ Basu dogave keu atagate keu bosiai Mousese basute keu ataga leiviai bosiai Mousese vile ke leiviage Vesui uee solilu. ¹¹ Mousese basute ataga keu vali moeagale ue solilu,isito basu dogave atagate keule vali baita uitigei. ¹² Katealelu lai vali bahata vabu kalevaito meliai kotou doga koo loui ata haivege. ¹³ Lai Mouseseu ale ke late aa kalevai, Mouseseu Dilava atagau nivele kalui atagai ualeke ogonata kee bavulu olae solilu Iselala ata kea kee ivai. ¹⁴ Memila Isalala ata kea huhuiabeu toloai ulu, isi ave vali kotale huhuiabe keta toelai ulu kea Mousese basu koto ke dodaveito kele lulele solilu. ¹⁵ Isito memila vali kele isi ave vali kole Iselala ata kea mouseseu basu koto ke dodavege huhuiabe keu toloige abo lulele savalu. ¹⁶ Isito ole kuakavai Kosive lovaluaga aboi huhui toela kee kalevale ata keale kotovele luleleai. ¹⁷ Kosiveu Munana tuvute, ige Munana tuvu keu ata vadeu uvue tige ata keule memila huhuite ke kalei kotou doga ke huhuai kele luleleai. ¹⁸ Katealelu lai Bevali aveve late aii ataele Kosiveu koto ko loui lekoveai bevaliu atagale ke late aii.Kosive aveve dua keu atagage Munanave tuvu vuvunele atagave keule laloili uge lailole ago avolate aii avoluvita uii gigei.