¹ Di ivila Bolo Dilava isivilega da Iesu Keliso abositolo olisi lailoi kakolo Timotiti lalai levaleva ko kisaiai hanaviva, ekalesia kolinito oe uvale isi Dilava ataea Guliki vatae uvalela ke nenilaiga lo levaleva ko kisaiai hanavalu. ² Lo olalela lailoi Mama Dilava isi lailoi Kosi kitae Iesu Keliso keala huhuige la hoeaseavege lale uu dua ave. ³ Lailo Kosi Iesu Keliso keu mamau lailolai uvuiva.Dilava kela vali bahata lailo dulugeva,keu Katealelu lailole vali bahata ivive letatavai hoeaseavagei. ⁴ Lai vateu tuvu agige Dilava kela lailo dulugeva.Isi olale ata voleta vateu tuvu agiale ke lai Dilava vuvunele lailo hoeaseavale vuvune kele lai ibilalu ata ke dulugei. ⁵ Laa volea memila aveve toela ale keu daa igali vai isutiesolilu, isito la bahata ketagau ke agisi toelatigelu.Ige kelega lai bahata uvualu. Isito daa ola soliale aveve toela ale kelu koto isute loulivelu. ⁶ Kosealelu laa moeagaea avolu koto isute moeaga louge nenivela keu,eu vatetuvu kitae valu lai koto kele. ⁷ Laeaba au aveve toela ale kee huhu moeagavale.Isito aike ke vai melitige au kele meliai uii au evievile. ⁸ Katealelu daa ola kitaealu,laa ke hoeaseavage aule huhuige la avolu ola kitaealu. ⁹ Da levaleva kele kisaiai loui kosealu da olai lai uvu kaoai, au laa da koto louvale ke au laa eviva bela laa evie soliva ouu ata voleu laele aveve toela voleale,lale ibilave aa solisito kalevage dale data laa ale ke late aii. ¹⁰ Katealelu isoho ata voleu daele aveve aveve toela aage dale Iesu Keliso vuvunele ke solige lale da ale ke huhuave. ¹¹ Isito lailole aveve toela loui hoeaseava solige Seteneule aveve toela kele lailo lehosivegei aau huhui toela kele lailo seleavei lailo agigei. ¹² Da memila toloasi oe tige Dilava dalu auu hau anaka alavage ata ke nenia kotou dua da louale ke evievelu. ¹³ Da oo keveo Kosive lovi kitae alu, isito dii kakolo Taitaiu loie solige da ke huhu kitaealu, kosealelu da lai nonau ioni evie solisi ke hanavage laeo tialeu tota kuialai loie solilu kelega da ata ke kalevei Magidonia vatae tilu. ¹⁴ Da aike Dilava ivi hoeaseavai sisilalu. Kosealelu Dilava vatau Kosive vuvunele lailo agige Lai Keliso luvita igali toalu,keu lailo agisi olale lai vatava moeagaletai Keliso koto loui ata haivege abo kele luleleai. ¹⁵ Ige Dilava lailo agige Keliso koto louvale keu e vievi ata kele senisi hagote olisi uii, isito evie sollivale ata kele hagou uee solilu. ¹⁶ Evie sollivale kea ke evige keu aboele sou toela age eaa ke evisi voviva, isito evievi ataea ke evisi huhuige keu hagou dua alu .Isi kele uveve dua ava ialelu lai loea Dilavau hau kele meliai. ¹⁷ Ata volea Dilavau hau ko aii olavale kele abo ibila kitae agisi.Dilavau loo hanavege lo Dilavau nile Keliso koto leleve loui ata haiveva.