1
Munanau tuvu lailo haive dua age lai huhuige vali vaovela munana toelaeale loi seleu nona loui ata haivege ata moeagaeale abo evievi kalevai lovegei tai.
2
Seleivale ata kea nonaule leleveale kelate age ata moeagaeale lovegei tai isito sele nona keu uvuiabele ililohoi ulu.
3
Seleavale ata kea ata haivei loui avoe la kea keate lohomegeluaga lale basuale ke kosave isi loui avoe momai lovi voleta ievegelive isito lai luleleige DILAVAu lovi ale ke iliveluagau ke ai otovelu, iale olea evievi ata olisi koto leleve evisi lovale keale DILAVA hoeaseavai lovive ke isi.
4
DILAVAu lovi ke bahata ai otoveale keu duave ula iale laiba be kalevalivelu bele isito lailole ge agisi DILAVA hoeaseavai to ba isi be kalevalivelu bele.
5
Kosealelu DILAVAu lovi ke bavuesolilu ialelu lai lovi ke agisi DILAVA haivui hoeaseavaito ba iale keu nivele duave.
6
Da huhuige a keu koto leleve ke evisi IESU lovai tai ai evievile melialu iale ale koto ke loui evievi atake haiveluaga a keule IESU KELISOu atau dua oliso.
7
Isi memila lailoi vavivuia vavivutea avale tenia bea ale toela nona ke gogonia isito vali baita DILAVA lovai meliai au vadeu louale ke lovai aso.
8
Ale ai vava ula huhuai viliviliai tai loige ai vava keule duai ui. Isito ale DILAVAu aveve kele ale kotove loui ata haivei tai loluaga ai vavau ai uvuti duave ai ui. Ave mauli kole isi vaoe mauli dua kelu ukolikoli mauli kele ale mauli vai uge.
9
Da koto louale keu leleve ula ialelu ke evisi vatala tumuaso.
10
Lai lailomiga agisi ukolikoli DILAVA vavuge eu lailo agigelu isi olale ata bahata agisi dulugei katealeluga lai hauve ava.
11
Iale koto ke isuta loui ata lavige abo evisi valivelu abo uvu vai vavui.
12
Timoti au atau dogala iale evievi ataeale a ivai alu loui koseai a keu lulele solilu abo kateai louge kotoeabe evi kaleva. Isito abolai kotou dua loui abolai olai abolai aveve dua ula aso isi ai evievile meliai ai aveve duale abole a lovai ai koto evisi.
13
Isi dubule lavisi Bukau koto dodavei loui ke haivevaga daba loi.
14
Dubu Elodaea a DILAVAu hau aveve kelu abo ada vai, ai tatale vaeavai alu guliguliale ke huhuai homasialive.
15
Isito vali bahatau uvule abo vadeu louale ke neni aso.
16
Isi ai aveve a koto louveve ke neniavai huhudua ke aso. Ige ataeale ai aveve dua ke ivai ai koto evisi a kelate age DILAVAule a hoeaseavai ai ata keta hoeaseavei.