¹ Koto lelevela kou ata oleu Dubu Eloda hau kelu olaluaga loviu dualuga au kelu olalu. ² Iale oleu Eloda haulu olale keu aveveve keu ataea nile duave olisi ui isi auba ivu abutialivelu bele. Isi au ba ata agisi toelatilivelu bele isi to ata hoeaseavei isi au vadeu avale kele au dua ula ai isi ata volea deiai aboe loige agige au oe otovei isi ata haive dua agei. ³ Isi aubae eu toela ke ilivelu bele isi au ba solekai tuvualivelu bele au kate kaleito sekiai ugei isi au ba monilu huhu moeagalivelu bele. ⁴ Isi au ese ke hoeaseave dua agei ige eseabe kea eseu dua olisi abo mama hoeaseavai kotove evigei. ⁵ Isito isoho malaha voleu au ese neniavei ivalige dua a soliale keule oleve kateai a ekalesia ke naligei. ⁶ Aa ba Ekalesi doave ke vai Eloda hau vavulive ale kateige aule huhuai koseai dau ata kitae isi kateige DILAVAule seeneu dobage avoele louale koto kateale avolu loui. ⁷ Isito malaha oleu aveveve keu ata bahata kea nile isi Ekalesia olie soliale kea nile duale ke makage au Elodau hau ai oloivaga au seteneu makage au Elodau hau ai oloivaga au seteneu mavi kele kolovai, ataea nile matiava. ⁸ Dikini keta kelate ta ola dikinilu aluaga aveveabe keu bahata atau nile duave ula au ba eu toela ilivelu bele isi moni huhu moeaga kalei. ⁹ Isi abo huhui dua ai kele abo evievile koto leleve vatalai ugei. ¹⁰ Isito luta aveveabe kaoai ivage au atau dua olige ke makage abo Dikiniu lovi ke vai ele hauai Ekalesia naligei. ¹¹ Ige ivuvuiabe isi keateabe keta ataea nile duave ula ai ui. Abo ba eu toela ke isi ata volea aveve toela ke loui oagelivelu bele sekiave isi selealivelu bele. ¹² Dikiniu ba ivu abutialivelu bele, ivu igali avola keu au avoti ese kouale kehavaive dua age abo udua ai Aia mama koto evievei. ¹³ Dikini oleu loviu dua avale kele ataeale avolu sisila kitae ai kotove evisi ige aule au evievi kele lavisi IESU KELISOu koto loui ata haivei. ¹⁴ Bolola keu Timotilu levaleva ke kisaiai olai loi Timoti ti Ekalesia ivei tai. ¹⁵ Isito da solekai loiesolige ale levaleva ko ivai luleleige lailoea oleo kateai DILAVAu ata kea minale leleisi haivegei. Ekalesia ata kea DILAVAu ukolikoli ataeala kea iale kea kotove evisi vatala dua avale ataeala kea lailole haive duai. ¹⁶ Lai dibage ataea memila IESU aveve ke ivasavaevelu ivaga vali vole nile IESU dobai loaleu vatau ata late olilu ige DILAVAu munana tuvu IESU aveve avale ivai loui avoe keu avale keu lilikata ulu duave ula. Ige eu voeleai kobelai Otogoe tisege Aneluia ivasege Disaibolovea kotove loui ata ko neni lavigei tilu vata nenile kige ataea ke evisi IESU lovai tievelu.