¹ Amone tunga humbari avo eto arai fetihea nu jo avo asisi ta feteto ari embo ta ke dadoho hande isoa. ² Embo amina evivina ke eaguja amona ariembo ta dei eaguja amita be embo nei na ingari haite.Ahahe ta ejukari ke avo eaguja awarata embo avo ke ewakaewa eaguja ane embo hondate eaguja. ³ Awara embo amina ariembota ke eaguja amone embomei hondate dombo be eaguja. ⁴ Embo amina Mama ari embo ta ke tiraguja amo Mama ari embo pusu perarita Bada hondate eaguja. ⁵ Embo ke evivina tiraguja amone tohota hande ra.Ke evamei be tiraguja amone ariembo ta tombuta embo dombo vahai ra. ⁶ Nau nameikamei ke do ehena na mone Mama ta ke ijukari tirono egasowa avo pere eto siro kiari avo perera. ⁷ Ari embo ta wasiri perari amone tiwari fusari ta embo ta wasiri ta erarua osaosa dandoho. ⁸ Embo amina isoro fui fusae tumbae asuja amo isoro tuturo aisora. ⁹ Vahai ainge dombo pinga ekaesumbae embo ta dei nei pinga amone pisara aesuja. ¹⁰ Ke perari pusu ta amo ke ta be amo eraea ra. ¹¹ Avo embo, na ke amita be avo kiae kito nane da nei embo ra,eto embo ke era ane nau aera. ¹² Imo avo asisi ta honda ke ta iresoa kito avo Mamaha ta mande aravo ehokoa. ¹³ Embo amina evivi hereso ke jigama isuja amita mina amo au be isuja. ¹⁴ Kekeha aisi tifafa isona amone asisi ta feteto kekeha be jo na isona. ¹⁵ Na asisi ta feteto kekeha isona jo nau na kekeha isona eto na asisi ta kekeha isona. ¹⁶ Nau kekeha avo embo nei ingae avo embo usarita amo awara au temo. ¹⁷ Nu kekeha aravo evamei be ariembo ta dei embo mei avo hondate ari haite ra. ¹⁸ Na ariembo osa agona amita be avo na ivivi heriso ke eagona. ¹⁹ Ariembo ta mandeta ke heriso nei vahai isona avo awara ke eto sarika isona amone sokowara. ²⁰ Isoro henafena te avo mane jigama isoa te embo be ta siro avo be jigama isoa. ²¹ Ivivi na embo nei ta ke tiresona te nau embo mane ingesora. ²² Ariembo ta ke amone hande ra avo embo humota isora eto humta arina ke amone bera. ²³ Mamaha ariembo ta mandeta vahai eto perari na ivivi kekeha ijorou embo nei fuvuto to siro memesi humbasuja. ²⁴ Embo nei na Mama ta ke tirihorou embo nei puvuto ingesuja embo amone ke ta irae avo embo mane ingesuja. ²⁵ Tohota ta hotebari ejukari avo humbuto arafata ikasuja eto Mama avo humote pai aisuja eto vujekasuja ke be na. ²⁶ Pure Mama ta mande ta amo hande isoa amina na tohota ke avo sirorosiroro uve iresuja,mahainge. ²⁷ Embo heriso nei vahai na ke vahai avo ivivi na jiruro embo nei na ke ta be avo tirokuja. ²⁸ Ijukari embo erae kito ne embo ivivi na ke eria amina ari embota tohota dei ta jo na tiresuja. ²⁹ Heriso nei vahai amina Mama ta ke avo jirirou embo neinei avo ke ta be avo ijukasuja. ³⁰ Awara embo amina Mama ta ke avo humbasuja kito re embo ta usari ta avo ke jamo aisuja. ³¹ Embo perari na Mama ta ke avo vahaivahai tirihorou embo perari ta jo erisuja,usari ta. ³² Mama ari embo ta ke tiriha embo amina tirihe kito jigosuja. ³³ Mama ariembo na tohota embo avo tungahumbari peka ta orora uje eaguga eto tohota pure jigora,pusuta. ³⁴ Evuhu mei avo ke ta mane ke ahera eto mane usarita tihi jigisuja. ³⁵ Evuhuna ke ingesi uje aisuja amone eva mei ivu ga madeta eto ingesuja amone me ra evuhu na mamaha ari embo ta madeta ke mane aisuja. ³⁶ Mamaha ta ke mo eonga na vahi vaihi ta dei ta puvuha te mo eonga na perarita dei puvuhija. ³⁷ Embo ami na hondate eaguja amo ne Mamata pinga ekari embo ra amo ne tohota handera.Avo embo Mamata tupo ne ke bera. ³⁸ Umo ke aisuja avo awara ate ke ingae aisuja amo ne Mamaha ta ke avo peve orua. ³⁹ Nau nanamei jo ungo ta avo Mamata ke ta fetevujo awara te ke sokova arai avo mane fetasova. ⁴⁰ Donda perari avo ari emberera ta eto wasiri be ta embereta evujo.