¹ Nana ungota dei ta ehene arafa ora,nau namei kamei,pinga evi ingota dei erena ane umo ne bara humbuha eto ange imo ere fetiha. ² Eto ainge avo umo hondate isoa,ate umo gaiha na ke ekihena enge jigosoa eto humota nau jo perarina. ³ Donda evamei kihi ta ikihena ane na bara humbuhena.Ambo eto Keriso ungote nau samuna ainge pehihija. ⁴ Ate amita be ainge Iesu kovihera eto amita ambo ta erihija. ⁵ Eto Kipas ta dei ijekihija,eto ahako tohota ambotani ta dei ijekihija. ⁶ Amita ambo ta 500 embomei ta dei ijekihija,Iji vahaivahai.Embomei amita neinei ne evae mihera eto neinei avo evihemehera. ⁷ Iesu na ahako ijekihija Jeims ta dei eto tohota ambotani ta dei. ⁸ Iesu na ambo be ta avo nau dei ta ijekihija ane hanafena mameja iji sokova ta ijekarako uhija. ⁹ Namo avo ambotani ta isapa ra,namo avo ambotani ke isoa amita be na avo mamaha ta orohotofu uene memesi aguja. ¹⁰ Na ane Mamaha ta hotofu ainge avo na engeto me he na,eto tohota hotofu nau dei ta ane vihari be ta aera. ¹¹ Avo eto kito na ne temota o enanare,na go ne Bada ta ke avo ungo ta dei hande arora humbavaje. ¹² Bada avo oroho erehija avo ahera,amomo daingeto avo ungo mo peheto mo erae ke mo ereve? ¹³ Ate peheto erari avo erai kito ne,Bada ne pehihija amo mane eraija. ¹⁴ Bada avo erarikito ne nagota ke erera amo mane pure aisuja,eto nu jo gaiha amo mane pure aisuja. ¹⁵ Avo eto kito nago amo Mamahata ke pusari embomei aingeko avo humbasova. Amita be ne nagone Mamaha ta ke be avo erera ate Mamaha tohota mei avo gigei erihija,avo ne pehari amo mane erisuja. ¹⁶ Avo kito ne embo perari avo erae kito ne Bada amo mo mane eraija. ¹⁷ Avo eto kito Bada jigae erae kito ne nu jo gaiha amo mane pure aija,umone mahange wasiri sasamuna aita eragoa. ¹⁸ Avo eto mo embo amina Bada ta jo ai pehihija amo ne erae aisoa. ¹⁹ Inga nau vasiri amita jo aita Bada avo humota orora,ungeta perari ane Bada ta jo aita ra. ²⁰ Ate oroho Mama ta mei avo peheto erihija,embo mei erevera amita ji be kihi ra. ²¹ Eto pehari avo embo ta dei puvuhija,ate embo ta jo aita pehari eto erari avo puvuhija. ²² Adam ta jota embo perari avo pehiera,vahainge dombo Mamo ta mei ta jo ai perari eresora. ²³ Embo vahaivahai avo inonota,Mamo ta mei ji be kihi eto avo tohota furari,embo amina Mamo ta mei ga mihera. ²⁴ Avo au avo eraisuja,mei na Mamo ta dei dandaho da avo ikakuja au avo Mama na agetari perari eto sovera avo humbuto temo ta ikakuja. ²⁵ Mamo ta mei na tihi jigihe pabuto avo tohota hini kambari embo mei avo tohoya ta utu hu ai ekasuja. ²⁶ Hinikambari embo tutumo be ta temo be ta ekasuja amo me pehari ra. ²⁷ Donda perari be avo tohota utu hu ai ekasuja.Ate era,donda perari be avo ahako ikehija,arafa ehija ne donda perari evi ane embo amita hu ai airare. ²⁸ Iji oroho avo donda perari be evi avo embo amita hu ta kito ne mei momohonga avo mamo ta hu ai eresuja avo eto kito mamo amo doda perari be amita jo ta ra. ²⁹ Ate embomei umo ta vovera amo perari ta dei mo doaro? Eto pehari avo erae ra kito mo do asisi embomei amo umo ta veto mo erihere? ³⁰ Do eto avo inganamo mahainge samuna ta mo mihere? ³¹ Na iji mahange pehagona! Na ungota dei ta do aisi ehena ane erena evira,nameikamei,na Mamo ta mei ta dei humbena. ³² Donda mo do humbano,nau siro keari aita,Ephesus ta auka ta o dombo kambo amiga jujune aisona amo? Pehari avo erae aisora? Ungote indito humbare,evito amo ungotena pehasora. ³³ Toau mane mo kepuseto humbuto pabasora,ke sokova ari embomei amo wasiri evamei avo orore samuna aiguja. ³⁴ Sovera eto fete! Wasiri evamei na era! Wasiri sasamuna avo mane aisoa.Ungo neinei amo siro keari amo eraera- Ke evi orono avo mei kivujo. ³⁵ Ate embo mei nei na ehera,pehari amo dainge to erihai,eto hamomo doiga furou? ³⁶ Ungo amo kava mane ra! Do koveha ane mihorou imo pehau avo erito wasiri akuja. ³⁷ Do koveha ane hamo avo aingeto kovau avo ainge ahija,ate ji be ra-toho ambe oh donda nei. ³⁸ Ate Mamo na hamo ne umo uje ora ai ekasuja,eto ji be vahaivahai ta,tohota hamo eonga. ³⁹ hamo perari amo vahai aera,ate embo ta hamo amo vaihai ra,ate o mane ta hamo amo eonga,di mane ta hamo amo bara eonga,eto avo umo te o mane te amo eonga. ⁴⁰ Dandoho da hamo eto enda hamo.Ate uhuta evakaeva ne vahira,eto enda ta eva kaeva ne eongara. ⁴¹ Iji ta eva kaeva ne vahira,hariga ta eva kaeva amo nei eto hunjara ta eva kaeva amo nei.Hunjara ta eva kaeva amo neite kainte ra. ⁴² Peheto erari amone vahangera.Do kovehei haperikia amo eri to avo mahange erusuja. ⁴³ Ke ingae ai kovarira,erito eva kaeva ora,popora ari ai koveha,erito avo sovera ehija. ⁴⁴ Enda ta hamota kovarira,asisi hamo erehija,aita enda ta hamo ta miha vahainge dombo asisi ta hamo ne miha. ⁴⁵ Avo embo engeto kajarira,kihi embo Adam avo wasiri embo uija. ⁴⁶ Ate ahihi avo kihi be furae ra ate pusu na,ehei avo amita ambo ne ahihi. ⁴⁷ Kihi embo nei pusura,honifona uija.Eto avo kihi amita engihita amo ahihi. ⁴⁸ Ate vahai avo pusutofo,avo eto nenei pusu ta amo bara; eto nei vahai amo uhu tofo,eto nenei uhu ta mihera amite bara. ⁴⁹ Ungote nau avo pusu ta pajihera eto pusu ta hajirera,ate barako uhu ta hajire humbarira. ⁵⁰ Eto nana erena,nameikamei,nenei pusu te orosate mihera amina mama ta dandoho dei ane humbasaera.Amo humbau irae au temo o iresaera. Ki! Nana umo hihi tirono ingoe: Ungote na perari mane evokora, ate ungote nane haperekasora. ⁵² Mahu sausau eto buriki be tihi firiketo fui javi inga,eto pehari embo ne erosora,eto ungo te nane haperekasora. ⁵³ Eto hamo irokuja ane afurekakuja,ate hamo tihina ere keva ane ahihi ta hamo akuja. ⁵⁴ Ate hamo irae asuja avo eresuja hamo avo ekehija,eto hamo keisoa avo mane keago ra hamo avo aukehija,ehere futo kejera avo avira: Pehari avo indito avo humbuhera. ⁵⁵ Pehari nu jujune eto humbuhea amo davore? Pehari nu esoro ki mane mo davore? ⁵⁶ Ate peharita ki mane re ari samunara,eto avo ari samunata sovera ne agetarira. ⁵⁷ Ate Mamo avo pekihena,amita eto humbari avo tohota mei ta dei ikihija. ⁵⁸ Avoembo,nau tungahumbari nameikamei gaiha eto fete,pambari sagoae,Mamo ta pure jo ai irijo,kijo nau pure ne Mamo ta dei ne samuna aera.