¹ Nana embo ta evivi te Mamaha ta anera ta evivi te aingeto ke aiso na te tunga humbari aere kito ne ke hirari embora. ² Na hande evi humbarera,ambo ta do ijekasuja avo ari embo,ke humbagona eto siro kiare ari,eto jo gaiha te toriri temota eaguja,ate tugahubari irae kito ne na ne irae ra. ³ Hondate aisona hamo iketo avo sarika aisona,ate tugahubari irae kito erena donda irae ra. ⁴ Tunga humbari amo jamo eto erarira,surafa,sarika aera. ⁵ Amo wasiri samuna aera,eonga aera,hini kambari aera mane samuna jigajuja. ⁶ Tunga humbari amo mane samuna avo osa aguja,ate kae bebe avo osa aguja. ⁷ Donda perari avo be aguja, donda perari avo humota aguja,siro be aguja,iji koso be iraguja. ⁸ Tunga humbari mane erae aguja,ate doijekasuja avo ari kito ne irae isuja:eto ke evivi ne bara erae aisuja,siro kiari amo irae aisuja. ⁹ Ingana ere kevora dei eto dei eto ke uera. ¹⁰ Ate iji eva mei avo furou ne donda tohe orohota amo ne erae aisuja. ¹¹ Na mei ange mihahera amo nau kete,vasirite amo mei aengera,oroho amo na embo ra,avo kito nau kete vasiri amo embo ta ra. Hinafena ta vasiri avo toisora. ¹² Ungote na eonga ere kevora,tombu minara,na oroho ere kevona,ate na avo bebe ere ke vo na,mahuta dainge to mihahe na. ¹³ Ate donda herijo eto nei vahai avo evira: jo gaiha, humota eto tuga humbari.Ate tuka be avo tunga humbarira.