¹ Aghamba kwavo, ''Ushiri nakumu tantera, mpovali vamwe venu vana yimano pano, ava ngava pira kumakera mfa kumeho ngava ka mona untungi waKarunga apa ngaya na nkondo.'' ² Kuruku ya mayuva matano nalimwe, Yesusa aghupu Peturusa na Yakop na Yohanesa kumwe naye vakanduke kundundu yayire, pentjavo naghumwavo. ³ Makura akushuntunuka murupe rwa kurwedima kumeho yavho, lirwakani ali ku shintunuka ukenu, wakupita kanena, wapitakana vhitjitjito vyapa ntunda ya livhu, vyakuvhura kulitjindja. ⁴ Makura Eliyasi na Moses ava vamonekere, ntani nakughamba na Yesusa. ⁵ Peturusa alimburura kwa Yesusa, ''Rabbi, uwa unene kovyo tuna karapo, ntaninka tokwenu turuwane ndjugho ntatu, yimwe yoye, yimwe ya Mosesa ntani ya Eliyasi.'' ⁶ (Kondashi kapi ayivire ashi vinke vya kughamba, kondashi vavo vatetukire.) ⁷ Liremo aliya va fikilire. Liywi a litundu muliremo, ''Oghu ndje monande na hora unene. Tererenu kwendi.'' ⁸ Mpopo paruvede, opo vakenga kengire, kundereko ogho vamoninenka kumwe navo, nkwandi Yesusa tupu. ⁹ Apa vaghurumuke ndundu, ava pangere kundereko ogho vaka tantera ovyo vana mono dogoro mona muntu ngaka vumbuka kuvafe. ¹⁰ Makura navo vavikupungwilire kukwavo, ano vakuyongire mukatji kavo ''kuvumbuka kuvafe'' vinke vya tanta. ¹¹ Ava mupura, ''Mukonda munke valirongi vaghamba ashi 'Eliya ngaye pamuhovho?'' ¹² Aghamba kwavo, ''Eliya Kwayire wakuhova aya wapukurure vininke navi ntjeya. Mukonda munke va tjangera ashi mona muntu ngahepa mumarupe amangi ntani ngava mushwena? ¹³ Ano ngoli kuna kumu tantera Eliya aya, ntani ava muruwana navintje vashsnine kumuruwana, yira momu vavi tjanga kuhamena kwendi.'' ¹⁴ Apa vayire kuvarongwa, ava mono mbunga yayinenene yina vakundurukida, valirongi vamatjangwa ava kutatana navo. ¹⁵ Apa tupu vamonine Yesusa, mbunga nayintje kwatetukire naku duka vaka mumorore. ¹⁶ Apura varongwa vendi, ''Vyakuhamena kunke muna kuku kanana navo?'' ¹⁷ Umwe wamumbunga amulimburura, Murongi, nayita monande wamumati koye. Akara nampepo yakumurenka adire kughamba. ¹⁸ Makura ayimumanga na ku muvhu kumina palivhu, ntutu mukunwa, kukwetje kumayegho, avi mughupu nkondo. Na pura varongwa varongwa voye ndi vayitjidemo, ano ngoli kapi vanayivuru.'' ¹⁹ Ava limburura, ''Muhoko wa kudira kupura, shirugho sha kutika kuninko ngani kara nanwe? Ruvede rwa kuninko ngani kara nanwe? Muyitenu kwande.'' ²⁰ Ava muyita mumati kwendi. Opo yamonine mpepo Yesusa, mpopo ngoli ayi muvhukuma naku ndundana. mumati awere pa livhu nantutu mukanwa. ²¹ Yesusa a pura vashe, ''Shirugho munke a kara weno?'' Vashe avaghamba, ''Kutunda wanuke wendi. ²² Pamwe kumuvhukumina mumundiro ndi mumema ntani kushana kumu djona ghurapo. Nkene ashi mpovili vyakuvura kuruwanako, tuyuvireko nkenda ghutu vatere. ²³ Yesusa agahamba, ''Ntjene kughuvura? Vininke navintje kuvhura kushoroka kovo va puro.'' ²⁴ Mpopo ngoli vashe vamwanuke ava lili nakughamba, ''Napura! Mhvatere muku dira kupura kwande!'' ²⁵ Yesusa opo a monine mbunga kuna kuduka vaye kwavo, mpo afingire mpepo yayidona nakughamba, Ove mpepo ya kumwena na yakupira kuyuva, na kuku rawira, tundamo mwendi, mutunde, ntani kapi ngaungenemo nka mwendi.'' ²⁶ Ayi lili nakukugarumuna unene mumati ntani ayitundumo. Mumati a moneke yira umwe wakufa, vavangi ava ghamba, ''Ana fu'' ²⁷ Ano Yesusa amu kwata kulighoko lyendi nakmuyerura, ntani mumati naye ashapuka. ²⁸ Apa ayire Yesusa mundjugho, Varongwa vendi ava mupura kumpengi, ''Konda munke atwe kapi tuna vuru kuyitjidamo?'' ²⁹ Ghuye aghamba kwavo, ''Dakufana weno nakuditjidashi tupu ngoli nkwandi na ndapero.'' ³⁰ Ava tundu po nakupita mu Galileya. Kapi a shanine kehe ghuno ayive kuni vanakara. ³¹ Ghuye kwa shongire varongwa vendi. Aghamba kukwavo, ''Mona muntu ngava mutapa mumaghoko gha vantu, vavo ngava mu dipagha. Apa ngava mudipagha, kuruku ya mayuvha matatu nga vhumbuka nka.'' ³² Ano ngoli kapi vavi kwatire lighano evi ava tantelire, ntani vakutjililire kumupura. ³³ Makura ava ya ku Capernaghumu. Kuruku apa va ngenine mudjugho, ava pura, ''vinke muna timwitiri mundjira?'' ³⁴ Ano ngoli ava mwena. Kondashi kwakukana nine mukatji kavo mundjiraa yavo kuhamena are wamunenepo. ³⁵ Ava shungiri, ava yita murongo navaviri kumwe nakughamba kwavo, ''Ntjene kehe uno ana horo kukara wakuhova, ana kona kukara wakuhulilira kunavantje nakuviruwana navintje.'' ³⁶ Aghupu mwanuke wa mudidi nakumutura mukatji kavo. Amu tura mumaghoko ghendi nakughamba kukwavo, ³⁷ ''Kehe ghuno wa kutambura mwanuke waweno mulidina lyande ghuye kuntambura ame; Kehe ghuno wakuntambura ame kapi ashi ame wakuwana ene ngoli kutambura ogho antumo ame.'' ³⁸ Yohanesa aghamba kwendi, ''Mushongi, twa mona umwe kutjida demone mulidina lyoye atwe mbyo twamukavire, kondashi ghuye kapi atukwamanga. ³⁹ Ano Yesusa aghamba, ''Mwasha mushweneka, kondashi kundereko wakuruwana vitetu vyavinene mulidina lyande ntani ghuye aghambe vyavidona vyakuhamena kwande mpopo. ⁴⁰ Kehe uno adirango kukulimba natwe ogho wetu. ⁴¹ Kehe ghuno wakukupa nkinda ya mema mulidina lyande morave wahamena kwa Kristusa, ushiri naku mutantera anwe, kapi nga kombanita ndjapo yendi. ^{42 44} Kehe uno, Yesusa aghamba, ''Mwasha mu shayekita, kwato ghumwe wakurughana vininnke vya nkondo mulidina lyande ntani kunyima yaruvede a ghambe vininke vyavidona kukwande. Kehe uno wakupukita umwe wavanuke vano vapura mwande, hashako tupu kumangerera limuwe muntingo yendi,nakumuvukumina mulifuta. ⁴³ Ntjeneshi lighoko lyoye kupukita, liteteko. Hasha kukangena muliparu lyaliwa nakukara namaghoko maviri, nakuyenda mumundiro, mumundiro wakudira kudima. ^{45 46} Ntjene lighuru lyoye kukurenkita undjone ,litateko. mukangene hashako tupu koye mukakangena muliparu ove shirema kapishi namaghuru na kukakuvhukumina mumundiro . Mualivango omo adiranga kufa mavinyo ,ntani mundiro kapi vaghughupangamo. ⁴⁷ Ntjene lintjo lyoye kukurenkita undjone ,liteteko ,hashako ove mukungena mughuntungi wakarunga nalintjolimwe nakukara namantjo maviri nakuka kuvhukumina mulivango lyavanandjo. ⁴⁸ Mulivango omo va diranga kufa mavinyo ntani mundiro kapi vaghupangamo ⁴⁹ Kehe uno ngakara mungwangwa namundiro, ⁵⁰ Mungwa ghuwa, ano ngoli ntjene mungwa una kombanita mulyo wagho, weni mo ghughurughana ghukare nka mungwa? Karenu namungwa mukatji kenu, ntani mukare nambili navaungenenu.''