¹ Jesus gha shuvu livango linya kumwe na kuyenda kuruhashirongo shaJudeya nakuvi ha vya sheli yamukuro waJorondawu, mbunga mpo ya yire kwendi nka. Shimpe nka ghava shongo, yira moomu tupu ka vi rughana nga. ² Makura vaFarisayi ghava mu yere va musheteke nakumupura, ''vyapulitira paveta mukafumu ghakugaghunuke namukamali wendi?'' ³ Gha limburura, ''vinke gha mu rawira Moses?'' ⁴ Mpo va ghambire, Moses gha pulitilire mukafumu gha tjange mbapira yamakushweneno kumwe na kuvyuta ko mukamali.'' ⁵ ''Mukonda yadimutjima denu dadikukutu mpo gha mu tjangilire dino veta,'' Jesus gha ghamba kwavo. ⁶ Ene ngoli kutunda kuntateko yalighungo, ''Karunga ghava tura mukafumu namukamali.'' ⁷ ''Mukonda yino mukafumu nga ka shuva vashe navawina ntani ghaka kukwatakanite kwamukamali wendi. ⁸ Ntani vano vaviri ngava ka kare rutu rumwe. Makura kapi vana kara vaviri nka, ene ngoli vana kara rutu rumwe. ⁹ mpo ashi kehe vino gha gwanikida Karunga kumwe, kundere ko wa kuvigaghununa.'' ¹⁰ apa va kalire mundjugho varongwa vendi nka gha va mu pura shimpe kuhamena vino. ¹¹ gha ghamba kwavo, '' kehe ghuno wakushwena mukadendi gha ka kware ko mukamali naghopeke, wangoli kuna kurughana rukeshe kogho mukamali. ¹² nange gha ka shwena mukafumu wendi gha kakware ko mukafumu naghopeke, kuna kurughana rukeshe.'' ¹³ Makura ghava mu yitiri vana vavo vavadidi mpo ashi gha va kwate ano ngoli varongwa mpo vava tughumukilire. ¹⁴ Ene ngoli Jesus apa gha vi dimbwilire, kwa mu guvitire ngudu mpo a ghambire kwavo, '' pulitirenu vanuke vavadidi vaye kwande, mwasha va shweneka, mbyovi ghuntungi waKarunga kwa hamena kwava va fano yira mbo. ^{15 16} Vyaushiri na ku mutantera, kehe ghuno nga diro kutambura ghuntungi waliwiru lyaKarunga yira mwanuke wamudidi, kundere ko kukangena mo.'' Makura gha kwaterere vanuke mumawoko ghendi nakuvatungika ghuye kuna kuva kambeke mawoko ghendi. ¹⁷ Apa tupu gha shapukire ruyendo rwendi, mukafumu ghumwe gha dukiri kwendi kumwe nakutongamena kumeho yendi na ku mu pura, '' Mushongi wamuwa, vinke ovyo nivura kurughana mpo ashi ni pinge monyo wanaruntje?'' ¹⁸ Jesus a ghamba, ''' vinke ghuna kuntwenyina wamuwa? Kundere ko ogho a karo ashi ghomuwa kughupa ko Hompa Karunga mpantjendi. ¹⁹ Mwa vi yiva vipango: '' nakudipagha shi, nakushondera shi, nakuvaka shi, nakurundira shi, nakunyenena shi, fumadeka vasho navanyoko.'' ²⁰ ano mukafumu a ghamba, '' Mushongi vininke navintje vino ame kwavi kwama nakuvifumadeka kutundilira ghunantjoka wande.'' ²¹ Jesus nko ku mu kenga nakumuhora. Ano makura a ghamba kukwendi, ''shininke shimwe wa pumbwa. ghunakona kughulita navintje wa kara navyo kumwe naku vi tapera kuvakaruhepo, ntani ngaghukara naghungavo muliwiru. yiya ngoli ghu nkwame.'' ²² Ene ngoli mukonda ya nkango dino gha moneke ashi ghana gughu ngudu gha kayenda naghugara, mbyovi ashi a kalire na vininke vyavingi. ²³ Jesus mpo gha kenga kengire na kughamba kuvarongwa vendi, ''omu ngoli vya ditopera vanya vangawopara kungena ghuntungi waKarunga!'' ²⁴ varongwa kwa tetukire nkango dendi. Ene Jesus a ghamba kwavo nka, ''Vanuke, weni tupu omu vya ditopa kungena ghuntungi waKarunga! ²⁵ Ureru ngameru mukukangena mulintjo lyantonga shivulite ngavo kukangena ghuntungi waKarunga.'' ²⁶ ghava tetuka ngudu kumwe nakukughambera naghumwavo, ''ghare ngoli wakuvura kuyowoka?'' ²⁷ Jesus ghava kenge nakughamba nka ashi, ''kuvantu nakushoroka shi, ene ngoli kapishi kwa Karunga. Morwa ashi vininke navintje kushoroka naKarunga. ²⁸ Petrus mpo gha ghambire naye, ''kenga ghatwe kwa shuva navintje mbyo twa kukwama.'' ²⁹ Jesus ghaghamba. '' ushiri naku mu tantera, kundere ko ogho gha shuvo mundi ndi vampandja vendi vavakafumu ndi vavakamali ndi vawina ndi vashe ndi vana ndi livu mukonda rwande ndi mbudi yayiwa ³⁰ ghare gho nga diro kutambura vikando vyakutika kulifere kupita paweno muno mughujuni: ndjugho navampandjirume navampandjikadi navanyokwa, navana nalivu,namahepeko, ntani mughudjuni ogho ngaghuyo, monyo wanaruntje. ³¹ Ano ngoli shingi shavakakuhova ngava ka hulilira, ntani vakuhulilira vavo ngava ka hova.''' ³² opo vavo mundjira ya yendo dogoro kuJerusalema,makura Jesus kwava pitilire kumeho. varongwa gha va tetuka, ntani ovo va kwamino muruku vavo kwa kalire nawoma. makura Jesus gha ghupu po vanya ronambiri shimpe nka gha tameke kuvatantera ovi ngavi mu shorokero muruvede rwapapepi tupu. '' ³³ munamono! ghatwe kuna kuyenda dogoro kuJerusalema, makura mona muntu ngava ka mu tapa kuvapristeli vovanene navatjangimatjangwa. ngava ka mu pangura dogoro kumfa nakumutapa kuvapagani. ³⁴ ngava ka mu tinda, ku mu tipira, ku mu shepura, kumwe na ku mu dipagha. Ano ghuye nga ka vumbuka kuruku yamayuva matatu.'' ³⁵ Jakobus naJohanes vana vaZebedi, kwa yire kukwendi nakughamba, ''mushongi tuna shana ghu tu ruwanene kehe vino tu ku pura.'' ³⁶ Gha ghamba kwavo, ''vinke muna shana ni mu rughanena?'' ³⁷ ghava ghamba ashi, ''' tu pulitire nga tu ka shungire nove mughuyerere woye, ghumwe kuliwoko lyoye lyarulyo, ghumwe kurumontjo.'' ³⁸ Jesus mpo ghava limbwilire, '' kapi muna yiva ovyo muna kupura. Nga mu vura kunwa nkinda oyo ngani nwa ndi kudidimika likusho olyo ngava nkushita?'' ³⁹ ghava ghamba kwendi, '' nga tu vura.'' Jesus gha ghamba kwavo, '' nkinda oyo ngani nwa, nga mu nwa, ntani nalikusho olyo nga va nkusha, nanwe ngava mu kusha. ⁴⁰ Ene ngoli wakushungira kuliwoko lyande lyakalyo ndi kuliwoko lyarumontjo kapishi me wa ku vi tapa, ano ngoli vya mbovo vaviwayikira.'' ⁴¹ vanya varongwa vamweya murongo opo va yuvhire vino, ghava tameke kugarapera Jacobus naJohanes. ⁴² Jesus ghava yita kwamwene nakughamba, '' mwayiva ashi vanya va vatura va kare vapangeli vahedani kuva dinitira, ntani vampititili vavo vavanene kurughanita ghunankondo pwavo. ⁴³ ene ngoli kapi ngavi kara weno mukatji kenu. kehe ghuno nga shano kunenepa mukatji kenu gha kona kukara mukereli wenu, ⁴⁴ ntani kehe ghuno nga shano kukara wamuhovo mukatji kenu gha kona kukara shipika shanavantje. ⁴⁵ Morwa Mona Muntu kapi ghayera kuya mu rughnena, ngoli kuyarughana nakutapa liparu lyendi yira shiyowolito kuvangi.'' ⁴⁶ Ghava ya kuJeriko. moomu va tundire muJeriko navarongwa vendi nambunga yayinene, mona Timias womukafumu, Batimeus, mutwiku wokurombaghera, kwa shungilire kushitaghura. ⁴⁷ Opo gha yuvire ashi Jesus wakuNazareni gho, gha tameke kuyiyira nakughamba, '' Jesus, mona Dafiti, mfere ko nkenda! ⁴⁸ Shingi shavo kwa mu shwenininepo mutwiku ghunya, muku mu tantera gha mwene. Ene ngoli ghuye gha takuma ngoli kupitakanena, '' mona Dafiti, mfere ko nkenda!'' ⁴⁹ Jesus gha yimana nakupanga va mu yite. ghava yita mukafumu ghunya wamutwiku, ghava ghamba, '' kora! shapuka! kuna ku kuyita ana kukuyita. ⁵⁰ ''Ghavukumini mwaye wendi ntere, a yika honyonoka, ghuye ghaya kwa Jesus. ⁵¹ Jesus gha limburura ntani gha ghamba, '' vinke ghuna shana ni ku rughanena?'' Mutwiku ghuya gha ghamba, ''Rabbi, nashana ni mone. ⁵² ''Makura Jesus gha ghamba kwendi, '' kayende. lipuro lyoye lina kuverura. '' Mpopo tupu gha mono nka, makura gha mukwama mundjira.