¹ Ngoli apa vayire kuYerusalema, vakalire pepi na Betepage na Betaniya kundudndu yamaghuywe., ntani Yesusa atumumo vaviri muvarongwa vendi ² aghamba kukwavo, '' yendenu mumukunda ogho twa kuvhyuka nagho. tupu mukangena mo, kumu kawana shidongighona osho vadira kuronda rumwe. kashimangununenu naku shi yita kwande. ³ ntjene mpwali ogho a kaghambo kwenu, ''vinke muna kuvirughanena vino?'' anwe muka ghambe , Hompa ana ku shishano guye kwaka shivyuta wangu wangu kuno.'' ⁴ vavo ava yendi ava ka wana shidongighona osho va mangilire kulivero pandje yarukanda, ntani ava shi mangununa. ⁵ vantu vamwe ovo va yimanino po ava ghamba kwavo, ''vinke muna kurughana, mukumangununa osho shidongighona?'' ⁶ vavo ava ghamba kwavo kutwara omo ava tantilire Jesus, makura vantu ava va shuvu vaka yende nandjira yavo. ⁷ makura vanya ava yita shidongighona kwaJesus nakuvukumina po vikoverero vyavo, makura ghuye a shungiri po ⁸ vantu vavangi ava yara vyuma vyavo mushitaura vamwe ava yara dimumutavi odo vatetire mumafuva, ⁹ ava vayendiro kumeho yendi nava vamukwamino ava yighiri ''hosiyana! munalirago ndjegho aya ngo ngo mulidina lyaHompa. ¹⁰ lirago shili untungi owo ghuna ku yero mwashetu David! Hosiyana yakuwiru-wiru!'' ¹¹ makura Jesus gha ngene muJerusalema nakuyenda muntembeli makura gha kenga kenge navintje. muruhulilira rwaruvede, gha yendi navaronambiri. ¹² liyuva lyakukwama ko pakuyenda keavo va tunde kuBetani ghuye ndjara. ¹³ gha monene shitondo shaghukuyu kughure osho sha kaliro namahako gha yendi gha ka kenge ko ntjene kwa ka wana ko nyango kwasho, apa gha yire ko, kapi ghaya wanine ko vintu nkwandi ngo mahako tupu, morwa ashi kapishi ntjo shinema shamaghukuyu. ¹⁴ Gha shi ghambere, ''kwato ghumwe ngalyo nyango dakukoye nka.'' ntani vashishongero shendi va viyuvire. ¹⁵ ghava ya kuJerusalema, ghangene muntembeli nakutameka kufingilira vaghuliti navaghuli muntembeli. ghuye ghagandanga ntishe dava tjindji maliva navipuna vyavaghuliti vidira. ¹⁶ Kapi ghapulitilire kehe ghuno ghashimbe kehe vino muntembeli ovi vaghulite. ¹⁷ Ghavashongo ntani ghava tantere, ''kapi va vi tjanga, ndjugho yande ngava yi twenya ndjugho ya ndapero yadimuhoko nadintje?'' Ene ngoli anwe muna yi tura ngoli muna yi tura yi kare livango lyamaghulitiro. ¹⁸ vapristeli vavakurona ntani valirongi vamatjangwa vayuvire ovyo gha ghambire. vavo vashana-shanine ndjira ya ku mu dipagha. vavo va mu tjilire mukonda ashi mbunga nayintje ya tetukire kulishongo lyendi. ¹⁹ Apa ya tikire ngurova, vavo ghava tundu mo mushitata. ²⁰ apa va yendire muruvindwira, vamonine shitondo shaghukuyu shinakukuta kutamekera kundandani dasho. ²¹ Petrus gha vuruka nakughamba, ''Rabbi! kenga! shitondo shaghukuyu kaghufingiliri shinakukuta.'' ²² Jesus ghavalimburura, ''karenu nalipuro mwaKarunga. ²³ vyaushiri nakumutantera ashi ntjene ghumwe gha ghambere ndundu yino, ''damuka ghuka kuyangere naghumoye mulifuta; ntjene kapi gha kara nalitamangero mumushima wendi ene ngoli a pure ashi ovyo ghana ghamba kuvishoroka, ovyo mbyo gharughana Karunga ²⁴ mpo ngoli nakumutantera: kehe vino muraperera nakuromba, vipurenu ashi muna vi wana, ngavi kara vyenu. ²⁵ Pakuyimana mu raperere, muna kona ntani kughupira po kehe vino mwakujonena na kehe ghuno, mposhi shenu wamuliwiru naye nga mu ghupire po maghundjoni ghenu. '' ²⁶ Ntjene kapi mughupirapo, naye shenu wamuliwiru kapi gha mu ghupira po maundjoni ghenu. ²⁷ Vavo ava ya nka kuJerusalem. pakuyendaghura Jesus muntembeli, Vapristeli vavakurona, valirongi va matjangwa, ntani vakurona ava ya kwendi. ²⁸ Ava ghamba kwendi ''Nankondo munke wa rughana nga vininke vino, ntani ghare ghakupo ghunankondo wa kuvirughana vino?'' ²⁹ Jesus gha ghamba kwavo, ''kuni mu pura lipuro limwe. Ntanterenu ntani ni mu tantera nkondo odo na rughanita nga vininke vino. ³⁰ likusho lya Johanes, kwatundilire muliwiru ndi kwa tunda kuvantu? ndimbururenu.'' ³¹ vakuyongire mukatji kavo ava kukanana nakughamba, '''ntjene tughamba, ''kwatunda muliwiru,'' ghuye kwa ghamba, ''makura vinke mwadira kumupura?'' ³² Ntjene tu ghamba, ''kwatunda kuvantu;...''ghava tjira vantu, kehe ghuno gha vi pulire ashi Johanes Kwa kalire muporofete. ³³ Makura ava mu limburura Jesus nakughamba, '' kapi tu yivha. ''makura Jesus gha ghamba kukwavo, ''' name shi kapi ni mu tantera ashi nankondo munke narughana nga vininke vino.''