¹ Makura Yesusa atameke kuvashonga muvi honenito. Aghamba ashi, ''Mukafumu ghumwe kwatapekire shikunino shamandjembere, ghashigumbu, Atimi likwina lyaukameno. Atu ngirimo ruhungu rwakukamitira, makura ghasheshedita shikunino sha mandjembere kuvaka kulima mandjembere. Makura ghayendi maruyendo. ² Pashirugho shauhunga, mbyo gha tumine mukareli kuvakashikunino aka shimbe kwavo vininke vya nyango vyakushikunino shamandjembere. ³ Ano ava mughupu, ava mutoghona, ntani mbyova muvyutire maghoko-ghoko. ⁴ Waro nka ava mutumini mupika ghumwenka, makura ava kamuremeka mumutwe nakumuruwanita nalishwaghu. ⁵ Shimpe nka waro atumuko mupika ghumwe, ntani ghuno ghuye vamudipayire. Vavo kwaruwanitire vavangi murupe rwakukufana, vamwe kuvatoghona nakudipagha vamweya. ⁶ Shimpe nka pakalire ghumweya wakuvura kutuma, monendi wamumati ogho ahoro ngudu ndje ghumwe wakuhulilira atuminoko kwawo aghamba ashi ngava kamufumadeka monande. ⁷ ''Makura vana ndimi ava kutantere tantere, ''Oghuno ndje mupingwa. Tokwenu tumu dipaghe, makura upingwa ukare wetu. ⁸ Ava mukwata, ava mudigha, ntani ava muvukuma pandje yashikunino. ⁹ Mpongoli ashi vinke nga ruwanako mwenya shikunino? Ngaya ntani kuya djonaura vakashikunino nakuya tapa shikunino kuvamweya. ¹⁰ Nani kapi mwa varura mumatjangwa? Liwe olyo vashwenine vakakutunga likare ngundi. ¹¹ Evi kwa tunduire kwa Karunga ntani vyavyo avi kara vitetu muma ntjo ghetu. ¹² Muruku rwavi vampititi vava Yuda mpo vashanine ndjendito yaku mukwata Yesusa kondashi vavo kwayuvire shitegho osho atire kwa shishe wekilire kukwavo. Ano ngoli vavo kwatjilire mbunga. Mbyo vatundirepo naka yenda. ¹³ Makura ava tumu vaFariseyi vamwe ntani navaka Herodesa vamwe kukwendi, vakamu sheteke nankango. ¹⁴ Opo vayire ava mutantere ashi, ''Murongi atwe, twayiva ashi ove kapiwa tamburanga maghano a kehe ghuno, ntani nka kapi waneghe danga likutakano pakatji ka vantu. Vya ushiri ove kwa shonganga ndjira yaKarunga. Vya pulitira kufuta Mutero kwaHompa wamunene ndi hawe?'' Kuvura tufute ndi hawe?'' ¹⁵ Ano ngoli Yesusa ayivire ukupaki wavo nakuva tantera ashi, ''Vinke munaku ntjetekera ame? Yitenu Denarighusi niyikenge.'' ¹⁶ Ava yitako yimwe kwaYesusa. Aghamba kwavo, ''Shishwi share shino shinakaro pano?'' Ava ghamba ashi, ''Siza.'' ¹⁷ Yesusa aghamba ashi, "Tapenu kwa Siza ovyo vininke vyamutumbukura kwa Siza ntani Tapenu kwa KArunga ovyo vya tumbukira kwa Karunga. Mpo vamutetukira. ¹⁸ Va Sadusis, ovo vaghambire ashi kundereko livumbuko lyavafe, vayire kwendi ava. Ava mupura nakughamba ashi, ¹⁹ ''Mushongi, Mosesa kwatuntjangera kwetu nkeshi mukafumu ana fita mukurwendi ndi mughunyendi mpo ana shuvu mugholikadi wendi, ghuye kundereko mona, murume kuvura tupu kushimba ogho mukamali, nakukulita ntanga da mughunyendi ndi mukurwendi.'' ²⁰ Kwakalire vaghuni navakuru vatano navaviri vavakafumu, wakuhova kwaghupire mukadi ntani mpo adohorokire, kwato ntanga ashuvire. ²¹ Makura wa ghuviri naye mbyo amushimbire ano ngoli naye kapi ashuvirepo naye ntanga, wa Utatu naye nka mukshikwavo. ²² Waghuntambiri naye kwato ntanga. waku manitira, mukamali naye mpo adohorokire. ²³ Muli vumbuko, opo ngava kavumbuka kavafe, mukamali ware nga kara? Mposhi vakuru navaghuni navantje vakalire mukamali wavo.'' ²⁴ Yesusa aghamba, '' Kapishi ndjo konda muna kara mulipuko, kondashi anwe kapi mwayiva matjangwa ndi mposhi nkondo da Karunga? ²⁵ Mora opo ngava vumbuka kughufe, kapi vakwara ndi mposhi kuvapa nkwara, ene ngoli vavo yira va Engeli mu liwiru. ²⁶ Ano ngoli vyakuhamena livumbuko lyavafe, Kapi mwavarura mumbapira ya Mosesa, Vyakuhamena kushishwa, weni omo karunga aghambire kwendi nakughamba ashi, ''Ame Karunga waAbrahamu, Ame Karunga waIsaka ntani KArunga waYakopo'? ²⁷ Ghuye kapi karunga waVafe, ene ngoli waVayumi. Anwe munakara mulipuko.'' ²⁸ Ghumwe waavalirongi matjangwa ayire nakuya yuva ovyo vakuyongire, amonine ashi Yesusa Kwava Limbwilire mughuhunga. Amupa, ''Muragho munke wamulyopo unenepo? ²⁹ Yesusa a limburura ashi, ''Shamulyo unene, Yuva, Isragheli, Hompa Karunga wetu, Ndje Pentjendi. ³⁰ Una hepa kuhora Karunga ghoye namutjima ghoye naghuntjeya, na Monyo ghoye na ghuntje, naMaghano ghoye naghantjeya, ntani naNkondo doye nadintjeya. ³¹ Muragho wauviri, 'Una hepa kuhora unyoye, momu waku hora naghumoye'. Kundereko nka muragho ghumweya wakupitakana dino.'' ³² Mushongi wa ndaka a tanta ashi, ''Nawa, Mushongi! Ushiri una kututantera ashi Karunga ghumwe tupu, kundereko nka ghumweya waku mupi takana. ³³ Muku muhora nadimutjima detu nadintjya na ku kwata lighano na nkondo detu nadintje, ntani hora unyoye momu wakuhora naghumoye ya pitakana vitapa na ndjapo dakupya. ³⁴ Opo Yesusa avimonine ashi atapitire lilimbururo mu ushiri, mbyo ava tantelire, ''Anwe kapishi ure muna kara na Uhompa waKarunga.'' Muruku rwa mbyovyo, kwato nka ghumwe kasha apure Yesusa mapuro. ³⁵ Ghuye opo Yesusa nakusha muntembeli, aghamba ashi, ''Weni omo vagahamba valirongi matjangwa Kristusa ne mona Daviti waMurume? ³⁶ Daviti naghumwendi., mu mpepo ya kupongoka, kwaghamba, Hompa kwa ghamaba kwa hompa, ''Shungira kurulyo rwande dogoro mpopa ngani tura vanankore voye vilyatero vyampadi doye. ³⁷ Daviti naghumwendi kwakuyitire naghu mwendi ashi, 'Hompa,' Makura weni omo Kristus akare mona Dafiti wamurume?'' Mbunga yayinene yamu terelire nawa. ³⁸ Mumashongo gha Yesusa aghamba ashi, karenu muna vangara kuva lirongi vama tjangwa, ovo vahoro kuyendaghura mumarwakani ghamare naku kumona ghura muma ghulitiro. ³⁹ Ntani nakuwana vipuna vyalikuto mu Sinagoge ntani muma vango vafumadeka ghavipito. ⁴⁰ Vavonka kudjonaghura ndjugho dava fitavya, ntani kuraperera ndapero dadire, mposhi vantu vamonek. Ava vaka fumu ngava wana mpanguro yayinene.'' ⁴¹ Makura Yesusa kwa shungilire ghuye anakuvyuka kumwe na shimbangu shavitapa mulivango lyaNtembeli, Ghuye akengelire vantu naku tapa vimaliva mushimbangu. ⁴² Makura mufitavya waruhepo ayaturamo naye tusende tuviri, twakupitakana vingcengcere. ⁴³ Ayita varongwa vendi ntani aghamba kwavo ashi, ''Ushiri nakumutantera, ghuno mufitavya waruhepo ndje atuliremo vyavingi kupitakana navantjeya ovo vatapire vitapa mu shimbangu. ⁴⁴ Mora navantjeya kwa tapire papanene. Ano ngoli oghuno mufitavya ghuye kwaya tuliremo vimaliva navintjeya ovyo kasha ghapuruke navyo vyamuruhepo rwendi.''