¹ Vafariseyi navalirongi matjangwa ovova tundire kuyerusalema kwayapangire pamwe naye. ² Vavo kwakengere vamwe varongwa vendi kunakulya mboroto namaghoka.Gha gho kudira kukukusha. ³ VaFariseyi ntani navandje nava Juda vavo nakulyashi kwandi vakukushe kumaghoko.Mararo vavo vakwaterere mpoyavo yavakurona ⁴ Apa vaFariseyi vayanga kumughulitira. Vavo kapivaya yanga kwandi kuna kukushunamwavo,ntani vavo vakwate vininke vyo vingi ovyo vatambura yira vyakukusha. nkinda,poto, vyagorondo, navhuro.. ⁵ VaFariseyi ntani nava Lirongi matjangwa avaya nakupura Yesusa, ''Mora nke varongwa, voye vana kupira kukwama mpo ya shikuru, ene ngoli vavo vahana kukusha maghoko ghavo?'' ⁶ Ano ngoli, ''Yesaya apumbire nawa vyaku hamena ku umbudi wenu. Yira momo vavitjanga, 'Ovano vantu vamfumadeka na ngevho davo, ano ngoli mutjima davo ure name. ⁷ Litangayiko lyamaghoko ghoko ndyo vampa, kurongita dimuragho davo ashi madi veta ghavo.' ⁸ Anwe kushuva veta yaKarunga mukwaterere wangu kumpo ya muntu.'' ⁹ Ghuye aghambanka kwavo, ''Weni omo mutulira ku ntere veta daKarunga mukwame vya mpo yenu? ¹⁰ Mpo ngoli shi Mosesa kwaghamba, ''Fumadeka vasho navaNyoko; ntani, 'Kehe uno aghamba vyavidona kuhamena KwaVashe ndi Vawina ghuye kafa vene.' ¹¹ Ano ngoli Anwe mwaghamba, 'Nange muntu a ghamba kuvashe ndi vawina, ''Kehe yino mbatero wakara nayo ya kutunda kwande Karobani''' (Kutanta ashi Shitapa sha Karunga'), ¹² makura ghuye kapi mumupulitira ghuye adire kuruwanena kahevino vashe na Vawina. ¹³ Anwe Kuruwanita nkango daKarunga kugaununa ku mpo oyo mwahoreka kuntji ntani vyavingi vyaweno vininke ovyo mwaruwananga.'' ¹⁴ Ghuye Ayitanka waro mbunga yayinene nakuvatantera, '''Tererenu kukwande, namuntji, ntani kwatenu lighano. ¹⁵ Kundereko shaku tunda pandje ya muntu shakumunyateka opo shimungena. Ano ngoli osho shatundanga mumwendi ntjo shamunyatekango. ¹⁶ Ogho akaro namatwi, ayuve. ¹⁷ Mpopo atundire pa mbunga aya ngene mumundi, varongwa vendi ava mu pura vyakuhamena vyakuhamena kushifanekito. ¹⁸ Yesusa aghamba, ''Nanwe kapi munavikwata lighano? Kehevino vya kungena munda ya muntu kwato kumu nyateka, ¹⁹ kondashi kapi viyenda mumutjima wendi, ano ngoli kungena mulipumba lyendi ntani kapita viyende pandje?'' Nodino nkango Yesusa mpo aghambire ashi ndya nadintje dakena. ²⁰ Aghamba, ''Mbyovi vya tundanga mumuntu mbyo vyakumu nyateka. ²¹ Kondashi vyamunda ya muntu, vya ku tunda mumu tjima, kutwikira vighayara vyavidona, runtjo rwa wina, widi, kudipaya, ²² kushondera, ufeke,lipiyonga, mfudud, lishwaghu, maudona naghantje. ²³ Maudona naghantje kwa tundanga munda, ntani mbyo vya nyatekanga muntu.'' ²⁴ Mbyo ashapukire atundepo panya ntani nakuyenda kulidingonoko mukunda lya Tire na Sidona. Momo mpo akangenine mundjugho, ntani kapi ashanine kehe ghuno ayive ashi kuninko anakara, ano ngoli kapi vavulire kumuhoreka. ²⁵ Yira momu vyashwa kushoroka, opo tupu mugholikadi ogho akalire namuntjenge-ntjenge omo dakalire mpepo dadidona opo damuyuvire, mpo ayire nakuyawera kumpadi dendi. ²⁶ Mpopo mugholikadi kwa kalire muka Grika, ghuye ntundiliro yendi muSirofonisiana. A mukanderere akatjide demone dakalire mwamu ntjenge-ntjenge wendi. ²⁷ Aghamba kwendi, ''Pulitirenu tanko vanuke valye. Konda ashi kapi vya wapa muku ghupa mboroto davanuke ntani kadivukumina mbwa.'' ²⁸ Ano ngoli alimburura nakughamba kwendi, ''Nhii, Hompa, nampili mbwa dakuntji ya ntishe nado kulya ndya dakutunda kumboroto.'' ²⁹ Ghuye aghamba kwendi, ''Konda ashi mbyovyo ghuna ghamba, una manguruka mukayenda. Demone dina tunda mwa muntjenge-ntjenge ghoye.'' ³⁰ Avyuka mundjugho yendi ntani akawana mwanuke ghuye anarara pa mbete, ntani demone dinamutundu. ³¹ Makura atundumo nka mulidingonoko mukunda lya Tire, ntani apitiri mu Sidoni ayende kulifuta lya Galileya akanduke mulidingonoko mukunda lya Dekapolisi. ³² Mbyo vamuyitilire shipururu-puru ntani ghuye akalire naghudito wakupira kughamba, mbyo vamukandelire mukuyenda aka kambeke maghoko ghendi pendi. ³³ Amughupu kumutunduta mumbunga nakumutwara kumpengi, atura nyara dendi kumatwi ghendi, ntani atipi nakuguma ruraka rwendi. ³⁴ Makura akenge kuwiru, alikumita, nakumutantera, ''Ephpthatha,'' ovyo vinakutanta ashi, ''Gharura!'' ³⁵ Pamwe tupu Matwi ghendi mbyo apaturukire, ruraka rwendi naro mbyo rwa mangurukire, nakuvareka kughamba nawa nawa. ³⁶ Yesusa ava rawiri kundereko ogho avi tantero vantu. Ano ngoli vavo paku vashweneka, vavo kuwedererako muku viyukita. ³⁷ Vavo vyava tetukitire ngudu, nakughamba, ''Ana ruwana navintje mughuhunga. Ghuye nka kurenka vakufamatwi vayuve, vakupira kughamba vaghambe.''