¹ Shimpe nka aya tameke kushongera kuntere da lifuta, ntani yayo mbunga yayinene Ayi yamu kundurukida. A rondo muwato ogho wa kaliro mulifuta, makura ashungiri mo. ² Ghava shongo vininke vyavingi mumafanikito namu marongo ghendi, ovino mbyo ava tantelire. ³ Teghererenu! Mukuni kwa yendire aka kune mbuto yendi. ⁴ Opo a kunine mbuto yimwe ayi were mudjira, makura vidira aviya yidjonaurapo. ⁵ Ntanga dimwe a diwere pavikarawe, opo pa pilire livhu lya liyingi. Mpopo tupu makura ayi bwayuka kumena, mora kapi pa kalire livhu lya yendo ghure. ⁶ Ene ngoli opo lya pumine liyuva, vimenwa vina pi po, morwa kapi vyaka lire na ndandani, avi kukuta. ⁷ Ntanga dimwe adi kawera muvi menwa vya miya. Vimenwa vya miya vinya a vi ya kuru makura a vi yirwarwa, makura kapi vya yimine mbuto. ⁸ Ntanga dimwe ghadiwere pa livhu lya liwa olyo lya yimino mbuto yayiwa oyo ya kuliro nakuku vhukita. Nakauyima vikando dimurongo ntatu, dimorongo nta yimwe, dogoro lifere. ⁹ Makura atanta ashi, ''Kehe ghuno a karo namatwi, ghakuyuvha a yuvhe. ¹⁰ Opo a kalire Yesusa pe ntjendi, ovo vamu kaliliro pa pepi navanya ronambiri ava mu pura vyakuhamena mafanikito ghanya. ¹¹ Ava tantere ashi, ''Anwe kuna mupa vyalihoramo lyo untungi waKArunga. Ene ngoli kovo vapandje navintje vya karera mumafanikito, ¹² mpo ngoli ashi opo ngava kenga, mo kuna kukenga, ene ngoli kava mona, mpo nka ashi, opo ngava ka yuvha, mo ngava yuvh, ene ngoli ngava vikwata lighano, nkwandi ngava ku vyute makura Karunga ghuye ngava ghupirepo.'' ¹³ Ava pura ashi, ''Shino shifanekito kapi muna shikwata lighano ndi? Makura weni muka vhura kukwata lighano lya mafana yikito naghantje? ¹⁴ Mukuni kukuna nkango. ¹⁵ Vano mbovo vakuntere dandjira, oku vana kunu nkango. Tupu va di yuva, mpopo tupu Satana ghuye kuya ayava shakane nkango vana kunu mwavo. ^{16 17} Ovano mbo ngoli vanya vambuto vakunine pavi karawe, vaweno, vayuvanga nkango kuyitambura mpepo naru hafo. Ano ngoli mwavo mwato ndandani, ene ngoli vavo kudidi mika paka ruvede kakafupi. Kuruku yaruvede pakutameka kwa maghudito naruhepo kondashi nkango oyo, vavo makura ava vyukiri kuruku. ¹⁸ Shimpe nka, vamwe mbombuto oyo vakunine mushi migha. mpovali vanya va yuvha ngo nkango, ¹⁹ Ano ngoli vinka vyaudjuni namakongo-kongo gha ungavo nashihoro shavi ninke navyo peke vyavyo kuya, mondjanawite nkango, odo makura dado a dika pira kuyima. ²⁰ Yinya vakunine palivhu lya liwa mbovanya va yuvango nkango, kuyi tambura nokuyima linyaango rurontatu, rontayimwe, ndi kupitakanapo vikando lifere. ²¹ Yesus ava tanterere ashi, "kuvhura ghungeneke ramba mundjugho ghuyi ture muntji yashihemere munda yaghuro? Kuyi ngeneka ghuyi ture kushitondo shayo ya yimana nga. ²² Kwato ovyo vya vando ngavi diro kuya paukenu. ²³ Ogho ghakaro nomatwi ghakuyuvita ghayuve!'' ²⁴ Ghava tantera ashi, ''Teghererenu nawa ovyo muna kuyuva, morwa mbyovi ashi lidamikito olyo ghuna kumghanita ndyo ngava kaku damikita, ntani vyavingi ngava kavi wedererako. ²⁵ Morwa kehe ghuno akaro navyo, ghuye ngaka mu wedere ko vyavingi, kounya ngili avi piro, ngava kamu shakana novyo akara navyo kare.'' ²⁶ Gha ghambanka ashi, ''ghuntungi wakarunga kwa kara yira muntu gho gha kuna ngo mbuto yendi mulivhu. ²⁷ Ghuye kurara matiku gharambuka gharambuka ngura-ngura, makura mbuto dado adi bwayuka kumena dikure, gha hana kuviyivira. ²⁸ Livhu a li yimi ntanga pwa lyene; Pamuhovo lipatayiko mbere, ntani matwi, ntani ngoli mbuto yene mumatwi. ²⁹ Pa ku pya mbuto, mpopo tupu makura, ghatumini shitetito morwa ashi liyanguro linatiki.'' ³⁰ Shimpe nka gha tanta ashi, ''Kunke tuvhura kushetakanita untungi waKarunga, ndi walye lifanikito munke tuvhura kurughanita tu vi faturure vino? ³¹ Kuna kara yira ntangaghina, oyo yina karo ashi, paku yi kuna, ndyo yoyididi po kuntanga nadintje dopalivhu. ³² Shimpe nka, paku yikuna yayo kukara kuya pitakana vimeno navintje vyomushipata, shasho nka kuya kara nadimutavi dadinene, mudimundulye omu ngavi vhura kutunga vidira vyamuliwiru vikorogo vyavyo.'' ³³ Navifanikito vino vyaviyingi weno, ghava ntantere nkango moomu vavhulilire kuvikwata lighano, ³⁴ Ghuye nka kapi a va ghambitire gha hana kuruwanita lifanikito. Ano ngoli opo a kalire pantjendi, kafatururanga navintje kuvarongwa vanaghumwendi. ³⁵ Muliyuva linya, opo ya tikire ngurova , ava tantare, ''Tokweu musheli munya.'' ³⁶ Ava tundupo pa mbunga vaka yende na Yesus, moomu tupu a kalire , muwato. Pwakalire mawato ghamwe ogho ghayendiro naye. ³⁷ Makura mpo lya shapukire likundungu, makura mankupi ghaghawera nga muwato dogoro wato aghu shana kuya yura mema. ³⁸ Ano ngoli Yesus ghuye kuntji, muturo pamutato. Ghava murambwita, ashi murongi ashi murongi kapi ghuna kara noshinka ashi atwe kuna kushana kufa ndi?'' ³⁹ Gharambuka alitughumukiri likundungu, naku tantera lifuta, ''Pora! Kuture!'' Makura likundungu a li shayeke, makura a li mwena teete-teete. ⁴⁰ Ghava tatentere,''Vinke muna kutjilira? Kapi mwa kara shimpe na lipuro ndi? ⁴¹ Ghava yuva unene utjirwe noku kutantera vene naveve, ''Ghare nani mwene ghu, morwa nampindi likundungu nalifuta kumulimburukwa''