¹ Simpe nka Jesus Kristus Kwayendire mu Synagoga ntani okunya kwakalire mukafumu walivoko lyashirema. ² Vantu vamwe kwamukengulire unene mukumona ashi Jesus kuvhu averure unya shirema muliyuva lya Sabata mposhi vamanene po mpito yakumurundira. ³ Jesus mpo aghambire kwamurume walivoko lyashirema ashi" Shapuka ntani yimana pano mukatji kanavantje." ⁴ Makura Jesus mpo aghumbire kuvantu , " paveta vyapulitira kuruwana uwa ndi udona muliyuva lya sabbata; kuyovora monyo ndi kudipagha? " Ano ngoli navantje kwamwenine. ⁵ Apiruka avakenge navandje naugara, ntani aguvire unene kughukukuta wadimutjima davi , ntani aghambire kwamurume ashi, '' ghorora livoko lyoye." alighora, ntani lijaverukire livoko lyendi. ⁶ wanguwangu ,mpovarupukire vaFariseyi ntani nakutameka kumutungira maghano kumwe na va Herodiana ashi wwni mo vamuyenda dogoro ngavamudipaghe. ⁷ Makura Jesus, kumwe navakashishashongero vendi, avayendi kulifuta, na mbunga yavantu ayigogomoka mukuvakwama kutunda ku Galileya naku ⁸ Judeya.Ntani vakutunda ku Jerusalem ntani Idumenya ntani na kusheli kunya ya Jordani ntani va ku kundurukida Tyre na Sidon.Opo vayuvire vinke ovyo aruwanine mbunga yayinene mpo yayire kwendi. ⁹ Mpo atantilire varongwa vendi vamuwapayikire ko wato waudidi mukonda yambunga, mposhi vadire kumudeka ¹⁰ ghuye kwaverulire vavangi, mpe shi keheuno akaliro nauvera avulire kumushuwenena mukurenkera ashi amukambeke mavoko. ¹¹ Kehe pano kayimakenganga mpempo yakunyata , kadikuganderanga kumeho yendi, nakutakuma unene, ntani dado kughamba ashi, '' ove mona Karunga . ¹² ''Kadirawuirange unene mukudiura kumushorora. ¹³ Akanduka kundundu, ntani ayitire avo vamuyendiro kumutjima , ntani vayire kwendi. ¹⁴ Ahangura murongo navavili (ovo arukire va Apostoli ) mpo shi vavhure kukara kumwe naye ntani avure kuvatuma vaKayuvita mbundi ¹⁵ ; ntani vakare nankondo dakuruwira mpepo dadidona dirupuke. ¹⁶ Ahangura murongo navavili : Simon ogho arukire lidina Petrus; ¹⁷ Yakobupo mona wa Zebedeghusi, ntani Yohanesa munya Yakopo , ogho arukire lidina Boyaneges, ngoli vo, vana varuvadi, ¹⁸ ntani Andriyasi, Filipusi, Bartholomeghusi, Matheghusa, Thomasi, Yakopo, Yakopo mona Alfeghusi, Thadeghusi, Simoni, Murwameni, ¹⁹ ntani Yudasi Iskarioti, ogho ngamushorora. ²⁰ Makura mpo ayendire kumundi, na Mbunga mpo yapongire nka waro, vya va vulire nomo valya mboroto namu mweshi. ²¹ Opo vaviyure va kaliro lyendi, avayendi vaka mukwate, ava ghamba ashi, ''Ana purumuka.'' ²² Valirongi vamatjangwa ovo vatundire ku Yerusalema ava ghamba ashi, ''Uye kwa kara na Mbelezebulu'' ntani ''Ghuye kutjida mpepo dadidona na nkondo dampepo dadidona.'' ²³ Yesusa mpo avayitire kwa mwene ntani ava tantelire mumakufaneneno, ''weni omo Satana avura kutjida Satana? ²⁴ Nangeshi, uhompa vana ghu gaununa ukurwanite wene, ogho uhompa kapi ngauvura kuyimana. ²⁵ Nangeshi ndjugho ayi kuhangura yikurwanite yene, oyo ndjugho kapi ngayiyimana. ²⁶ Nange ashi Satana ashapuka akurwanite mwene ntani aku hangure, kapi avura kuyimana, ano anashagha. ²⁷ Ano kundereko wakuvura kungena mundjugho ya muntu wa nkondo ntani avure kuvaka viweka vyendi, ahana kumu manga pamuhovo, ogho murume wankondo ntani avura kuvaka mundjugho yendi. ²⁸ Vya ushiri nakumutantera, ndjo nadintje davan vavantu ngava divaghupira po, nampiri makutumbo naghantje vaghambanga, ²⁹ Ano ngoli kehe uno wakushwaghura mpepo ya kupongoka narumweshi ngava mughupira po, ghuye nga kara muna ndjo mumpanguro yanaruntje.'' ³⁰ Yesusa kwa ghambire vino mukonda ashi vavo vaghambire, ''Ghuye akalire na mpepo dadidona.'' ³¹ Makura vawina navakuruvendi vavamati mpo vayire ava yimana pandj. Ava mutumini, vamushanine ngudu. ³² Mbunga kwa shungilire yimukundurikide, ntani vaghambire kukwendi, ''Vanyoko nava kuru voye vavamati pandje vanakara, kunakukushana.'' ³³ Ava limburura ashi ashi, ''Vanane navakuru vande munke?" ³⁴ Apiruka nakukenga ovo vashungiliro muku mukundurukida ntani aghambire ashi, ''Kengenu, avano mbo vanane navakuru vande! ³⁵ Kehe uno wakuruwana mpangera yaKarunga, ogho muntu ndje mukurwande wamu mati naghu wamukadona ntani mbo Vanane.''