¹ Ngura ngura yayinene, vaPristeli vavakurona ghava kugwanekere kumwe na vakurona navalirongi matjangwa ntani nandango nayintje ya vaYuda. makura ava mumanga Yesusa va mutware. Vamutapire kwa Piratusi. ² Piratusi a muoura, ''Ove hompa wava Yuda?'' Ghuye amulimburura, ''Ove ghuna kughamba ngoli.'' ³ VaPristeli vava kurona ava murundire vininke vya vingi. ⁴ Piratusi shimpe a mupura, ''Kapi una kutapa lilimbururo? Kenga vininke vingapi vana kuku rundira ove!'' ⁵ Ano ngoli Yesusa kapi alimbwilire nka Piratusi, makura avi mutetukita. ⁶ Mpopo tupu paruved rwa pasca, Piratusi kehepano kuva mangwira ghumwe muna dorongo, Muna dorongo ogho vanashana, ⁷ ntani mpwali mukafumu kava twenyanga Barabas mudorongo nava korotji ovo varuwanino lidipagho paruved rwa ndjorongani. ⁸ Mbunga kwayire kwa Piratusi ntani ava vareke aaakumu pura a varughanene yira momo kava rughanenanga pakare. ⁹ Piratusi alimburura kwavo nakughamba, ''Muna shana nimu mangwire hompa Yuda?'' ¹⁰ Ghuye ayivire ashi mukonda ya mfudu ya vaPristeli vavakurona vamutapire Yesusa kwendi. ¹¹ Ano ngoli vaPristeli ava shongaura mbunga valire ashi vama ngurure Barabasi mulivango lyendi. ¹² Piratusi ava limburura nksa waro nakughamba, ''Vinke ngoli nivura kumu ruwana Hompa wa va Yuda?'' ¹³ Ava yiyiri nka waro, ''Mupamparenu!'' ¹⁴ Piratusi a ghamba kwavo, ''Vinke vya vidona a ruwana? ''Mara vavo ava yiyuka unene, ''Mupamparenu!' ¹⁵ Piratusi a shanine kuhafita mbunga, makura a mangurura Barabasi kwavo. Ava mushepura Yesusa ntani ava mutapa mumaghoko ghavo vakamu pampare. ¹⁶ Vakavita avamutwara munda yali harango(Oyo yakaro nkurumbara yalipangero), ntani ava yita vaka vita navantjeya. ¹⁷ Ava mudwateke lirwakani lya Ligeja Yesusa , ,ntani avatungu kumwe nkata yamiya ntani ava yitura papendi. ¹⁸ Ava tameke kumu morora nakughamba, ''Afumane, Hompa wava Yuda!'' ¹⁹ Ava mushepaura kumutwe nambu ntani naku mutipira. Ava tongamene pangoro davo kwendi ntani ava nyongeke dimutwe kumeheo yendi. ²⁰ Opo vamanine kumun shaghure, ava mushutura lirwakani lya ligeha ntani ava mudwateke vyuma vyendi, ntani ava mutwara pandje vakamu pamparere. ²¹ Mukafumu ghumwe Simon, waku Kirene, Kwayiremo atunde kuvirongo(Ghuye kwa kalire vashe va Aleksander na Rufusi), ntani ava mutininiki ava mutininiki adamune shili vindakano shendi. ²² Vakavita vayitire Yesusa kulivango olyo, vatwenyanga Ngolngota(Kutanta ashi, ''Livango lya vifupa'') ²³ Ava mupa vinyu yakuvonga kumwe vya viruru, Ano ngoli kapi avi nwine. ²⁴ Ava mumpara ntani ava kupapawiri vyuma vyendi nakuku shakanena kehe ghuno ruha munke aghupako kehe muka vita. ²⁵ Yayo kwa kalire muviri yaUtatu, apa vamu pampalire. ²⁶ Pashi yivito kwatjangirepo udjoni wend, ''Hompa wa Yuda.'' ²⁷ Kumwe naye kwa pampalire nava widi vaviri, ghumwe kurulyo rwendi ntani ghumwe kuru montjo rwendi. ²⁸ Matjangwa gha tikiliramo ogho aghambo, ''Kwamu varwira kumwe nava kandjo.' ²⁹ Ovo vamupuliro shaura, ava nyungu dimutwe davo ava ghamba, ''Hee! Ove ngaghu djonaghura Ntembeli ntani nakuyi tunga mumayuva matatu, ³⁰ kupopere naghumoye ntani ghutunde paShikuruse!' ³¹ Mundjira ndje yinya vaPristeli vavanene ava mutindi, kumwe nava rongi matjangwa, ntani nakughamba, ''Apopilire vaunyendi, ano ngoli kapi ana kukupopera naghumwendi. ³² Renkenu Kristus, Hompa wa Isiraghel, tundapo weno pa Shikurus, mposhi tuvi mone nakuvipura,'' Ovo vamu pampalire naye navo vamu shwawire. ³³ Paviri yaUtano nayimwe, mundema aghuya palivango nalintje dogoro vili ya ntane. ³⁴ Paviri ya Untane Yesusa a lili naliywi lyaku yiyuka, ''Eloyi,Eloyi,'' lama Sabakatani?'' Olyo vatoroka, ''Karunga wande, Karunga wande, vinke Una nkomberere?'' ³⁵ Vamwe ovo vayimaninepo vayuvire nkango dendi naku ghamba, ''Kengenu, kuna kuyita Eliya.'' ³⁶ Umwe aduka, atura vinyu yaUruru kushikeshe, kutura kushimbu, naku shitapa kukwendi anwe. Mukafumu aghamba, ''Kutumona ntjene Elia kwaya aya muturureko.'' ³⁷ Makura Yesusa alili na liywi lyalinene ntani afire. ³⁸ Likeshe lya muntembeli al taghuka pavili kutunda kuwiru dogoro palivu. ³⁹ Opo mukorona wava kavita owo ayimanino apirukire Yesusa pakumona ashi afire mundjira yino, aghamba, ''Vya ushili mukafumu uno kwakalire mona Karunga.'' ⁴⁰ Pakalire waro vakamali vamwe ovo vamonino kughure. Mukatji kavo mwakalire Maria Magdalena, Maria(vawina vaYakopo mwanuke ntani na mughunyendi Yoses), ntani Salome. ⁴¹ Opa aklire mu Galileya vamukwamine ntani avakamuwanena. Vakamali vamwe vavngi navo vayire naye kuYerusalema. ⁴² Apa yayire ngurova, kondashi kwakalire liyuva lyakukuwapayikira, olyo ndyo, liyuva kumeho ya Sabata, ⁴³ Yosefa wa Arimateya kwayirepo. Ghuye kwakalire mu Fumadekwa wa muhameni ya ndango ogho atatiliro untungi waKarunga. Ghuye ayendi ahana utjirwe kwaPiratusi ntani nakumupura rutu rwa Yesusa. ⁴⁴ Piratusi atetukire ashi Yesusa kare ana fu, mpo ayitire muhameni wa ndango nakumupura nanke shi Yesusa ana fu. ⁴⁵ Opo ayivire Piratusi kwamukurona wava kavita ashi Yesusa, atapa rutu kwa Yosefa. ⁴⁶ Yosefa kwayitire likeshe lyalikenu. Ghuye amu ghupu kumutundita pa shi Kuruse, amudingilire likeshe, ntani nakumutura muntoko oyo vatjokolire muliwe. Makura atindiki liwe kulivero, adeke kulivero lya ntoko. ⁴⁷ Maria Magdalena na Maria vawina Yoses vamonine livango oko vavumbikire Yesusa.