¹ Kwa kalire ngoli ashi mayuva mavili ko Paska yitike nashilika shaMboroto yakupira vifulito. vaPristeli vavanene nova lirongi matjangwa ghava kengururapo ashi weni vayenda va kwate Yesus makura vakamudipaghe. ² Vavo kwatantire, ''Kapishi pashilika, mpo ashi mupire kushapuka ndjorongani muvantu. ³ Opo akalire Yesus muBetani mundjugho yaSimon munavingondwe, moomu tupu gha nyongamine kuntishe, mukamali ghumwe a muyere nalikende lya Alabaster lyavikwa mema vyandiro, ovi vakaliroshi nardi/ vya lidumba lyamucuko wanardi wene-wene. Ataghura likende nakutera nardi pamutwe wendi. ⁴ Ano ngoli pwakaliro vamwe vagarapiro. Ava ghamba mukatji kavo nakutanta,'' ⁵ Maghadi ghano ndi kuna gha ghulita kupitakana mafere matatu, nakutapera kuvahepwe.'' Makura ghava mutughumukiri. ⁶ Ano ngoli Yesud gha Ghamba, ''Mushuvenu pantjendi morwa nke muna kumu yoronganena?' Ghuye ana nduwanene shininke shashiwa. ⁷ Vaka ruhepo navo mwakara nga kehepano, ntani kehepano mushanena kuvhura tupu muva ruwanene ghuwa ano ngoli ame kapi nga mukara nga name kehepano. ⁸ Ana ruwana ovyo ana vhuru. Ghana wavekere rutu rwande lihoreko. ⁹ Ushiri naku mutantera, kehe kuno va yawira nga mbudi yoyiwa muujuni nauntje, ovi ana rughana ghuno mukamali ngava vighamba mukumu vurukirapo.'' ¹⁰ Makura Yudas Iskariot, ghumwe wavarombiri, mpo gha yendire kuvaPristeli vavanene mpo ashi a vhure kukamutapa kukwavo.'' ¹¹ VaPristeri vavanene opo vaviyuvhire, kwa hafire nakumutwenyidira maliva. Mpo a varekire kushana shana mpito yokumutapa kwavo. ¹² Muliyuva lyamuhovo lyomboroto yokupira kudugha novifulito, opo vadjambire ndjwi yapaPaska vaka shishongero vendi ava ghamba kwendi, ''kuni ghuna tushanene tuyende tu kakurongilikide, mpo ashi uvhure kukalye ndya daPaska?'' ¹³ Atumu varongwa vendi vaviri naku vatantera, '' Kayendenu mushitata, kumu kaku gwanekera namukafumu ana shimbo kavaya ka mema. muka mukwame, ¹⁴ Oko akangena mundjugho, mukamukwamenene nakumu tantere mwenya ndjugho, Murongi kuna kutanta, ''Ndjugho yande yavagenda omunika lyera paska navarongwa vande ne yini ndjo?'' ¹⁵ Kwaka munegheda nkonda yayinene yakuwiru vawapa yika nawa yina wapo kare. Muka tu ruwanene marongi kido moomo?'' ¹⁶ Varongwa ava tundu po vayende kushitata. Ghava kawana vininke navintje moomu ana va tantere, mpo va rongikidire ndya da Paska. ¹⁷ Opo ya kalore ngurova, aya nava rombiriri. ¹⁸ Moomu vaghombanine kuntishe na kulya, Yesusa a tanta, ''Ushiri na kumuta tantera, ghumwe wenu ogho ana kulyo name ngaka ntjorora.'' ¹⁹ Navantje ava guvhu unene, ava ghamba naye kumwe naghumwe, ''Kapishi walye ame vene?'' ²⁰ Yesusa a ghamba nakuva limburura, ''Ghumwe wava ronambiri, ndjeghu ana kuverero mboroto mushisha name. ²¹ Mona muntu nga kayenda yira moomu tupu vatjanga kuhamena kwendi. Ano ngoli lihudi ko ghunya muntu omo ngalipitira lishororo lyaMona Muntu! Ndi kapi vamu shampiru kirendi hasha kwendi.'' ²² Opo va lire, Yesusa a ghupu mboroto ayi tungiki, nakuyibamuna. ayi va pa nakutanta, ''Ghupe nu vino. Runo ndo rutu rwande.'' ²³ Aghupu nkinda, apandura, ntani anakuyivapa, navantjeya mpo vanwinemo. ²⁴ Aghamba kwavo, ''Oyino ndjo honde oyo ya tekangero vavangi. ²⁵ Ushiri naku mutantera, kapi nganinwa nka vya linyango lino lyashi ndjombwe dogoro liyuva olyo ngani kavi nwa upe mughuntungi waKarunga.'' ²⁶ Opo vayimbire rushumo, ava rupuka vayende kundundu yama ghuywe. ²⁷ Yesusa mpo aghambire kwavo, ''Namuvantje ngamu vyuka muruku, morwa vavi tjanga, ''ngani toghona muShita ntani ndjwi dado ngadi kuhana. ²⁸ Ano ngoli muruku opo ngava mvhumbura ngani mupititira kumeho niyende mu Galileya.'' ²⁹ Petrusi aghamba kwendi, ''Nampiri navantje ngava vyuke muruku, ame kapi ngani vyuka muruku.'' ³⁰ Yesusi agahamba kwendi, ''Ushiri nakuku tantera, namuntji-nhii, mayiku ngoghano, kumeho yakuka yiya shikondomboro shaUviri ove ngaghunkanano vikando vitatu.'' ³¹ Ano ngoli Petrusi atanta, ''Nange vyakufa nove ne, ''Kapi ngani ka kukanana. ''Navantje ava ruwana li tewenyidiro lyakuku fana. ³² Mpo vayire kulivhango vatwenyanga Getsemane, ntani Yesusa a ghamaba nava rongwa vendi, ''Shungirenu pano ruvede oro nakuraperera.'' ³³ A pitura Petrusi, Yakopo, ntani Yohanesa ava yendi naye ava tameke kukudivikira vyavi nene. ³⁴ A ghamba kwavo, '' Monyo wande ghuna ghuvhu ngundu, dogoro pantambo yamfa. Karenu mpopano mukengere.'' ³⁵ Kwa yenda ko tupu kadidi, Yesusa awere palivhu ntani gha ra pelire ashi nange vyvyo kuvhura vili yi mu pitakane. ³⁶ Aghamba, ''Abba, vava, vininke navintje nove kuti kamo. Ngupe yino nkinda. Ano ngoli kapishi mumpangera dande ene ngoli yoye.'' ³⁷ Aka vyuka kuya vawana vanarara, ntani aghambire kwa Petrusi, Simon ghuna rara ndi? Kapi ghuna vhuru kukengerako vili? ³⁸ Kengenu nakurapere mpo ashi ghupire kungena mumasheteko. Mpepo ne yina shana, Ano ngoli nyama yina pili nkondo.'' ³⁹ Mpo nka atundirepo a karaperere, ntani kwa karuwanitire nkango dakukufana. ⁴⁰ Apa aka vyukirenka, a va wana vana rara, ghagho mantjo ghavo ana ditopa. Kapi vayivire ovyo vamutantera. ⁴¹ Aya Shikando sha Utatu aya va tantere, ''Anwe shimpe mwararera naku pwiyumuka po? Makura! Vili yina tiki. Kengenu! Mona muntu kuna kumu shorwera maghoko ghava nandjo. ⁴² Shapukenu tuyendenu ko. Kengeni ogho ana ku ntjororo pepi ana kara.'' ⁴³ Ghuye opo shimpe kuna kughamba, Yudasi mghumwe wavaro mbir, aya tiki, ntani mbunga yayinene, kumwe naye namarufuro nadimuramu, da ku va Pristeli ,vavanene, vatjangi vamatjangwa, nava kurona. ⁴⁴ Pano mushoroli ghuye ana vapa shineghedito, ashi, ''muntu ghu nikancumuta ndje ndjegho. Mukwatenu mumu ghupepo mulu likungo.'' ⁴⁵ Opo aya tikire Yudas, mpopo tupu ghaya dogoro kwa Yesus nakughamba, '' Rabbi ntani ghamu ncumitire. ⁴⁶ Makura ava mukambeke maghoko nakumu kwata. ⁴⁷ Ano ngoli ghumwe wavo ogho a yimanene navo a rupwitamo rufuro nakuteketa ko litwi lya mukareli wamu Pristeliwamunene. ⁴⁸ Yesusa gha ghamba navo, ''Anwe kuya yira, kuna yere mukawidi, nama rufuro nadimuramu mu yankwate? ⁴⁹ Opo kani yusharanga nanwe nakuronga muntembeli, kapi mwankwatire. Ano ngoli ovino kwaviruwaninene muku tiki tamo matjangwa. ⁵⁰ Navantjeya ovo vakalire naYesusa vamu shuvire nakuduka. ⁵¹ Mukafumu ghona, a dwatiro mudwatao wa likeshe olyo vamudingilire, a kwama Yesusa. opo vamukwatire vaka fumu ⁵² gha shuvu mudwato ghunya wa likeshe ghaka duke shintjentja-ntjentja. ⁵³ Ghava twara Yesusa kwamu Pristeli wamu nene. Oko nko vaka pongire naye nava Pristeli vava nene, vakurona, navva lirongi matjangwa. ⁵⁴ Pano Petrusi kwa mukwamine kantando, ghure wakumpangwiro yamu Pristeli wamunene. Ghashungiri mukaatji kava kareli/vakungi, ovo vaka lire papepi namundiro vayotire. ⁵⁵ Makura vaPristeli vavanene nava kambunga nava Yuda ava va shana-shana ghumbangi wakumu rundira mpo ashi va vure kumu dipagha. Ano ngoli kapi va vulire kughuwana. ⁵⁶ Vavangi kwa mutapelire ghumbangi wavi pempa, ano ngoli maumbangi ghavo kapi aku wire. ⁵⁷ Vamwe ava shapuka va tape maumbangi gahvi pempa muku murundira, ava ghamba. ⁵⁸ ''Twa muyuvhire a ghamba, "Ame kuni yungurura yino ntembeli vadika namaghoko, ntani mumayuva matatu ngani tunga ko yapeke hana maghoko,'' ⁵⁹ Shimpe nka maghumbangi kapi ghakuwire. ⁶⁰ MuPristeli wamunene gha shapuka mo mwavo nakupura Yesusa, ''Kapi ghukumburura ko? vinke vino vana kukutapera maumbangi vano vantu? ⁶¹ Ano ghuye kwa mwenine teete nankumbushi. shimpe nka MuPristeli wamunene amu pura nakughamba. ''Ove Kristusa, mona mutungiki ndi? ⁶² Yesusa aghamba, Ame ntani ngamuka mona mona muntu omo ngaka shungira kulighoko lya kurulyo lya nkondo nakuya namaremo gha liwiru. ⁶³ MuPristeli wamunene atungiro lirwakani lyendi nakutanta, ''shimpe tuna hepa va ngambi vendi ndi? ⁶⁴ Munayuvu ghukupaki nke munatokora?'' Navantjeya ava mupangura yira ndjeghu awa peliro mfa. ⁶⁵ Vamwe ava tameke kumu tipira ntani nakumufika kushipara naku mutoghona naku mughambera, ''Porofeta!'' Vakwayita ava mughupu naku mutoghona. ⁶⁶ Paruvede oro Petrusi ghuye palivhu mulirapa, ghumwwe wava kareli, vavakadona vamuPristeli wamunene ghamu yere. ⁶⁷ Amono Petrusi kuna kukukangumuna ntani amukenge nakumushwenena papi nakughamba, ''Nove kaghukaranga namuka Nazaretha, Yesusa!'' ⁶⁸ Ano ghuye ghavikanana, nakughamba, ''Kapi nakuyiva ndi nikwate lighano ovyo unakughamba,'' Makura ayendi mundjira yalivero. ⁶⁹ Ano mukarelikadona a mumono a tameke kughamba nka kovo vayimanino po, ''Oghu mukafumu ghumwe wavo?'' ⁷⁰ Ngoli shimpe avikanananka. kuruku ya karuvede vanya vayimanino po ava ghamba kwa Petrusi, ''Ushiri-shiri ove wavo, morwa ashi ove muGalileya.'' ⁷¹ Ano ngoli a tameke kukufingilira mwene nakughana, ''Ame kapi namuyiva ogho mukafumu munaku tanta.'' ⁷² Shikondomboro mpopo ashi yighi shikando shauviri. makura Petrusi a vhuruka nkango dinya ghamu tantilire Yesusa. ''Kumeho yakukayigha shikondomnboro rwauviri, ove ngaukankanan rutatu, ''Makura a guvhu unene nakulira.