लिउ ३
1
सार्डसकि क्षोछोककि थु तिवाला दि लेन टिः डुमादिन कार्मा ताङ कन्ज्यककि डुमा दिन थुतिवा जिबु थुतिवा दिराङ हिन । खिरेकि क्याबु यक तिवा ङाला क्षा वे । ख्योङ सेन्बा वसिनाङ ख्योङ स्येप वे ।
2
लानि च्या्ङ्से कि तेमे श्येप छालु थु तिवाला क्योङ्बु जो , दि स्येप छालु वे, चिला सिसिन ङेकि कन्ज्यककि मिङाला तेरिक लाका तिवा ख्योलु माङे ।
3
तिकि किसाला, चिन ताम तिवा ङेनि कोसुङ , ति नासाम तोङ । ति ताम ङेन । हुतुङ ख्योङ ङ्यालसिन चिन तुज्येला ङा गिउइ , चिन तुज्येला ङा डिउइ सिनि खिरेकि हाक मोकोउइ ।
4
हिनसिनाङ साड्रिसला म्याज्या मेचेङि माकोन्बु खाङ मिकि मिन तिवा वे । तिवा दिमु वदुकि किसाला माज्या कार्मु कोनि ङा तानि युगिद ।
5
सिकि ग्याल्ग्यु तिला माज्या कार्मु कोनग्यु , तेमे तिकि मिन मिजिकि थेप नेसुर नाम्लाङ मेसेउइ, तेमे ङा ङे पापाताङ कन्ज्यककि थुतिवि तङ्ला ख्योकि मिन देन्गिद ।
6
थुकि क्षोछोक तिवाला काङ सि वे सिनि सिति नाम्ज्यक नक तिकि कोसित ।
7
फिलाडेल्फियाला वतुप् क्षोछोककि थुला टिः सु हुतुङ्ला चेङि वे, दि सुङ तिवा कन्ज्यककि हिन , कन्ज्यककि दाउदकि च्याताक तिवा जिम्नि वे , कन्ज्यककि बेक्यु सिकिसाङ उप मुथुउइ कन्ज्यककि उप्क्यु सिकिसाङ बे मुथुउइ । खिरेकि क्याबु तेरिक लाका तिवा ङाला छा वे ल्होसा , ख्यरे गमाला ङेकि गो पेनि ज्यागु वे हिन्सिनाङ सिकिङ चे मुथुउइ ।
8
खिरेकि क्याबु तेरिक लाका तिवा ङाला छा वे ल्होसा , ख्यरे गमाला ङेकि गो पेनि ज्यागु वे हिन्सिनाङ सिकिङ चे मुथुउइ ।ख्योङ तानि चेजिक। क्याजिक ङार वे सिनि ङाला छ्या वे, हिन्सिनाङ ङे सुङकि कला ङेदु वे ङे मिनला मिन सिक्याबु मेत ।
9
ल्होसा सिकि दाक्पुराङ यहुदि तिवा हिन सिनि सिक्यासिनाङ तिवा यहुदि मिन , तिवा सैतानकि जोम्खाङ तिवा हिन ; तिविकि जुनाक जोइ वे। ङा तिवाला ख्यरे काङ्बि गमाला लम्नि कुङ्नि श्याबा कि जिक्यु , तेमे ङेकि ख्योङ्ला ङिङ्ज्ये क्याबु काच्ये तिविकि श्येक्यु ।
10
ख्यरेकि ङे सुङ गुनि काला ङेन्दुपकि किसाला जाम्लिङ्ला हुङ्गुप तेरिक खक्पा ल्हाप ताङ दुक्पा तेरुप तिविकि श्योरुप नेसुर थार जिक्यु ।
11
ङा टिबुराङ हुङिन वे । ख्योङ तानि काम वे तिला काश्ये क्यानि जिम्नि ज्यगा चिला सिसिन ख्यरे उश्या सिकिसाङ खुन डो मुथुसित ।
12
सिकि ग्याल्गु तिकिला ङा ङे कन्जयककि ल्हाखाङला च्यिक का जेउइ तिकिकिसाला ति त्यासुर नाम्लाङ फिला मोडोउइ । तिकि खाला ङे कन्ज्यककि ग्यसाकि मिन (यरुशलेम, साबा चिन्दि ङे कन्ज्यककि देवाचेन नेसुर मामो पाम्नि गिउइ ), तेमे ङा ङे मिन साबा टि तेर्क्यु ।
13
क्षोछोक तिवाला थुकि काङ सइ वे सिनि सिकि नाम्ज्यक वे तिकि कोसित ।
14
लाउडिकियाला वतुप क्षोछोककि थुला टिः कन्जयककि ज्वप खाला ओङ्ज्येनकि किरुप चिन्दि रेत्पा ताङ हिन्दुप पाङ्बु , दि सुङ तिवा आमेनकिदि हिन ।
15
ङाला ख्यरे लाका तिवा छ्या वे । ख्योङ टेङिङ मेत छेदिङ मेत सिनि ङाला छ्या वे । ख्योङ टेङिङ मेतुप छेदिङ मेतुप हुङसित सिरु ति ङे नावा क्याबिन।
16
ख्योङ टेङिङ , छेदिङ मेतुपकिकिसाला ङे खेनाङ्नेसुर देन्दुप छालु वे
17
चिला सिसिन ख्योङ सिउइ ,ङ छ्यक्पु वे , ङातानि आला गिज्या वे तिकि किसाला ङाला काङ गोबु मेत । हिन्सिनाङ ख्योङ दुक्पा, च्याम्बा किदिमु, तेङबु मिक मोतोङुताङ पेर्तुङ्बा तिलि वे सिनि ख्योङ्ला छ्या मेत ।
18
ङे टो ङेनः मे तनि चेङि जोबु जोबु सेर ङातानि ङ्यो तिकि किसाला ख्योङ छ्युक्प हुङ तुसित, ख्यरे पेर्तुङ जुबु उुबुलस ठाछ्यालिला बारुप् माज्या कोन चिला सिसिन ख्यरे पेर्तुङबा जुबु मोतोङसित , मेन कु तिकिकिसाला ख्यरेकि तोङ थुसित ।
19
ङेकि ङिङ्ज्ये किरुप तेरिकला ङा (तालिम ) तेर्क्यु, तिवा च्युक क्यानि थारगोक्यु सिनि ङा खिराङला लोप्क्यु । तिकि किसाला , सेम ग्युरा लाक ल्यामु किसा ।
20
ल्होसा गोला लानि देक्यु तेमे ख्यरे गोला पुलिन देक्यु । हुतुङराङ सिकि ङे वोरु कोनि गो पेसिन ङा तिकि खाङ्बि नाङ्ला श्युनि ति तानि सेउइ तिकि ङा तानि सेउइ ।
21
सिकि ग्याल्ग्यु तिला ङे ग्यसल्ठिकला ङा तानि देतुप् ओङ तेर्क्यु ; च्युक क्यानि ङेकि पापा तानि ग्याल्ठिकला देतुप वे ।
22
क्षोछोकला थुकि काङ सिएइ वे सिनि सिकि नाम्ज्यक वे तिकि कोसित ।