लिउ ४
1
दि ताम तिवा तिङ्ला ङेकि ल्हासिन् ङेकि देवाचेन्कि गो पेतुप् थङिन्। ङेकि कोतुप् ग्यालिङकि दगे वोरुकि ङाला सिक्यासुङ्,"दे तेङ्ला श्यक्, दि तिङ् ता खाङ् हुङिन वे ति ङा ख्योरुङ्ला ति छ्या देन्ग्यु।"
2
उकुर् ज्यिक्ला ङा थुलसा वतुप् हिन्, तजोला देवाचेन्ला ग्याल्ठिक् वतुप् ति ङेकि थोङिन्, तिकि खाला लालि मि देनि नक्।
3
तिकि खाला देतुप् ति छ्युश्यिल ताङ् मुति मार्मु दगे थोङिनक्। ग्याल्ठिक् फार्छुर् ठाटुला जा नक्। ति जा ति मुति दगे ठाछ्यालि बारुप् दगे थोङिनक्।
4
ति ग्याल्ठिककि ठाटुला राङ्सा खाल्ज्यिक् ताङ श्यि ग्याल्ठिक् नक्, तेमे मेरा खाल्ज्यिक् ताङ श्यि लाम गमा किरुप् ताङ ङुलकि श्यामुङ कोनि कार्मु माज्या कोनि देनि नक्।
5
गयाल्ठिक् नेसुर् चिलाम्कि ठाछ्यालि ताङ वोरु तिवा लेसुङ, थक् नेसुर् तेरिक् सिन्सुङ्। ग्याल्ठिककि दङ्ला कोपि दिन् चेनि नक्। ति कोपि तिवा ति कन्ज्यककि थु दिन् तिवा नक्
6
ग्याल्ठिककि दाङ्ला छ्युश्यिल दगे थोङ्गुप् श्यालकि ग्याम्छो नक्। ग्याल्ठिककि पार्ला ताङ ग्यालठिककि ठाटुला, दङ्ला ताङ तिङ्ला मिक् तिराङ मिक् वतुप् श्यिचक पालाङ नक्।
7
तङि सेन्बु पालाङ्ति ताक् दगे नक्, ङिन्पा सेन्बु पालाङ् ति पिउ दगे नक्, सुम्पा सेन्बु पालाङ तिकि च्याङा ति मि दि दगेराङ नक् तेमे श्यिपा सेन्बु पालाङ ति फुरिन् वतुप् ठा दगे नक्।
8
श्यिकार पालाङ तिविकिदि डुमा टुक् टुक् पुश्यक नक्; तेङ्ला ताङ हक्ला मिग् ताङ मिगिकि क्येङ्नि नक्। ङिप् नुप् तिविकि चेङि, चेङि, चेङि, ङार वतुप् कन्ज्यक् तङ्नेसुर वतुप् हिन, हादा साङ वे, तेमे नाम्लाङ लुक्यु" सिइ देक्यिनक्।
9
तजोला ति सेन्बु पालाङ तिविकि ग्याल्ठिक्ला चतुप् ग्याल्बुताङ नाम्लाङ सेन्बु लुबु कन्ज्यक्ला सँवा, ताङ्देन् ताङ थुचिछ्ये पुलसुङ,
10
खालज्यिक ताङ श्यि गमा किरुप् तिवि टिमुङ चुनि ग्याल्ठिकला वतुप् ग्याल्बुकि गमाला श्याबा क्यासुङ। तिविकि नाम्लाङ् थारुप् कन्ज्यककला गङ्बा श्युसुङङ्, ग्याल्ठिककि दङ्ला दाक दाक्पि श्यामुङ ज्यगिन् सिक्यासुङ,
11
"ङेरे चावा कन्ज्यक्, खो सँवा, ताङ्देन् ताङ लिङ् थुबु वे। चिला सिसिन खोकि तेरिक् जोसुङ्, खोकि नावा नै क्याला राङ ति तेरिक् च्युङु हिन।"