लिउ २
1
एफिससकि क्षोछोक्कि थुला दुक् दिनि टिः ‘राङ्गी लाक्पा याबाला कार्मा दिन् तिबा लाङ्गुप् ताङ् सेर्कि कोपि ज्यक्सा दक्पु दिन् कि पार्ला युकुप् तिकि सुङ् तिबा दिबा राङ् हिन् ।
2
ख्यरे क्याबु लाका, गुताङ् ताङ् जेताङ् ङाला क्षा वे । ख्यरेकि मि दुक्टे तिबाला जे मुथुपु । राङ्गी राङ्ला राङ् लोमातिबा हिन् सिनि सिरुप् तिबाला ख्योरेकि ल्हनि वे । हिन्सिनाङ् तिबा ति मिन् तेमे ख्यरेकि तिबा जिनक्पा हिन् सिनि क्षा ङेनि वे ।
3
ङाला क्षा वे, ख्योरुङ्ला गुताङ् ताङ् जेताङ् वे, तेमे ङे मिङ्ला ख्यरेकि आला दुक्पा खुर्नि वे, हिन्सिनाङ् ङेर् माक्षे ।
4
हिन्सिनाङ् ख्यरे कला ङाला हुतुङ्गी ताम् क्षा वे ख्यरेकी राङ्गी थाल्माकी ङिङ्ज्ये ति ताङ् ज्याङ्नि वे ।
5
तिकि क्यिसाला, ख्योरुङ् खेन्सुर ना गालुप् हिन् ति नासाम् ताङ्नी सेम् ग्युर । ङा ख्यरे चाला गित तेमे ख्यरेकि सेम् माग्युर्बा साक् ङा ख्यरे कोपि ज्यक्सा तिला तिकि दासा नेसुर दँ तेर्क्यित ।
6
हिन्सिनाङ् ख्यरे मिजिला दि वे । निकोलाइटसतबिकिकि क्याबु लाकातिबाला ख्यरेकि सेम्ला मोडो क्यानी वे, तिला ति ङेसाङ् सेम्ला मोडो क्यानी वे ।
7
क्षोछोग् तिबाला कन्ज्यक्की थुकि खाङ् सिबे, सिति नाम्ज्यक् नक् तिकि ङ्येन्स्यी । सिकि ग्याल्ग्यीबे तिला ङा मिजि तेरुप् दोङ्बु नेसुर साप् का तेर्क्यीत, ति ति कन्ज्यक्की देवाच्येन् युल हिन् ।
8
स्मुर्नाकि क्षोछोग्की थुला दुक् सिनि टिः ‘खो ती थाल्मा ताङ् तिङ्मा हिन्, तेमे खोति स्यिनि लोङ् सेन्बु लानी वे ।
9
ङाला ख्यरे दुक्पा ताङ् पेराङ्बु हतुप् कला क्षा वे, हिन्सिनाङ् ख्योरुङ् दि क्षुक्पु वे । तेमे ख्योरुङ्ला मोतुप् तिबा, तिबिकि खप् राङ्ला यहुदि हिन् सिनि सिसिनाङ् तिबा शेतानकि जोम्खाङ् हिन् ।
10
ख्यरेकि खुरुप् छालुप् दिक्पी कला ज्यिबा माक्यी । ल्होसा शैतानकि ख्यिरे पार्ला लालाला खक्पा ल्हाप्ला चोन्खाङ्ला उपु छाल्नी वे तेमे ख्यरेकि ङिमा च्यु साक् दुक्पा खुर गोक्यित । ख्योरुङ् दि मोबा राँबु क्यानी देता तेमे ङा ख्योरुङ्ला मिजिकि उश्या तेर्क्यीत ।
11
क्षोछोग् तिबाला कन्ज्यक्की थुकि खाङ् सिबे, सिति नाम्ज्यक् नक् तिकि ङ्येन्स्यी । ग्यालुप् तिबाला श्वा ङिबाकि खाङ् साङ् ना तोङ् मुथुप्त ।
12
पर्गामम् कि क्षोछोग्कि थुला दि टिः’दि सुङ् ति सुर ङिला नेन्बु हतुप् राल्टि हतुप् तिकि ति हिन् ।
13
ङाला क्षा वे ख्योरुङ् देतुप् दासाला शैतानकी ग्याल्ठिक् वे । हिन्सिनाङ् ख्यरेकि ङे मिङ् दि राँबु क्यानि जिम् ज्याङ्नी वे । तेमे शैतान् देसा दासाला सेतुप् ङाला मोबा राँबु हतुप् पाङ्बु एन्टिपासकि ङोला साङ् ख्यरेकि ङाला हतुप् मोबाला मिन् सि माक्या ।
14
v14हिन्सिनाङ् ख्यरे कला ङा तानी ताम् तिबा वेः खिरे पार्ला लालाकि इस्राएलकि पुज्युङ् पुम् तिबिकि कुला ज्यिन्बा ताङ्गुप् सामातिबा सास्यित् तेमे स्याम्डेन् क्यिस्यित् सिनि नार्तु ग्यकुप् दो ति पुज्युङ् पुम् तिबि दङ्ला क्युर ज्यितुप् आङाला लोपु बालामकी येन्देन्ला राँबु क्यानि जिम्नी वे ।
15
तुक् राङ् क्यानि, खिरे पार्ला लाला निकोलाइटसकि येन्देनतिबा राँबु क्यानि जिम्नि ज्यकुप् तिबा साङ् वे ।
16
तुक् क्यानि, सेम् ग्युर ! तुक् क्यासिन् ङा ख्यरे चाला ङामु राङ् गित तेमे ख्यरे खाला लानि ङे खे नाङ्गी राल्टि थनि माक् थाप्क्यित ।
17
क्षोछोग् तिबाला कन्ज्यक्की थुकि खाङ् सिबे, सिति नाम्ज्यक् नक् तिकि ङ्येन्स्यी । सिकि ग्याल्ग्यिबे तिला ङा बाँ ज्याङ् जतुप् मन्न तेर्क्यित तेमे मिङ् साँबा टिबु दो ज्यिक् ङा तिला तेर्क्यित, ति ति मिङ् ङेतुप् ति सिनाङ् ज्येन सिसाङ् मेस्येत ।
18
थिआटिराकि क्षोछोग्कि थुला दुक् सिनि टिः ‘दि सुङ्तिबा कन्ज्यक्कि पुज्युङ्कि ति हिन्, खोकि मिक् तिबा मे मेबुर दगे ताङ् काङ्बा तिबा मेथाब् नाङ्ला ठा क्षाली थोङ्गुप् सा दगे वे ।
19
ख्यरे ङिङ्ज्ये, मोबा, र क्यिरुप्, गुताङ्, जेताङ् ताङ् ख्यरे क्याबु लाकातिबा ङाला क्षा वे । ख्यरे तान्दा क्याबु लाका ति तङ्ला क्याबु लाका सिनाङ् माङ् को क्षेतुप् वे ।
20
हिन्सिनाङ् ङातानि ख्यरे कला दि ताम् वेः ख्यरेकि राङ्गी राङ्ला राङ् लुङ्देन् लापु मि हिन् सिनि सिरुप् आम्पुम् इजेबेलला ख्यरेकि जेनी वे । तिकि येन्देननेसुर ङे लाका क्यिरुपतिबाला दिक्पा क्यिरुप् ताङ् कुला पुलुप् साच्येतिबा सा ज्यिक्यित ।
21
ङेकि तिला सेम् ग्युर् सिनि तुज्ये बिन्सिनाङ् तिकि क्याबु दिक्पा नेसुर सेम् ग्युरुप सेम् माक्या ।
22
ल्होसा ! ङा ख्योरुङ्ला नेर्पुकि दासाला क्युर्नि तोङ्गीत तेमे ति तानि श्याम्डेन् क्यिरुप् तिबाला तिकि क्याबु लाकाला नासाम ताङ्नी सेम् माग्युर्बा साक् दुक्पा गेर्पुला खेल ज्यिक्यित ।
23
ङा तिकि पुज्युङ्पुम् तिबाला रिँबाथनी सेक्यित, तेमे नासाम ताङ सेम् तिबा छोलुप् ति ङाराङ् हिन् सिनि क्षोछोग्कि स्येक्यित । ङा तेरिग्ला तिबि लाकाकि क्षाक्तक तेर्क्यीत ।
24
हिन्सिनाङ् खिराङ्ला ङा सित, थिआटिराला लुबु दि येन्देन् मेङ्येन्दुप् ताङ् शैतानकि कला ल्येमु क्यानि क्षा मेतुप् खिराङ् तेरिग्ला ज्येन् खाङ् साङ् खुर्बु मेगेल्द ।
25
चुक् क्याप् तुज्येला साङ् ङा माहबा साक् ख्यरेकि दिला राँबु क्यानि जिम्नि ज्यक् ।
26
सिकि ग्याल्ग्यिबे तेमे तिङ्मि तुज्ये साक् ङेकि क्याबु लाका क्यिबे तिला ङा मिरिग् तिरिकि खाला ओङ्ज्येन् तेर्क्यित ।
27
जामा जप् मिकि थाला थनि जोबु जामातिबाला तिकि टुम्नि छ्याक्पा बाङि जोबु दगे तिकि च्याकी लाकाम् थनि तिबि खाला ओङ्ज्येन् क्यित ।
28
ङेकि ङे पापानेसुर ङेतुप् दगे खोला ङा टोप्कि कार्मा तेर्क्यित ।
29
कन्ज्यक्कि थुकि खाङ् सि बे, सिकि ति नाम्ज्यक् नक्पे तिकि ङ्येन्स्यीता