लिउ २१
1
तेमे ङेकि साम्बा देवाचेन्ताङ साम्बा जाम्बुलिङ थोङिन्, चिलि सिसिन् तङि देवा चेन ताङ तङि जाम्बुलिङ सिनिङ गाल्सुङ, ग्याम्छोया वतुङ मिदुक्।
2
तजोला कन्ज्यक नेसुर माक्पाला सिनि छ्याबु नामा जोराङ छ्यानि टेगे जोबु चेङि ग्यासा, साम्बा यरुसलेम देवाचेन नेसुर मालिम्ला पापिन् वतुप् ङेकि थोङिन्।
3
ङेकि देवाचेन नेसुर् वोरु गेर्पुकि दुक सिक्याबु कोसुङ,"ल्होसा, कन्ज्यककि देतुप् दासा ति मि मिरिक तिवा तानि वे, तेमे खो तिवा तानि श्यासा देक्यु । तिवा खोकि मि तिवा चयुङुउइ, तेमे कन्ज्यक दाक्पुराङ् तिवा तानि हुङुउइ तेमे खो खिरे कन्ज्यक हुङुउइ ।
4
खोकि तिवि मिगिकि मिक्च्युर तिवा पितेर्क्यु, त्ये चिन्दिङ श्यिवा मेङुउइ, सेम् दुक्पा, ङ्वप्, दुक्पा काङ मेङुउइ। तङि तिवा तेरिक सिनि गालु वे।
5
ग्याल्ठिक्ला ग्याल्बु किरुप् तिकि सिक्यासुङ,"ल्होसा, ङा तेरिक ताम तिवा साम्बा जेउइ।" खोकि सिक्यासुङ,"दि टिसा चिला सिसिन दि सुङ तिवा रेत्पा किरुप् ताङ हुतुङकि वे।"
6
खोकि ङाला सिक्यासुङ,"दि ताम तिवा सिन्सुङ। ङाराङ तङ ताङ तिङ हिन्। सुला कम्बा लाङु ङा तिला तिजराङ मिजिकि छ्यी पुङ् नेसुर छ्यु थुङ जिक्यु।
7
सिकि ग्याल्ग्यु, तिकि दि ताम तिवि खाला ओङ्ज्येन किउइ, तेमे ङा तिकि कन्ज्यक च्युङुउइ, तेमे ङा तिकि पुज्युङ च्युङुउइ।
8
हिन्सिनाङ जिवा कितुप् तिवा, मोवा मेतुप् तिवा, कुला सँवा देकुप् तिवा ताङ जुनाक ज्वप् तिवाकि बो ति जिन्बाकि मेताङ मुसिकि ङ्याल्वाला हुङुउइ। तिदि ङिम्पा श्यिवा हिन्।"
9
तिङ्माकि दिन काबु तुज्येकि कराकि क्येङु देवाचेनकि थु तिवि नाङ्ने मिराचिक् थु ङे चाला लेम्नि सिक्यासुङ,"दे श्यक्। ङा ख्योङ्ला लुगि रिउकि नामा छ्या देन्ग्यु।"
10
तेमे तिकि ङाला थु नेसुर् खुर्नि गेर्पु गाङ चिक्ला खुर्नि कन्ज्यक नेसुर् माकिमला पापिन वतुप् चेङि ग्यासा यरुसलेम ङाला छ्या तेन्सुङ।
11
यरुशलेमला कन्ज्यककि सँवा वतुप् नक्, तिकि टाक ति मुतिक् स्फटिक देकि दगे नक्।
12
तिकि च्युप्ङि गो तानि गेर्पुचिक् क्योरुप् साम नक्,गोला मेरा च्युप्ङि देवाचेनकि थु तिवा नक्।
13
श्यार्ला गो सुम्चक , च्याङ्ला गो सुम्चक, ल्होला गो सुम्चक ताङ नुप्ला गो सुम्चक नक।
14
ग्यासाकि गारकि दि च्युप्ङि डाम्जि नक्, तिकि खाला लुइ रिउकि च्युप्ङि लोमा तिवि मिन नक्।
15
ङा तानि ताम किरुप् ति तानि ग्यासा ताङ तिकि गार तापु सिनि चिक सेरकि ग्युक्पा नक्।
16
ति ग्यासा सुर श्यि नक्; तिकि रिङ्दुङ ताङ थिङ्दुङ च्यिक्पा नक्। ति सेर ग्युक्पा थनि ति ग्यासा ताप्सिन तिकि रिङ्दुङ् ति तङ्डा च्युप्ङि नक्।
17
तिकि ति गारतिङ ताप्सुङ, मितिविकि ताप्सिन ति मिटर खाल्सुम ताङ ङा नक्।
18
गार ति कुन्बु दो ताङ ग्यासा ति चेङि सेरकि श्येल दगे जोबु नक्।
19
गारकि तेरिक् डाम्जि तिवा दो तिवा थनि जोबु नक्। थाल्माकि दि दो कुन्बु, ङिपा ति मुतिक् ङोर्मु, सुम्पा ति (हरित) नक, श्यिपा ति (पन्ना) नक,
20
ङापा (अनिक्) नक्, टुक्पा ति (लालमणि) नक्, दिन्पा ति (पितमणि) नक्, ग्येपा ति (बेरुजु) नक्, गुपा ति (पुष्पराज) नक्, च्युपा ति (लसुने रत्म) नक्। च्युताङ थाल्मा ति मुतिक ङोर्मु नक्, च्यु ताङ ङिपा ति (कटेला) नक्
21
च्युप्ङि गो ति च्युप् ङि मुतिक् कि नक्। तेरिक गो मुतिक् नेसुर् जोबु नक्। ग्यासाकि लाम गेर्पु तिवा चेङि सेरकि नक्, श्येल् दगे सेङे थोङिनक्।
22
ङेकि ग्यासाला चिन्दिङ ल्हाखाङ माथोङ, चिला सिसिन तेरिक सिना गेर्पु कन्ज्यकताङ लुइ रिउ तिराङ दिकि ल्हाखाङ हिन्।
23
ग्यासाला ठाछ्यालि ज्वप्ला चिन्दिङ ङिमा ताङ औला मोगोउइ। चिला सिसिन कन्ज्यककि सँवा तिराङ तिकि खाला टाक नक्, तिकि कोपि ति लुइ रिउ नक्।
24
ति ग्यासाला आला मिरिक तिवा ठाछ्यालि नेसुर युगु।
25
तिकि गो तिवा दुक्पाकि ङिमाला मेचेउइ, ते नाम मोरोउइ।
26
आला मिरिक् तिविकि दाक्पि सेम्ला गा च्युङ्गुप् ताङ ताङ्देन् ति तिवि नाङ्ला खुन्गिउइ।
27
चिन्दिङ मेचेङि ताम तिकि नाङ्ला नाम्लाङ श्युगु मेङेउइ, ना ङछा लाङ्दे ताङ जुनाक् नज्वप् लाका किरुप् तिवा त्ये ड्वप् ङेक्यु, लुइ रिउकि मिजिकि थेप्ला मिन् टिवु तिवा क्याजिक् त्ये श्युगु ङेक्यु।