लिउ २२
1
तितिङ्ला देवाचेनकि थुकि ङाला स्फटिक्स दगे थोङ्गुप् चेङि मिजिकि छ्यि ज्युङ छ्या तेन्सुङ। दि कन्ज्यक ताङ लुइ रिउ कि ग्याल्ठिक् नेसुर् ज्याङिन् नक्।
2
दि ग्यासाकि पार्कि लामनेसुर् च्युङ्नि ज्यानि नक्। तेरिक ज्युङि चाला मिजिकि दोङ्बु नक्, ला च्युप्ङि राङ डेल्वा गारुप् ताङ दिकि राङसा राङसा लाला ला दाक्पि डेल्वा गोर्क्यु। दोङ्बि दामाक तिवा मिरिक तिवाला नेर्पा नेसुर टेगुप्ला सिनि हिन्।
3
त्ये चिन्दिङ मता मेङु। कन्ज्यक ताङ लुइ रिउकि ग्याल्ठिक् ग्यासाला गिउइ, खोकि लाका किरुप् मि तिविकि खोकि लाका किउइ।
4
तिविकि खोकि ङो थोङुउइ, खोकि मिन तिविकि टालाला गिउइ।
5
त्ये नाम्लाङ नुप मेङुउइ, तिवाला ठाछ्यालिला सिनि नाम्लाङ कोपि मोगोउइ, ङिमि टग् गाङ मोगोउइ चिला सिसिन चावा कन्ज्यकराङ तिविकि टाक हिन। तिविकि नाम्ला ग्याल्बु किउइ।
6
देवाचेनकि थुकि ङाला सिक्यासुङ,"दि सुङ तिवा मोवा कितुप् ताङ हुतङ हिन्दुप् वे। लुङ्तेम्बा तिविकि थुकि चावा कन्ज्यक श्यारि काङ च्युङु हिन सिनि खोकि लाका किरुप् तिवाला छ्या देन्तुप् सिनि खोकि दाक्पि थु तिवाला ताङ्सुङ ।"
7
"ल्होसा, ङा टिबुराङ हुङिन वे । दि थेपकि लुङ्देनकि सुङ सिकि ङेन्ग्यु, ति थुज्येकि हिन्।"
8
दि ताम तिवा कोतुप् ताङ थोङु ङा युहन्ना हिन्। तजोला ङेकि कोतिन् तेमे थोङिन्, तेमे देवाचेनकि थुकि ङाला दि ताम तिवा छ्या तेन्सुङ, ङा तिकि गमाला श्यावा किरुप सिनि थुकि काङ्बाला टिमुङ चुनि खौतङ्मा देतिन्।
9
तिकि ङाला सिक्यासुङ,"तुक माकि। ख्यरे उज्यु नुक् लुङ्तेम्बा तिवा ताङ दि थेपकि सुङ ङेन्दुप् तिवि ङा छ्याजिक् लाका किरुप् दाल्जा क्याजिक् हिन्। कन्ज्यकला सँवा पुल।"
10
तिकि ङाला सिक्यासुङ,"दि थेपकि लुङदेनकि सुङ तिवाला ता माग्याक्, चिला सिसिन तुज्ये चालाराङ वे ।
11
सु दिक्पा वे तिकि नाम्लाङ दिक्पा किइ देसित् । सु लाका मेतुप् वे, तिकि लाका मेतुप् ताङ मार्च्याक किरुप लाका तिवा क्याजिक किसित् । सु दिक्पा मेतुप् वे तिकि दिक्पा मेतुप् लाका क्याजिक किसित् । सु चेङि वे, ति नाम्लाङ चेङिराङ हुङ्सित्।"
12
"ल्होसा, ङा टिबु राङ हुङिन् वे तेरिककि क्याबु लाकाकि छ्याक्तक ङा तानि वे ।
13
अल्फा ताङ ओमेगा, तङ्ला ताङ तिङ्ला, थाल्मा ताङ तिङ्माला ङाराङ हिन्।
14
दाक्पि माज्या टुतुप् तिवा तुज्येकि हिन् चिला सिसिन तिविकि मिजिकि दोङ्बु नेसुर् साप् ताङ गो तिवा नेसुर् ग्यासाला श्युगुप् ओङ ङे थुसित्।
15
कितिवा, ङा ग्याकुप् तिवा, श्याम्डेनकि लाका किरुप तिवा, मि सेतुप् तिवा, कुला सँवा देकुप् तिवा, जुनाक ज्वप् तिवा ताङ ङिङ्ज्ये किरुप् सेम किरुप् तिवा तेरिक फिला हुङु।
16
ङा येसुकि ङे देवाचेनकि थु तिवाला जोमखाङतिविकि दि ताम तिवाला किदुगकि सिनि ताङु वे। ङा दाउदकि गिपा ताङ पुङ, टोप्कि टाक तेरुप् गार्ज्येन हिन।"
17
थुचेङि ताङ नामिकि सिउइ,"श्यक्" सिकि कोक्यु तिकि दुक सिसित्, श्यक्।" सुला कम्बा लाबु वे, तिला हुङ्चित्, सिकि दिकि नावा किउइ तिकि तिजराङ मिजिकि छ्यु थुङ्सित्।
18
दि थेपकि लुङ्देनकि सुङ ङेन्दुप् तिवा तेरिक्ला ङा जिवा कुज्यिक्यु। हुतुङ ज्येन्गि दिला चेक्सिन्, दि थेपला टिबु काबु तुज्ये तिवा कन्ज्यककि तिकि खाला चेनि तेर्क्यु।
19
हुतुङ सिकि दि लुङ्देनकि सुङकि थेप नेसुर् काङ थेनक क्यासिन्, कन्ज्यककि दि थेपला टिबु मिजिकि दोङ्बु ताङ चेङि ग्यासा नेसुर् तिला फिला देन्ग्यु।
20
दि ताम्गि किदुक् तेरुप् सिकि सिउइ, "हिन, ङा टिबु राङ हुङिन् वे।" आमेन! श्यक, चावा येसु।
21
चावा येसुकि कार्टिन तेरिक तानि वसित् आमेन।