लिउ २०
1
तजोला ङेकि देवाचेन नेसुर मालिम्ला पापिन, वतुप् थुला थोङिन्। ति तानि तिङ्मा ङ्याल्वाकि दिमो ताङ गेर्पु च्याताक् चिक् तिकि लाक्पाला नक्।
2
तिकि डुग् छ्येचिक् जिम्सुङ्, तिदि दुक्टे ह्रेन्डि हिन्। तिकि तिला लो तङ्डाचिक् सिनि टासुङ्।
3
तिकि तिला ङ्याल्वाला क्युर्नि उप्सिमा तिकि खाला ता ग्याप्सुङ। लो तङ्डाचिक् माख्योलु साक तिकि मु तुविकि मिरिक् तिवाला जुनाक ज्वप् मेङेसित् सिनि दुक क्याबु नक्। ति तिङ्ला तिला काङ तुज्येला सिनि ताङ तेर्क्यु।
4
तेमे ङेकि ग्याल्ठिक तिवा थोङिन्। तिकि खाला देतुप् तिला ठिम किरुप् ओङ बिन्दुप् नक्। ङेकि कन्ज्यककि सुङ ताङ येसुकि किदुक्ला सिनि गो तुबु थु तिवाला थोङिन् । तिविकि पपालाङ् ताङ कु तिवाला सँवा मातेक्, तिविकि दाक्पि टालाला मिन्सिन् लाक्पाला ज्ये ग्यागु माङेन्। तिवा सेन्बा लानि येसु तानि लो तङ्डा चिक् साक फङ्ज्येन क्यासुङ्
5
ज्येन् लुबु श्येप् तिवा लो तङ्डा चिक् मासिन्बु साक् सेन्बु माला। दि तङि ग्युर्नि सेन्बु लाङ्गुप् हिन् ।
6
तङि सेन्बु ग्युरुपला श्योरु तिवा सु हिन्सिनाङ चेङि ताङ तुज्यिकिहिन्। दिवि खाला ङिपा श्येप् कि चिन्दिङ ङार मेङुउइ। तिविकि कन्ज्यक ताङ चावाकि कोङ्यार तिवा च्युङ्नि खो तानि राङ ओङ्ज्येन् क्यासुङ।
7
तजोला लो तङ्डाचिक् सिन्ग्यु, तजोला डेला तिकि चोन्खाङ चेसुर् तोङु।
8
जाम्बु लिङ्ला वतुप् तेरिक् मिरिक् तिवाला जुनाक् ज्वप् सिनि ति डे ति फिला डिउइ, गोग ताङ मागोगकि तिवाला माक् थापुप्ला तुच्यिक् खुङुउइ। तिवाति ग्याम्छोकि ङो मुथुबु पेप्श्यक दगे नक्।
9
तिवा जाम्बुलिङ्कि नामु श्यिगार्ला गाल्नि मोवा कितुप् तिविकि खाङ्बि ठाटुला ताङ ङिङ्ज्येबु ग्यासा ला क्योर्सुङ। हिन्सिनाङ देवाचेन नेसुर मालिम्ला मे पाम्नि तिवा सिन्दाक्यासुङ।
10
तिवाला जुनाक् ज्वप् ति दुक्टेला बारिन वतुप् मुसिकि ङ्याल्वाला क्युर्सुङ, त्ये रुक्ला पालाङ ताङ जुनाक ज्वप् लुङ्तेम्बा तिवा क्युरु नक्। तिविकि ङिन् नुप् नाम्लाङ् दुक्पा खुर्क्यु।
11
ति तिङ्ला ङेकि छ्ये गेर्पु कार्मु ग्याल्ठिकताङ तिकि खाला ग्याल्बु किरुप् ला थोङिन्। खो लेप्सिमा देवाचेन ताङ जाम्बुलिङ टोनि थारे गाल्सुङ्, हिन्सिनाङ नतिवाला त्ये ड्वप् चिन्दिङ दासा मिदुक्।
12
ङेकि ङार वतुप् ताङ ङार मेतुप् श्येप् मि तिवा ग्याल्ठिक कि दङ्ला लानि वतुप् थोङिन् तेमे थेप तिवा पेतुप् नक्। ति थेप् तिवाला टिबु लाका दगे तिवि राङ श्येप् तिविकि ठिम् च्युङ्सुङ।
13
ग्याम्छोला वतुप् श्येप् तिवाला तिकि ग्युर्नि बिन्सुङ। श्येप ताङ ङ्यालवाकि तिवा तानि वतुप् श्येप् तिवाला बिन्सुर, तिविकि क्याबु लाका दगेराङ श्येप् तिविकि ठिम च्युङङ्सुङ।
14
श्यिवा ताङ ङ्याल्व तिला मे ङ्याल्वाला क्युर्सुङ। दि मे ङ्याल्वा ति ङिम्पा श्यिवा हिन्।
15
मिजिकि थेप्ला सिदिङ मिन् टिबु माङेसिन् तिला मे ङ्याल्वाला क्युर्सुङ्।