लिउ १९
1
दि तेरिक् यक् तिबि तिङ्ला मि आला मि तिबा ताङ्, होरु छार्बुला दिक् साबु ङेकि कोसुङ्, “हाल्लेलुया, थार्वा, स्वा, ताङ् ङारा अरे कन्ज्यक् कि हिन्।
2
खोकि ठीम् किताङ् ति हुतुङ् ताङ् ठिमला ख्योलुप् हये। चिला सिसिन् खोकि स्याम्डेन्मा साङ् ठिम् क्याबु हये, तिकि जाम्बुलिङ्ला खरे मेलेबा स्याम्डेन् कि नाताङ्ङु हये। खोकि दाक्पि यक्पु तिबि टा.गि कला ङ्यार्मा ग्युरुप हये, ति दि खोकि राङ् ज्याकुप् हये।
3
तिबिकि याङ्लोङ्साङ्, “हल्लेलुया! त्यासुर् राङ् नाम्लाङ् तुताङ् थेन्ग्यु।“
4
एल्डर खाल्जिक् ताङ् सि ताङ् सिच्चक् उ हतुप् मिजि तिबिकि खप्रेराङ् साला दोबु स्वा ताम्निते खाउ ग्याम्निते ग्याल्ठिला हतुप् कन्ज्यक्ला स्वा क्यानि स्वा पुल्सुङ्। तिबिकि “आमेन। हाल्लेलुया” सिताङ् नक्।
5
तेमे ग्याल्ठि नेसुर दुक् सिरुप् होरु जिक् लेसुङ्, “खिराङ् तेरोक् खोकि यक्पु तिबा हिन् ति खो तानि जिबा किउ, अरे कन्ज्यक् ला स्वापुल।
6
तेमे मि आला कि होरु दगे क्यानिते, आला छ्यार्बा ताङ् नाम् कि होरु तिबिकि “हाल्लेलुया” साबु ङेकि कोसुङ् चिला सिसिन् अरे कन्ज्यक् तेरिक् सिना ङार हतुप् कि ग्याल्बु किउ।
7
ओरुङ् किर्मु क्यानिते गा कितुप्, तेमे खोला स्वा वुल्गि चिला सिसिन् थुमा ककि जेन्दिला छ्याम्डेन् किरुप ङिमा लेपु हये, खोकि नामा तिबिकि दाक्पिला रिनिते टेगे क्याबु हये।“
8
तिबाला माज्या ज्यापु तिबा कोदुला बिन्सुङ्, चिलासिसिन् ज्यापु माज्या ति खोकि चेङ्ङे मि तिबिकि दिक्पा हतुप् यक् तिबा हिन्।
9
देवाचेन् कि थु तिकि ङाला सासुङ्, “दि टिसा, थुमाकि जेन्दिकि डेन्ला का ताङ्ङु तिबा थुच्ये हतुप् हिन्” तिकि ङाला दिङ् सासुङ् ‘दि कन्ज्यक् कि हुतुङ्कि सुङ् हिन।‘
10
खोला स्वा किरुप्ला ङा खोकि काङ्बि दङ्ला खाउ ग्यापिन्।, तेमे तिकि ङाला “दुक् माकि सिनिते सासुङ्, चिला सिसिन् ङा येशुकि कला हतुप् ताम् तिबा लापु ख्यरे नुक् ताङ् दाल्जा क्याजिक् हिन्। कन्ज्यक्ला स्वा बुल, चिला सिसिन् येशूकि कला च्युङ्ङुप् ताम् तिबा लुङ्तेम्बा कि थु हिन्।
11
तेमे ङेकि देवाचिन् पेदुब् थोङ्सुङ् तेमे ल्हासिन् ता कार्मु जिक् नक्। ति खाला जेकु तिला हुतुङ्कि ताङ् रेत्पा हतुप् सिनक्। खो कि ठीम् किदिमु लाङ् ठिम्ला देनिते माक् किउ।
12
खोकि मिक् ति मे हुरुप् दगे ताङ् ताङ् खो कि गोला उस्या तिबा आला नक्।
13
खोकि खाला टितिबु मिन् खोला सिना ज्यान् सुलाङ् छ्या मिदुक्। खो कि ठाक् कि टि बु माज्या कोनिते नक्, तेमे खोला कन्ज्यक् कि सुङ् सिनिते कातोङ्ङिनक्।
14
माज्या ज्यापु तिबा कोनिते देवाचेन्कि माग्मा तिबा कार्मु ते खाला जेनिते खोला तिङ् ङ्यासुङ्।
15
तेरिक् मिरिक् तिबाला ग्याकुला खरे खा नेसुर तरवाल नेन्बु जिक् थेन्सुङ्, तेमे खोकि ति बि खाला च्या ग्युक्पा थनि ग्याल्बु किउ। कन्ज्यक् कि गुडुम् चिर्सा तिला नेन्सुङ्।
16
खोकि माज्या ताङ् दिपाला “ग्याल्बु तिबि ग्यालबु ताङ् चावा तिबि चावा” सिनि मिन् जिक् टिबु हये।
17
ङे कि देवाचेन् कि थू च्यिक् ङिमि खाला टाङ्ङि लानि हतुप् थोङ्सुङ्। तिकि नाम्ला फुरुन् हतुप् तेरिक् च्याजुङ्मा तिबाला काताङ्सुङ्, स्यक् तेरिक् कन्ज्यक् कि डेन्ला जोम्बा कि।
18
तिबिकि ग्याल्बु तिवा, माग्मि छ्या तिबा, ङार हतुप। मि तिवा, ता तिबा, तेमे तिकि खाला ज्येबु तेमे तेरिक् मितिबा, यक्पु ताङ् जिदाक् ङिक्कार, को मेछेबु ताङ् ङार हतुप् तेरिक्कि दङ्ला सेउ।
19
ङेकि पालाङ् ताङ् जाम्बुलिङ् कि ग्याल्बु तिबिला तिबि माग्मा लाति थोङ्सुङ्। तिवा ते खाला जेवु ताङ् खोकि माग्मा तिबा तानि माकुप्ला जोम्सुङ्।
20
खोकि दङ्ला याम्चेन् कि याक् तिबा छ्यादेदुप् जुनक्पा लुङ्देन्बा तिबा तानिते तिला जिम्सुङ्। दि जे तिबा थनिते ति लुङ्देन्बा जुनक्पा ति कि ति पालाङ् कि जे ग्यापुप् ताङ् ति कि कुला स्वाबुलुप् तिवाला जुनक जोसुङ्। तिबिनाङ्ला मेरा ङिला ति बार्नि हतुप् मे छार्बु नाङ्ला क्युर्सुङ्।
21
ति बि नाङ्नेसुर लुबु तिबाला ते खाला हतुप् तिकि खे नाङ्नेसुर थेदुब् तरवाल थनि सेसुङ्। ति स्याप् रो तिबाला तेरिक् च्याज्युङ्मा तिबिकि सोसुङ्।