लिउ – १८
1
दि तिबि तिङ्ला ङेकि देवाच्येनकि लेन् क्येलुप् थु ज्येन्ज्यिक् देवाच्येन् नेसुर मार पापिन् हतुप् थोङ्सुङ् । तिला ङार आला नक् तेमे खोकि सवाँ नेसुर जाम्बुलिङ् ठा दिङि गाल्सुङ् ।
2
खोकि ङार क्षे हतुप् ओरु छार्बुकि दुक सिनि सिक्यासुङ् “ना गाल्सुङ्, बेबिलोन ना गाल्नि वे, ति ति डे नाक्पु तिबा, थु मेचेङा ताङ् च्याज्युङ् मेचेङाकी देसा दासा च्युङ्नि वे ।
3
च्यिले सिसिन् मिरिग् तेरिकि तिकि श्याम्डेन् क्यिरुप् नासाम्कि क्षाङ् थुनि वे । जाम्बुलिङ्की ग्याल्बुतिबिकि तितानी लाका मेल्येबा क्यानि वे । तिकि किर्मु छोलुप् ङारकी मिजि क्योङ्दाङ्की जाम्बुलिङ्की छोङ् क्यिरुप् मितिबा आला क्षुक्पु गाल्नी वे ।
4
ति तिङ्ला ङेकि देवाच्येन्नेसुर दुक् सिरुप् ओरु छार्बु ज्यिक् कोसुङ् “ङे मि तिबा, तेसुर पाङ्ला थेन् स्यक्, तुक् क्यासिन् खिरेकि दिक्पा खुर मोगोउ तेमे खिरे खाङ् साङ् छेटाङ् खुर मोगोउ ।
5
तिकि दिक्पातिबा बुङि गाल्नि देवाच्येन् सिनाङ् थेन्बु गाल्नी वे, तेमे कन्ज्यक्कि तिकि लाका दुक्टे तिबा नासाम् ताङ्नि वे ।
6
तिकि ज्येन्ला बिन्दुप् दगे राङ् क्याने तिला लङ्नि बिन् तेमे तिकि क्याबु दगे राङ् क्यानि तिला साङ् क्यानि बिन् । तिकि करा नाङ्ला खाङ् ओल्बे तिकि दुम्बा ङि हुङ्गुप् क्यानि तिला बिन् ।
7
तिकि राङ्ला राङ् यार तेकुप् ताङ् किर्मु क्यानि मिजि क्याङ्गुप् दगे क्यानि राङ् तिला छेटाङ् ताङ् दुङाल बिन् । च्यिले सिसिन् तिकि राङ्गी सेम्ला ‘ङा याङ् ग्याल्मु दगे क्यानी देनि वे, ङा ति युसिम् मिन् तेमे ङेकि नाम् साङ् दुङाल थोङ् मोगोउ’ सिनि वे ।
8
तिकि क्यिसाला, तिकि गोला ङिन् ज्यिङ्मा श्यिवा, दुङाल् ताङ् ल्हरेकि छेटाङ् खेल्ग्यित । तिला मे थनि ना तोङ्गित, च्यिलेसिसिन् चावा कन्ज्यक् ङार क्षे हतुप् वे तेमे खो राङ् ति कि ठिम् क्योङ्गुप् मि हिन् ।
9
जाम्बुलिङ्कि ग्याल्बु तिबिकि ति तानि श्याम्डेन् क्यासुङ् तेमे तिकि लाक्नेसुर पाङ्ला गाल्नी थेन्दुप् थुताक् थोङ्नी तितानि ङप् ताङ् दुङाल क्यिरुप् डित ।
10
तिबिकि तिकि छेटाङ्कि ज्यिबाला थोङ्नी फो थारेला राङ् लानि दुक् सित “ति ग्यासा गेर्पु ति, ङार क्षे हतुप् बेबिलोन् ग्यासा! उकुर्ज्यिक्ला राङ् ख्यरे ठिम् गि ङिमा ति लेम्नि वे ।
11
जाम्बुलिङ्की छोङ् क्यिरुप् मि तिबिकि तिकि कला ङित तेमे दुङाल् क्यित, च्यिले सिसिन् ति तुज्ये नेसुर सि साङ् तिकि सामा तिबा मोङ्योत ।
12
सेर, ङुल, यु, मुतिक्, सोरा, टेमा स्यिम्बु खाप् स्यीङ्, लाक्पा थनि जोबु रुबाक्की सातिबा, स्यिङ् कुन्बु थनि जोबु सा, श्येल्, च्या, दोकामारु,
13
सिङ्काउलि, मसला, साङ्, मुर्र, गुन्डुम् क्षाङ्, नुम्, फे स्यिपु, टा, क्षुङ्मा, लुक्, ता ताङ् ताखुर् तिबा, यक्पु ताङ् मिकि लातिबा ।
14
ख्यरे ङार तेरिकि ख्यरे सेम्ला गालुप् डाल्बा ख्यरे तेसुर गाल्नि सिन्वे । ख्यरे किर्मु ताङ् गिज्यातिबा तेरिग् याल्नि वे तिबा ति याङ् लोङ् नाम् साङ् मेङ्येत ।
15
सि सामातिबि छोङ् क्यिरुप् तिबिकि गिज्या जोनक्, तिबिकि तिला खेलुप् छेटाङ्की ज्यिबिकि फो थारे राङ् लानि देनि ङित तेमे ओरु छार्बु तेन्नि दुङाल् क्यित ।
16
तिबिकि “तेर्मे ग्यासा गेर्पु, तिकि सोरा, रा मुक्पु ताङ् माज्या कोन्नि सेर, मुतिक् ताङ् गेन्ज्या कुन्बु तिबा तानि पामु जोसुङ् ।
17
उकुर्ज्यिक्ला राङ् ख्यरे गिज्या तिबा ना गाल्नि वे “ सिनि सिक्यासुङ् । टु गेर्पु तेर्कि क्षेम्बु तिबा, टि नाङ्ला जेकुप् तिबा, टुला लाका क्यिरुप् तिबा ताङ् ग्याम्छोला लाका क्यिरुप् तिबा थारेला राङ् लानि देसुङ् ।
18
ति छिकुप् थुताक् थोङ्नी तिबा ओरु तेन्सुङ् । तिबिकि “दि दगे ग्यासा गेर्पु च्येन्दि वे” सिनि सिक्यासुङ्।
19
तिबिकि राङ्गी गोकि थाल्दुक् क्युर्नी ङुई दाङ् ओरु तेन्नी दुङाल् क्यानि सिक्यासुङ् “ग्यसा गेर्पु ति तेर्मे, ग्याम्छोला तिबि टु हतुप् तिबा तिकि गिज्या थनि क्षुक्पु गालुप् हिन् । च्यिले सिसिन् तिबा तेरिग् उकुर ज्यिक्ला राङ् ना ताङ्नी वे ।“
20
देवाच्येन्, तिकि खाला किर्मु क्यि, मोबा क्यिरुप् तिबा, लोमातिबा ताङ् लुङ्तेम्बा तिबा, खिरे कला कन्ज्यक्कि ठिम् दि तिकि खाला खनि वे ।
21
ङार् क्षे हतुप् देवाच्येन्कि थु ज्यिकि लाकुर दगे दो ज्यिक् तेक्सुङ् तेमे दुक् सिनि ग्याम्छो नाङ्ला क्युर्सुङ् “दुक् क्यानि बेबिलोन्, ग्यासा गेर्पु ति ज्यिबा लाङ्दे क्यानि मार् क्युर्क्यित तेमे तिला नाम् साङ् मोथोङ्द ।
22
बिणाकि ओरु, रल्माबा, लुमु फप् तिबा ताङ् ग्यालिङ् फप् तिबि दा ख्यरेकि नाम् साङ् मोकोत । लाक्श्येबा तिबा ख्यरे मेठेत । लाकुरकि ओरु ख्यरेकि नाम् साङ् मोकोत ।
23
कोपिको ठा दिङि ख्यरेकि मोथोङ्द । नामा ताङ् माक्पिकि ओरु ख्यरेकि मोकोत, च्यिले सिसिन् ख्यरे छोङ्बेन् तिबा जाम्बुलिङ्की ग्याल्से तिबा हिन तेमे मिरिक् तिबा ख्यरे ङा ताङ् जुटुलथनि दाम्बुप् हिन् ।
24
तिलाराङ् लुङ्तेम्बा तिबा ताङ् मोबा क्यिरुप् तिबिकि ठाक् ताङ् जाम्बुलिङ्ला सेतुप् तेरिग्कि ठाक् ङेतुप् हिन् ।“