लिउ १७
1
करा डुमा दिन खुरु मिरादिन्गि नाङ्ला मिरा च्यिगि ङे चाला लेम्नि सिक्यासुङ श्यक, ङा खिराङला क्ष्यि खाला देत्युप दुक्पा ङेदुप् श्याम्डेन्माला क्ष्या देन्ग्यु ।
2
ति तानि जाम्लिङकि ग्याल्बु तिविकि श्याम्डेन क्याबु वे । जाम्बुलङकि मितिवा तिकि श्याम्डेन क्ष्याङकि ज्येप वे ,"।
3
तितिङ्ला देवाच्येकि थुकि ङाला थुला खुर्नि खाङ दुप दासाला खुन गाल्सुङ , मोतुप तेरिकि मिनतिविकि केङ्गुप पालाङ मार्मु खाला देुतुप मिच्यिक् पुमपेजाला ङेकि थोङ्सुङ । ति पालाङकि दि डुमा दिन गोताङ डुमा दिन आर्क्यक नक ।
4
ति पुमपेजाति ङोर्ताङ ताङ कार्मु टाक छ्यालुप् माज्या कोदुप् सेर , कुन्बुताङ मणिताङ मोति तिवा थनि ज्येज्ये क्याबु नक । मार्च्यक लाङ्दे ताम तिवाताङ श्याम्डेनकि , केङगुप् चिक सेरकि करा तिकि लाक्पाला जिम्नि नक ।
5
बाबुचिक ताम्गि तेन्दक वतुप मिन तिकि टालाला टिबु नकः "जाम्बुलिङला वतुप फाक्चा लाङ्दे ताम्तिवा ताङ श्याम्डेनकि गेर्पु मामा ।"
6
ति पुम पेजाकि मोवा किरुप् तिवाताङ येशुला सनि श्येप तिविकि ठाक थुनि जिनि वतप् ङेकि थोङिन । दजोला ङेकि तिला थोङ्सिमा ङाला आला याम्छेन च्युङसुङ ।
7
तजोला देवाच्येनकि थुकि ङाला सिक्यासुङ ,"खोङ चिला जिवा किउइ ? ङ ख्योङ्ला ति पुम पेजाला खुरु डुमा दिन गोताङ आर्क्याक वतुप् पालाङकि बावु तेन्दक सिउइ ।
8
ख्यरे थोङगुप ति पालाङ जुजाङ नक , हिन्सिनाङ हादा जुजाङला मेत , हिनसिनाङ ति ङ्याल्वा नेसुर थेदु छालु वे । तजोला ति सिन्दुप् क्ष्यला डिउइ । जाम्लिङ्ला थारुप् तिवा सिकि मिन जाम्लिङ जोबु नेसुर मिजिकि थेप्ला टिबु मेत तिवा ति पालाङला थोङनि जिवा किउइ , चिला सिसिन ति जुजाङला नक हादा जुजाङला मेत ,हिन्सिनाङ हुङ छालु वे ।
9
दिकि ह्रिक्पा वतुप् सेम्ला कातोङगुइ । डुमा दिन गोति डुमा दिन गाङ्दक तिवा हिन तिकि खाला ति देतुप् वे ।
10
तिवा मेरा दिन ग्याल्बुतिवा हिन । मेरा ङा ग्याल्बु तिवाति नागाल्नि सिदुप् वे , हिन्सिनाङ मिराचिक् हादा साक लेबु मेत । तजोला ति गिउइ हिन्सिनाङ काङ तुज्ये क्याजिक ति लुक्यु ।
11
ति पालाङ जुजाङला नक , हिन्सिनाङ हादा जुजाङ्ला मेत ति दाक्पुराङ दाक्पुराङ ग्या ग्याल्बु हिन , ति मिरा दिन्गि नाङ्ला मिराचिक हिन ,हिन्सिनाङ ति ना डोइ वे ।
12
ख्यरेकि थोङ्गुप् डुमा दिन आर्क्यकति मिरा च्यु ग्याल्बु हिन , सिकिदि हादासाक ग्याल्खाप् ङेदु मेत , ति पालाङ तानि तिविकि च्यिक क्ष्युजि ग्यल्बितिराङ ओङ ङेक्यु ।
13
दिकिदि चिक्पाराङ सेम मेत ,दाक्पि ङारताङ ओङ्ज्येन ति पालाङला तेर्क्यु ।
14
तिविकि लुगिकि काला माक्मि किउइ । चिला सिसिन ख्य चावा तिविकि चावा ताङ ग्याल्बु तिविकि ग्याल्बु हिन्दुपकि किसाला लुगिकि तिवाला ग्याल्ग्यु । ख्यो तानि वतुप तिवाति काताङ्गुप , दाम्बुप् ताङ मोवा वतुप तिवा हिन ।
15
ति देवाच्येनकि थुकि ङाला सिक्यासुङ ,"छ्यि खाला देनि वतुप् ति श्याम्डेन्माला ख्यरे थोङ्गुप वे , ति क्ष्यु मितिवा , जोबु मितिवा , मिरिक ताङ ताम तिवा हिन ।"
16
ख्यरेकि थोङ्गुप् ति डुमा च्यु आर्क्यक ताङ ति पालाङकि ति श्याम्डेन्नमाला (घ्रिणा) किउइ । तोविकि तिला चिकराङ ताङ पेर्तुङ्बा जोनि सिन्दा किउइ , तिला तिविकि मे थनि तेरिक रेगुइ ।
17
चिला सिसिन कन्ज्यककि सुङ मोख्योल्बु साक सेवा चिकराङ च्युङनि खिरेकि दाक्पि ओङ्ज्येन ति पालाङ्ला ग्याल्वा किजितु ख्योकि तेन्दक क्येलुप सिनि कन्ज्यककि दिनक सेम लुङ् बिन्दुप् हिन ।
18
खिरेकि थोङ्गुप ति पुम पेजा जाम्लिङकि ग्याल्बु तिकि खाला ओङ किरुप गेल्मु हिन ।