लिउ १६
1
छ्यो खाङ् नेसुर लेपु हरु छार्बु ज्यिगि दुक्साबु ङे कि कोसुङ्, “ग्युक् गाल्निते कन्ज्क् कि ङेर्मिकि क्याङ्ङु दिन् चक् करा तिबा जाम्बुलिङ् खाला पुनिते तोङ्।
2
तङ्ङि दे;वाचेन्कि थु गाल्निते ति दाक्पि करा जाम्बुलोङ् ला पुसुङ्। ति पालाङ् जे हतुप् ताङ् तिला स्वाबुलुप तिबाला क्युक्टो लाङ्दे ताङ् जिबा लाङ्दे आला सुक् किरुप् ताङ् मा तिबा थेन्सुङ्।
3
ज्यार्मा ङिबा तिकि दाक्पि करा ति ग्याम्बुनाङ्ला पुसुङ्। तेमे ति सयाप् मि ठाक् दगेराङ् गाल्सुङ्, तेमे तिकि नाङ्कला हतुप् तेरिक् सेन्बु मिजि तिबा सिसुङ्।
4
तेमे ज्यामा सुम्बा दे;वाचेन्कि थू तिकि दाक्पि करा ज्युङ् ताङ् छ्यु क्याप् दासा तिबि खाका पुसुङ्, तेमे ति टाक्ला ग्युर्सुङ्।
5
छ्युकि देवाचेन् कि थु तिकि साबु ङेकि कोसुङ्, “ख्योरुङ् दिक्पा मेतुप् हये, हादा हतुप्, दाङ् साङ् हतुप, तेमे चेङ्ङे मि हिन्, चिला सिसिन दि तेरिक् ताम तिबाला ख्यरेकि टिम् क्याबुसुङ्।
6
चिला सिसिन तिबिकि रेत्पा किरुप् ताङ् लुङ्देन्बा तिबि टाक् ज्योङ् चिसुङ्, ख्यरेकि तिबाला टाक् थुङ्चिसुङ्, तिबाला दिनक् राङ् कि गोबु नक्।“
7
ल्हा तिकि ताम् लकु ङेकि कोसुङ्, “हिन्, तेरिक् सिना छ्ये कन्ज्यक्, ख्यरे ठीम् हुतुङ् कि ताङ् दिक्पा मेतुप् हये”।
8
ज्यार्लमा सिबा देवाचेन्कि थु तिकि दाक्पि करा ङिमि खाला पुसुङ्, तेमे तिला ति मि तिबाला मे थनिते रेसा सिनिते कुनक्।
9
तिबा आला छेदि टो कि छिक्सुङ् तेमे तिबिकि ति दिक्पि खाला ङार हतुप् कन्ज्यक्ला मोसुङ्। तिबिकि सेम् ग्युर्वा माक्या तेमे खोला मोवा माक्या।
10
ज्यार्मा ङाबा देवाचेन् कि थु कि दक्पि करा ति पालाङ्कि ग्याल्काप्ला पुसुङ्, तेमे तिकि ग्याल्काप् नाक्तिङ्ङि कि ग्याल्सुङ्। तिबाला आला सुक्यानिते तिबोकि दाक्पि च्यालाक् मुर्सुङ्।
11
तिबिकि दाक्पुला दुक्पा गाल्सिमा देःवाचेन्कि कन्ज्क्ला मोसुङ्, तेमे तारोङ्साङ् दाक्पि क्याबु यक् तिबा नेसुर सेम् ग्युर्वा किरुप्ला तिबा माङेन्।
12
ज्यार्मा टुक्पा देःवाचेन्कि थु तिकि दाक्पि करा तेरिक् सिना बोबु ज्युङ् युफ्रेटिस् ला पुसुङ्। स्यार नेसुर लेपु ग्याल्बु तिबाला सिनिते लाम जब्ला ति ज्युङ् कि छ्यु काम्सुङ्।
13
ङेकि रुल् गेर्पु, पालाङ् ताङ् जुनक्पा लुङ्देन्बा तिबि खेःनाङ्नेसुर बाल्बा दगे डुमा सुम् चेङ्ङे मेतुप् थु तिबा फिला थेदुप् ङेकि थोङ्सुङ्।
14
चिला सिसिन् डे तिबि थु तिबा नक् तिबिकि याम्छेन् लाङ्दे यक् तिबा छ्या देन्गिनक्। तिबा तेरिक् जाम्बुलिङ् कि ग्याल्बु चाला गाल्निते कन्ज्यक् कि ङिमा गेर्पुकि छे ल्हाप् सिनि तिबाला छ्याजिक् काताङ् नक्।
15
ल्होसा ङा कुन्ज्येन् दगेराङ् क्यानिते गिउ, ङि मालक्पा देतुप् थूच्ये, पेर्तुङ्बाराङ् फिला डो मोगोसित् सिनिनिते दाक्पि माज्या तिवा टेगे जप् तिबा, तिबिकि खप्रे ङछा लाङ्दे तुज्ये थोङ्मोगोसित्।“
16
तिबिकि तिबाला दासा च्यिक्लाराङ् खसुङ् तिला हिब्रु ताम्ला आर-मागेडोड् सिउ।
17
तेमे दिन्बा देःवाचेन् कि थू तिकि दाक्पि करा लुङ्ङि खाला पुसुङ्। त्यासुर ग्याल्बि ठि ताङ् छ्योखाङ् नेसुर दुक् सिरुप् ताम् छार्बु ज्यिक् लेसुङ्, “सुन्सुङ्”।
18
त्या चिलाम् तिबा क्यासुङ्, कारि ताङ् होरु छार्बु तिबा तानिते जिबालाङ्दे सइ गाल्सुङ् तिनक् बोवु ताङ् छार्बु सप तिबा जाम्बुलिङ्ला हादा साक् गालुप् म्यात्।
19
ति ग्यासा बोबु ति बो सुम्ला टाल्सुङ्, तेमे मिरिक् तिबि ग्यासा नालक् गाल्सुङ्। तेमे कन्ज्यक् कि ति तेरिक् सिना छ्ये बेबिलोन् ति सेम्ला स्यार्सुङ्, तेमे दाक्पि ङ्यार्मक कि क्याङ्बा करा ति ग्यासाला बिन्सुङ्।
20
रि तोवा तेरिक् तोर्निते गाल्सुङ्।
21
नाम् नेसुर बोम्बोबु सेरि तोबा मि तिबि खाला लुम्बु स्युसुङ्। सेरि कि सुक्कि किसाला तिबिकि कन्ज्यक्ला मता ताप्सुङ्, चिला सिसिन् ति आलाराङ् जिबा लाङ्दे नक्।