लिउ १५
1
तेमे ङेकि ज्यार्मा याम्छेन्कि ताङ् ङार हतुप् जे देवाचेन्ला थोङ्सुङ् मेरा दिन् देवाचेन्कि थू तिबिकि दिन्चक दिक्पा खुर्नि हतुप् नक्, ति दि तेर्सिना तुङ्ङि दुक्पा हिन्। चिला सिसिन् तिबि नाङ्ला कन्ज्याक् कि ङ्यार्मा कि क्याङ्नि ते नक्।
2
ङेकि मेतानिरे रेबा सिसा कि समुन्द्र दगेजिक् थोङ्सुङ्। ति ग्याम्बुकि चाला पालाङ्, तिकि कु तिवा ताङ् मिन तिबाला छ्यादेदिन्ताङ् ग्यालुप् तिबा लानिते नक्। क्न्ज्यक्कि बिदुप् विणा तिबिकि जिम्निते नक्।
3
तिबिकि कन्ज्यक् कि याक्पु मोशा ताङ् थूमाकि कला लु लाङ्ङिन् नक्, “हे तेर्सुना खामु कन्ज्याक्, ख्यरे यक् तिबाला आला ङार हये। हे मिरिक् तिवि ग्याल्बु, ख्यरे लाम् तिबा दिमु ताङ् हुतुङ् कि हये।
4
ख्यरे मिन्कि स्वा मुबुलुप् ति सु हच्यु र? ख्योरुङ् तानि जिबा मिकिबु ति सु हये? चिला सिसिन् ख्योरुङ् क्याजिक् चेङ्ङे हये। तेरिक् मिरिक् तिबा लेम्निते ख्यरे दङ्ला स्वा बुल्ग्यु चिला सिसिन् ख्यरे दिक्पा मेतुप् याक् तिबा थोङ्नि हये।
5
दि ताम् तिबि तिङ्ला ङेकि ल्हाबिन। देवाचेन् ला थोङ्ङुप् कि ताम् लपुप पामकि छ्योछक् लक्सुङ्।
6
टाज्योलि हतुप् सुतिकि म्ज्या ताङ् सेर्कि कारा छेक नानुस्याम्ला कोनिते मेरा दिन देवाचरनकि थु तिबा डुमा दिन दुक्पा तिबा खुर्निते तेरिक् सिना चेङ्ङे दासा नेसुर फिला लेसुङ्।
7
मिजि हतप् मेरा सु नेसुर दक्पु च्यिगि नाम्लाङ् मिसिबु कन्ज्याक् कि ङार कि क्याङ्नि हतुप् सेर्कि करा दिन्चक् ति देवाचेन्कि थु तिबाला बिन्सुङ्।
8
कन्ज्यक् कि स्वा ताङ् ङार कि क्याङ्निते छ्योखाङ् तेरिक् तुताक् कि क्याङ्निते नक्। दि देवाःचेन्कि थु तिबि दुक्पा मिसिन् साक् तिकि नाङ्ला सुङ् स्युक् माथूप्।