लिउ ८
1
ति छेमराङ् ति ग्याक्ला लोङ्राङ् मि तिवा बाङि जोम्सुङ्, तेमे तिवा तानि साप सामा काङ् मिदुक्। तेमे येसुकि राङि टावा तिवाला का ताङ्नि तिवाला सिक्यासुङ्,
2
"ङा दि मि बाङिला टि ड्वप् हिन्, चिला सिसिन् तिवा ङा तानि ङिमा सुम साक् देनि ते मे तिवा तानि साप् जा काङ्साङ् मेत्।
3
दिजो ङेकि तिवाला ल्हतुङ्बा ताङ्सिन् तिवा लाम्ला राङ् डिल् थुप्क्यु तिवि नाङ्ला लाला ति चो वाङि थारे नेवा वानि वे।"
4
खोकि टावा तिवि खोला खालेन् बिन्सुङ्, "दिनक् काङ् मेङेबु दासा दि मि तिवा डा ज्यितुप् श्यिवाङ् ओरुङ् केनि ङे थुप्कि?"
5
खोकि तिवाला टिसुङ्, "खिराङ् तानि डुमा चो सिवाङ् वे?" तिविकि सिक्यासुङ् "डुमा टुक्।"
6
खोकि मि बाङिला दे जितुप्ला का बिन्सुङ्। खोकि ति डुमा टुक् श्यिवाङ् लानि थुचिछे पुल्नि श्यिवाङ् च्याङ्नि मि तिवि गमा ज्याक सिनि खोकि राङि टावा तिवाला बिन्सुङ् तेमे टावा तिवि ति मि बाङि दङ्ला ज्याङ् बिन्सुङ्।
7
तिवा तानि चेजिक् टिक्पे टिक्पे ङासाङ् नक्। तिला थुचिछे पुल् सिन्सिमा खोकि तिलाङ् गोनि तेरुप्ला का बिन्सुङ्।
8
तिवा सोनि डासुङ् तेमे तिविकि लुबु छ्याक्पा श्यिवाङ् ताङ् ङ्या तिवा रुक्सिन् श्योम दिन् नक्।
9
ति ग्याक्ला तो मिन्सिन् तङ्डा ङा मि नक्। येसुकि तिवाला ताङ्सुङ्।
10
तेवा तिङ्ला श्यारि खो टावा तिवा ताङ् टु कि खाला ज्येसुङ् तेमे दलमनुथाकि शाखुङ्ला गाल्सुङ्।
11
तेमे फारिसि तिवा लेसुङ्, तेमे खो ताङ् खोताङ् ङा कितुप् ज्युसुङ्। तिविकि खोकि ख्वक्पा ल्हाप्ला खो ताङ् क्यानि ख्वक्पा ल्हाप्ला खोताङ् क्यानि तिविकि खो ताङ् क्यानि देवाचेन नेवा ता चिक लाङ्सुङ्।
12
खोकि थुकि नाङ्ला हुके क्यासुङ तेमे सिक्यासुङ्, "दि गिपाकि चिले ता छोल्गिबे? हुतुङ् सिसिन् ङा खिराङ्ला सिउइ, दि गिपाला चिन्दिङ् ता मेतेरुउइ।"
13
तेवा ति खोकि तिवाला ताङ्सुङ्, लोङ्राङ् टुकि खाला ज्येसुङ् तेमे क्षि फार्केन्ला गाल्सुङ्।
14
टावा तिवि तिवा तानि श्यिवाङ् खुङु टक ज्येनक्। तिवा तनि टुकि खाला चिक सिना आला सिवाङ् मिदुक्।
15
खोकि तिवाला दुक सिक्यानि ज्यिवा कुसुङ्, "फरिसितिवा तेमे हेरोदकि फाप मालुगु तेमे फाप मालुगु श्यवाङ् तेवा च्याङ्स देत् तेमे च्याङ्बु क्यानि देत्।"
16
टावा तिवि मिरा चिक ङिकि पार्ला ताम सिटि क्यासुङ्, "दाक्पु तानि श्यिवाङ् मेतुप् तिकि किसा खोकि दुक सिइ किउइ।"
17
येसुकि दि ताम तिवा छ्या ङेनि तिवाला सिक्यासुङ्, "खिरेकि श्यिवाङ् माख्वबु ताम्ला चिला ताम सिटि कि? काङ् तारुङ् खिराङ् सेम्ला नासाम मोतोङुउइ? काङ् खिराङ् दि ताम हाक् मोकोउइ? खिरेकि दिनक् ताम् हाक् मोकोबु गाल्नि वे?
18
खिराङ् तानि मिक् वे, काङ् खिरेकि मोथोङ्नक् खिराङ् तानि नाम्ज्यक वे काङ् खिरेकि मोतोङ्नक्? काङ् खिरेकि नासाम् मोतोङुउइ?
19
ङेकि तङ्डा ङा कि पार्ला चिक् श्यिवाङ् च्यक्सिन् श्योम् चो श्यिवाङ् छाकुप् तिवा रुबु हिन्?" तिविकि खोला सिक्यासुङ्, "च्याप्ङि।"
20
"ति तुज्येला ङेकि तङ्डा श्यिकि पार्ला डुमा दिन् श्यिवाङ् च्यक्सिन् खिरेकि खिरेकि श्योम चो रुबु?" तिविकि खोला सिक्यासुङ्, "श्योम दिन्।"
21
खोकि सिक्यासुङ्, "काङ् खिराङ् तारुङ् हाक् मोकोउइ?"
22
खो तिवा बेथसेदाला लेम्नि ख्योल्सुङ्। ति ग्याक्ला मि तिवि मिक मोथोङु मिचिक खोकि नाला टिनि लेसुङ् तेमे तिला रेङ् नाङ् सिनि गङ्बा श्युसुङ्।
23
येसुकि ति मिक् मोथोङु मिला लाक्पाला जिम्नि युकि फिला टिनि गाल्सुङ्। तजोला येसुकि तिकि मिक्ला छ्युम्दुर् ग्याम्नि तिकि खाला दाक्पि लाक्पा ज्याङ्नि खोकि तिला टिसुङ्, "काङ् ख्यरेकि काङ् काङ् तिवा थोङ्सुङ्?"
24
तिकि ल्हानि सिक्यासुङ्, "ङा मि तिवाला दोङ् युबु दगेराङ् युबु थोङिनक्।"
25
खोकि लोङ्या दाक्पि लाक्पा ति मिकि मिगि खाला ज्याक्सिमा ति मिकि दाक्पि मिक् पेसुङ् तेमे तिकि थोङु ज्यसिमा तिकि तेरिक ताम तिवा ल्यामु क्यानि थोङु ज्युसुङ्।
26
येसुकि तिला तिकि खाङ्बा ताङ्नि सिक्यासुङ्, "ति ग्यासाला माश्युक्।"
27
येसु दाक्पि लोप्टा तिवा तानि कैसरिया फिलिप्पिकि युल तिवा नेवा गाल्सुङ्। लाम्ला खोकि दाक्पि लोप्टा तिवाला टिसुङ्, "मि तिवि ङा सु हिन् सिनि सिउइ?"
28
तिविकि खोला खालेन क्यानि सिक्यासुङ्, "बप्तिस्मा तेरुप् युहन्ना । लाला तिवि 'एलिया सिनक् लाला तिवि लुङ्तेम्बा तिवि नाङ् मिराचिक् हिन्' सिनि सिनक्।"
29
खोकि तिवाला टिसुङ्, "खिराङ्दि ङा सु हिन् सिनि सिउइ?" पत्रुसकि खोला सिक्यासुङ्, "खो ख्रिष्ट हिन्"
30
येसुकि खोकि कला सुलाङ् मासिसा सिनि तिवाला च्याङ्से बिन्सुङ् ।
31
मि पुज्युङ्कि लेम्ग्याराङ् दुक्पा खुर गोक्यु, दिक्पा मेतुप् लोबेन् तिवा क्ष्योने गेर्पु तिवा ताङ् लोमा तिवा नेसुर ङ्याप्चये च्युङुउइ, सेक्यु तेमे लोङ्या ङिमा सुम्गे छेमु श्येप् नेसुर् सेन्बु लाङु सिनि खोकि तिवाला लापोप् ज्युसुङ् ।
32
खोकि दि ताम हाक् कोदु क्यानि सिक्यासुङ्। तजोला पत्रुसकि खोला छ्यज्यिक्ला टिनि गाल्नि खोला कारे किरु ज्युसुङ्।
33
तेमे येशु दाक्पि लोप्टा तिवि क्ष्यला ग्युर्नि पत्रुसला कारे क्यानि सिक्यासुङ्, "ङे चाने तिङ्ला ग्युर दुक्टे! ख्यरेकि कन्ज्यककि ताम्ला सेम मिकिउइ, ख्यरेकि मिकि ताम तिवाला सेम् किउइ।"
34
तितिङ्ला येसुकि छबु मि तिवा ताङ् दाक्पि लोप्टा तिवाला दाक्पि चाला का ताङ्नि तिवाला सिक्यासुङ्, "हुतुङ् सिकि ङाला तिङ् ङ्योगु सेम किउइ सिसिन् तिकि दाक्पुलाराङ् मिन् सि गोक्यु, तिकि दाक्पि ग्याङ्सिन् खुर्नि ङाला तिङ् ङ्याग् गोक्यु।
35
चिला सिसिन् सिकि दाक्पि मिजि थार्जितुप् छोल्ग्यु तिकि ति थार्जिमुथुउइ, तिकि दाक्पु ताङ् लेन ल्यामुला सिनि दाक्पि मिजि तोङुउइ, तिकि दिला थार् जिक्यु।
36
मिकि तेरिक लुङ्बा दाक्पि लाक्ला लानि सदाङ् दाक्पि मिजि ताङ्नक् क्यासिन् तिला काङ् ल्यामु च्युङु ?
37
मिकि दाक्पि मिजिकि दासाला ज्येन काङ् तेर्थुप्क्युउइ?
38
दि श्याम्देन् किरुप् ताङ् दिक्पा वतुप् गिपाला सु ङे सुङ्तानि ङच्छा किउइ, मि पुज्युङ् तिङ् थु चेङि तिवा तानि खोकि सँवाला हुङ्सिन् ति तानि ङच्छा किउइ।"