लिउ ७
1
यरयशलेम नेसुर् ह्वबु फरिसि तिवा ताङ् लालि क्ष्योने गेर्पु तिवा खोकि चाला जोम्सुङ्।
2
तिवि खोकि टावा तिवि लाक्पा माटुबा सोबु दि थोङ्सुङ्।
3
फरिसि ताङ् तेरिक् राङि लाक्पा लेमु क्यानि माटुबु साक् काङ्जिगाङ् मासाउइ राङि पा गावा तिवि किदाङ् तिङ् ङ्यागु।
4
फरिसि तिवा छबुप् दासा नेसुर् ह्वासिमा ओङ्बु माटुबा काङ्जिगाङ् मासाउइ ङेक्यक् टुतुप् तिवा देनि साप दासा तिवा टुतुप् ठिम तिवा तारुङ् कास्से क्यानि किउइ।
5
फरिसि ताङ् क्ष्योने गेर्पु तिवि येसुला टिसुङ् खोकि टावा तिवा चिले पागावा तिवि किदाङ्ला मोडोबु हिन् चिले सिसिन् तिविकि लाक्पा माटुवा सोसुङ्।
6
हिन्सिनाङ् खोकि तिवाला सिक्यासुङ् यशैयाकि खिराङ् ख्वनाक्पा तिवाला लेमु राङ् लुङ्देन् क्यानि टिनक् दि मि तिवि राङि खोकि क्याजिक् ङाला ताङ्देन् किउइ दिवि सेम ति ङा सिना थारे वे।
7
तिवा तुक्राङ् ङे सँवा बुल्ग्यु किदाङ् दगे क्यानि मि तिवा ठिम लाप्क्यु।
8
खिराङ् कन्ज्यककि का मेङेन।दु तेमे मि तिवि किदाङ् तिङ् ङ्यागु।
9
तेमे खोकि तिवाला सिक्यासुङ खिराङ् राङि किदाङ् किरुप्ला कन्ज्यककि का मेङेन्दु।
10
चिला सिसिन् मोसा कि सिक्यासुङ् राङि पापा ताङ् मामिकि ताङ्देन् कि तेमे सिकि रााङि पापा ताङ् मामि कला मेलेवा ताम कि ति दि श्यिराङ् गोक्यु।
11
हिन्सिनाङ खिराङ् सिउइ मिज्यिकि राङि पापा मामाला सिउ चो किटो किरुप् ङे तेवा ङे गपा वे तिदि कन्ज्यकला वुलुवा हिन्।
12
तुक किसा खिराङ् तिला राङि पापा मामा ला कङ्ज्यिगाङ् कि मोगोउइ सिनि सिउइ।
13
दुक क्यानि खिरेकि किइ हबु राङि किदाङ्कि कन्ज्यककि सुङ्लाङ् मेलेवा क्यानि वे तमे तिनक् लाका तिवा कास्ये क्यानि किउइ।
14
खोकि मि छबु तिवाला लोङ्राङ् का ताङ्नि सिक्यासुङ् खिराङ् तेरिक् कि ङेनि हाक् कोदा।
15
फिने मि नाङ्ला श्युनि तिला मेचेङि ज्वप् तिला काङ्जिगाङ् मेत्। मि नेसुर् फिला थेन्दुप् ताम किराङ् तिला मेचेङि किउइ।
16
सिति नाम्ज्यक वे तिकि ङेन्सित्।
17
येसुकि छबु मि तिवाला ताङ्नि खाङ्बि नाङ्ला श्युसुङ् खोकि टावा तिवि ति पे ति काङ् हिन् सिनि टिसुङ्।
18
येसुकि सिक्यासुङ् काङ् तारुङ् खिराङ् ताम हाक मोकोवु काङ् खिराङ्ला छ्या मेत् मि फिनेसुर् श्युबु तामकि मिला मेचेङि मोजोउइ सिनि।
19
चिला सिसिन् दि तिकि सेम्ला डोमुथुबु ति दि तिकि ख्वक्ला डि तिदि थेनि छ्याङ्खाङ्ला डिउइ। तिदि दि ताम क्यानि येसुकि तेरिक सामाला चेङि जोसुङ्।
20
खोकि सिक्यासुङ् मि नाङ्ने चिनक् ताम थेन्ग्यि तिकि राङ् मेचेङि जेउइ।
21
चिला सिसिन् मि सेम्गि नाङ्नेसुर् राङ् मेलेवा ताम तिवा यौन अनैतिक तिवा कुन किरुप् मि सेतुप्
22
ब्याबिचार लोभ धोका इर्श्या निन्दा थेन्ग्यु
23
दि तेरिक् मेलेवा ताम तिवा मि सेम्नेसुर् राङ् थेन्ग्यु दिगिराङ् मिला मेचेङि जेसइ।
24
खो तेसुर् लासुङ तेमे टुरोस ताङ् सिदोनकि दासाला गाल्सुङ्। खो चिक्राङ् खाङ्बिनाङ्ला श्युसुङ् खोति त्ये सिनि सिकिसाङ् मोथोङ्सित् सिनि देसुङ् हिन्सिनाङ् खो हिप माथुप्।
25
मेराचिक् हामा पुम खोकि ताम थुनि खोकि चाला वानि खोकि काङ्बि चाला खाउतङ्मा देसुङ्। तिकि पुम तिला थु मेचेङिकि जिम्नक्।
26
तदि सिरियाकि फोनोसियाला केबु ग्रिक् हामा इुम जिक् नक् तिकि राङि पुम तिकि नाङ्ने डे थेनि नाङ् सिनि श्यवा पुल्सुङ् ।
27
खोकि तिला सिक्यासुङ् पुज्युङ् पुम्ला साप् सामा बिन् चिला सिसिन् पुज्युङ् पुमि श्यिवाङ् किला खुर्ने तेरुप् लेमु मिन्।
28
हिन्सिनाङ तिकि खोला सिक्यासुङ् हिन् चावा कि तिविकिसाङ् च्यक्चे वाक्पा ल्हुम्बु पेजा तिवि श्यिवाङ् सेउइ।
29
खोकिो तिला सिक्यासुङ् ख्यरेकि दुक सिक्यासुङ् ता ख्योरुङ् खाङ्बा ग्युक् । ख्यरे पुमि जुबु ने डे थेनि गाल्सुङ्।
30
ति राङि खाङ्बा ग्युर्नि गाल्सुङ तेमे राङि पुम ङि गालु दासाला थोङ्सुङ् तिकि जुबु नेसुर् डे थेनि गाल्नक्।
31
खो लोङ्राङ् टुरोसकि दासा ने थेनि सिदोन् नेवा क्यानि ढेका पोलिस दासाकि गालिल ग्याम्छोाल गाल्सुङ्।
32
मि तिवि ङेन मुथुबा ताङ ताम कि मुथुबु मेरा चिक मिला टिनि वानि तिकि गोला लाक्पा ज्याङ्नि नाङ् सिनि श्युवा पुल्सुङ्।
33
खोकि तिला मि छोक्पा नेसुर् साङ् सुङ मेतुप् दासाला टिनि गाल्सुङ् तेमे तिकि नाम्ज्यक्ला थेप्तक सुर्सुङ् त्येबा छ्युम्दुर् ग्याम्नि तिकि च्यालाक् रेक्सुङ्।
34
तेमे खोकि देवा चेन्ला ल्हानि सुकु क्यानि तिला सिक्यासुङ् "इफाजत" सिक्याबु ति पेसित् सिक्याबु हिन्।
35
तेमे श्यारि तिकि नाम्ज्यक कोतुप् गाल्सुङ् थोङ्गुप् गाल्सुङ् तिकि ताम कि थुबु च्युङ्सुङ्।
36
खोकि सुला साङ् काङ जिगाङ् मासिसा सिनि का बिन्सुङ् । हिन्सिनाङ खोकि चो मासि सिनि का बिन्सुङ तजोराङ् आला मि तिवाला सिक्यासुङ्।
37
मि तिवि आला याम्छेन् क्यानि सिक्यासुङ् तेरिक् लाका लेमु क्यासुङ् खोकि मोथोप् तिवाला थोबु जोसिुङ् ताम कि मु थुबु तिवाला ताम कि तुबु जोसुङ्।