लिउ ४
1
खोकि लोङ्या ग्याम्छोकि चाला लोपु ज्युसुङ। तेमे आला मि खोकि चाला जोम्सुङ। तिकि किसाला खो ग्याम्छोला वतुप टु कि खाला जेनि देसुङ। तेरिक जोम्बु मि तिवा ग्याम्छोकि नामुला नक्।
2
खोकि तिवाला आला ताम पेला लाप्सुङ, लोपिन्दाङ कोकि तिवाला सिक्यासुङ,
3
"ङेन्दा, सेन थोरुप् तिवा सेन थोरुप् सिनि फिला थेन्सुङ ।
4
तिकि सेन् थोर्सिन् लाला सेन् तिवा लाम्ला श्योर्सुङ तेमे ति सेन तिवा च्याज्युङ्मा लेम्नि थु सोसुङ्।
5
ज्येन सेन तिवा तिजो आला थाला मेतुप् दोप्रुक श्यिङ्ला श्योर्सुङ। तिवा श्यारि केसुङ, चिला सिसिन् त्ये थाला तिङ्मु मिदुक् नक्।
6
ङिमा श्यार्सिमा तिवा श्यारि पारे ग्याप्सुङ, तेमे तिवि मारि तिङ्मु मेतुप् कि किसाला तिवा हो श्यिसुङ।
7
ज्येन सेन तिवा चााङि नाङ्ला श्योर्सुङ। चाङि दोङ्बु तिवा छार्सिमा तिवा ऊ किम्नि तिविकि चिन्दिङ डेल्वा मागार्।
8
ज्येन सेन तिवा लेमु साश्यिला श्योर्सुङ, दि छारिन् वसिन् टेल्वाङ गार्सु, लालाकि दुम्बा ख्याल्जिक् ताङ च्यु, लालाकि दुम्बा खाल्सुङ, लालाकि दुम्बा ग्याचिक् सिना ल्हाक्पा डेलु गार्सुङ्।"
9
तेमे खोकि सिक्यासुङ,"सिकि दि ङेन्दुप् नाम्ज्यक वे तिकि ङेन्सित्।"
10
येसु चिक्राङ वसिन् खोकि चाकि मि तिवा ताङ मेरा च्युप्ङि लोप्टा तिविकि ति पेकि कला खो तानि टिसुङ्।
11
खोकि तिवाला सिक्यासुङ, खिराङ्ला कन्ज्यककि ग्याल्खापकि छ्या मेतुप्कि ताम बिन्दुप् वे। हिन्सिनाङ फिकि तिवाला तेरिक ताम पेतिवाला बिन्दुप् वे।
12
तिकि किसाला, तजोला तिविकि ल्हेउइ, हिन, तिविकि ल्हेउइ, हिन्सिनाङ मोथोङुइ, तिविकि कोक्यु, हिन्सिनाङ छ्या मेङेउइ, मिन्सिया तिवा ग्ययुर्क्यु तेमे कन्ज्यककि तिवाला ताङतोङ किउइ'।"
13
तेमे खोकि तिवाला सिक्यासुङ,"काङ खिरेकि दि पे हाक मोकिउइ?"
14
सेन थोरुप्कि सुङ तोर्क्यु।
15
सुङ थोर्सिन् लाम तिवाला श्योरुप् काङ सेन तिवा दिराङ हिन् । तजोला तिविकि सुङ ङेन्ग्यु, श्यारि डे गिउइ तेमे तिवाला थोरुप् सुङ ठनि खुन डिउइ।
16
दोप्रुक साश्यिला श्योरुप् लाला सेन तिवा दिराङ हिन्, तजोला तिविकि सुङ ङेन्ग्यु, तिविकि दिला श्यारि सेम येङि किइ सेम्ला लाङु।
17
तिविकिदि चिन्दिङ मारि मेङुइ, तिकि किसाला उकुर्जिक् क्याजिक् थार्क्यु। सुङकि किसाला दुक्पा तुज्ये ताङ दुक्पा लाका हुङ्सिन् तिवाला खेप्तङ्मा नार्तुक ग्यागु।
18
ज्येन तिवा ति दि हिन, चाङि जोल्मु तिवि पार्ला श्योरु वे । तिविकि सुङ ङेन्ग्यु,
19
जाम्बुलिङ्कि जिबा, गिज्याला जुनाक ज्वप, ज्येन् ताम तिवि हाम्बाला श्युग्यु तिकि सुङ्ला उ क्यिम्ग्यु तिकि किसाला लेमु डेलु गारुप् दगे लेमु मेङुउइ।
20
लेमु साश्यिला थोरुप् सेन तिवा तिराङ हिन्। तिविकि सुङ् ङेन्ग्यु, ति सुङ सेम्ला लानि लालाकि खाल्जिक् ताङ च्यु डेल्वा गोर्क्यु लालाकि खालसुङ ताङ लालाकि ग्याचिक् डेल्वा गोर्क्यु।"
21
येसुकि तिवाला सिक्यासुङ,"खाङ खिराङ कोपिला पातिकि मिन्सिन् ठिकि हक्ला ज्यकुप् सिनि खाङ्बि नाङ्ला खुन गिउइ? खिरेकि दिला खनि कोपि ज्यक्सा खाला ज्यगु।
22
चिला सिसिन छ्या मेदेनु सिनि चिन्दिङ ताम बाबु मेत्, तेरिककि हाक मोकोबु सिनि चिन्दिङ् बाबु ताम मेत्,।
23
हुतुङ सिदि कोदु नाम्ज्यक वे तिकि कोसित्।"
24
खोकि तिवाला सिक्यासुङ,"खिरेकि काङ कोक्यु, ति ताम्ला सेम तोङ, चिला सिसिन चुक क्यानि खिरेकि ताप्क्यु, तुक क्यानि राङ खिराङ्लाङ ताप्क्यु तेमे दि खिराङ्ला ल्हाक्पा तेर्क्यु।
25
चिला सिसिन सु तानि वे, तिला हारुङ आला तेर्क्यु, सु तानि मेत्, ति तानि वतुप् तिङ ठगु ।"
26
येसुकि सिक्यासुङ्,"कन्ज्यककि ग्याल्खाप श्यिङ्ला सेन थोरुप् मि दगे हिन्।
27
ति नुप्ला ङ्याल्ग्यु तेमे नाम लासिमा लाङुउइ, तेमे च्युक क्यानि च्युङ्सुङ सिनि तिकि छ्या माङेबा सेन केनि छार्क्यु।
28
साश्यि दाक्पिराङ डु गार्क्युः तङ्ला काङ केक्यु, तितिङ्ला छार्नि डु गार्नि छोक्यु।
29
तजोला डु छोक्यु, श्यारि तिकि ति डुला सोरि थनि टेगु, चिला सिसिन टेकुप् तुज्ये लेबु वे ।"
30
खोकि सिक्यासुङ,"अरेकि कन्ज्यककि ग्याल्खाप्ला काङ तानि गोरुप्ला चिन्दिङ पे थ तोङ थुक्यु?
31
दि छेर्मि सेन दगे हिन्। दिला थोर्सिन् जाम्बुलिङ्कि तेरिक सेन तिवा सिना टिक्पे गिउइ।
32
हिन्सिनाङ दिला थोर्सिमा दि छार्क्यु तेमे मेदक श्यिङ् नाङ्ला ति तेरिक दोङ्बु सिना गेर्पु च्युङु। दिला गर्पु याल्खा तिवा छार्क्यु, चिला सिसिन नाम्ला फिरुप् च्याज्युम तिवि तिकि श्याप्ला छाङ जोथुसित् ।
33
दिनक् आला पे निसुर तिविकि हाक् कोदु साक खोकि तिवाला सुङ श्येसुङ्।
34
तेमे खोकि पे मेता काङ ताम सिमाक्या। खो सुङ मेतुप्ला वसिन् खोकि दाक्पि लोप्टा तिवाला तेरिक ताम ल्यामु क्यानि सिक्यासुङ।
35
ति ङिमाला नाम रोसुङ, खोकि तिवाला सिक्यासुङ,"आलकि फार्केन्ला ग्युक ।"
36
तिकि किसाला, तिविकि येसुला दाक्पपु तानि राङ टिनि ति जोम्बु मि तिवाला ताङ्नि ज्याङ गाल्सुङ, चिला सिसिन् खो तङ्ला राङ टुला वतुप् नक् । खोतानि ज्येन टु तिवा छ्याजिक् वतुप् नक्।
37
त्ये गेर्पु हुर्तुक लेसुङ, छ्यु तिवा टुला श्युगु ज्युसुङ, तेमे छ्यिकि टु केङु छाल्सुङ।
38
तजोला येसुति टुकि तिङि छ्याला ङाटिक् ग्याम्नि ङ्याल्नि वतुप् नक्। तिविकिक सिक्यासुङ,"लोबेन्, ङेराङ श्येप् छोल्सिनाङ खोला काङ नासाम् मेत् ?"
39
तेमे खो ङिछेनि हुर्तुक्ला कारे क्यानि ग्याम्छोला सिक्यासुङ,"कुसिबि दे तेमे खेनि दे।" तेमे हुर्तुक हुङु ताङ्सिमा त्ये सेङे च्युङ्सुङ्।
40
खोकि तिवाला सिक्यासुङ,"खिराङ चिला जिवा क्याबुजिक्? काङ खिराङ्ला हारुङ रेत्पा मेत्?"
41
तिवा आला जोवा क्यानि मिराचिगि राङ्साला सिक्यासुङ,"दि सु हिन्, चिला सिसिन ग्याम्छो ताङ हुर्तुककि साङ दिकि सिक्याबु ताम ङेन्ग्यिनक्?"