लिउ ३
1
खो लोङ्या जोम्खाङ् नाङ्ला गाल्सुङ, त्ये रुक्ला मिराचिक् लाक्पा काम्बा मिचिक् नक्।
2
खोकि तिला ङा स्वप् ङिमाला टेग् जिकिदे सिनि लाला मि तिवि खोला यिम्नि ल्हासुङ् तुक क्यानक् क्यासिन्दि खोला क्यान जु थुसित् सिनि।
3
येसुकि लाक्पा काम्बु मिला सिक्यासुङ,"दे मि तेरिक् कि चाला ख्वक् ल।"
4
तजोला खोकि मि तिवाला सिक्यासुङ,"ङा स्वप् ङिमाला लेमु किरुप् ताङ मेलेवा किरुप्तला चिन्दि लेमु च्युङि; मिजि थार्जितुप् ताङ मिजि सेतुप्ला चिन्दि लेमु गिउइ?" तिवा खाराक्पा देसुङ।
5
तिविकि सेम् क्योङ्बु कि किसाला दुक्पा किइ खोकि ङिङ्मार क्यानि फारछुर् तिवि छ्यला ल्हासुङ, खोकि मि तिवाला सिक्यासुङ,"ख्यरे लाक्पा दोप्." तिकि लाक्पा दाप्सुङ तेमे येसुकि तिकि लाक्प्पा तङि दगेराङ जोबिन्सुङ।
6
फरिसि तिवा श्यारि गाल्सुङ तेमे तिविकि खोला सेतुप् सिनि खोकि खाला टो क्यासुङ।
7
तजोला येसु खोकि लोप्टा तिवा तानि ग्याम्छो छ्यनेवा गाल्सुङ, तजोला तिविकि खोकि किइ वतुप् तेरिक ताम ङेन्सिमा गालिल, यहुदिया,
8
यरुशलेम, इदुमिआ, यर्दन फार्केन, टुरोस ताङ सिदोन् ठाटु नेसुर् लेबु मि तिवि गेर्पु जोल्मु तिङ ङ्यानि खोकि चाला लेसुङ्।
9
मि छक्पाकि किसाला खोकि दाक्पि लोप्टा तिवाला दो टेगे जोचिसुङ, चिला सिसिन तिविकि खोला मेलेप्सित्।
10
चिला सिसिन खोकि तिवाला टेक चितुप् नक्। तिकि किसाला दुक्पाला श्योरुप् तिवा खोला रेकुप्ला गा किइ खोकि चाला लेसुङ्।
11
तजोला थु मेचेङि तिवि खोला थोङ्गुप् नक् खोकि दङ्ला डिल्नि कारे किनक्, तेमे तिविकि सिरुप् नक्,"खो कन्ज्यककि पुज्युङ हिन्।"
12
खोला ङो श्ये मिजिसित् सिनि खोकि तिवाला क्योङ्बु का बिन्सुङ।
13
खो गाङि खाला गाल्सुङ, खोकि नावा क्याबु तिवाला का ताङ्सुङ तेमे तिवा खोकि चाला लेसुङ।
14
खोकि मेरा च्युप्ङला का ताङ्सुङ, तिकि मिन ति खोकि प्रेरित् ज्यागु नक् चिला सिसिन तिवा खो तानि देसित् तेमे तिवाला लेन श्येतुप् डो थुसित्,
15
तेमे र्हेन्डि तिवाला देन्तुप् का वसित् ।
16
तेमे खोकि दि च्युप्ङिला का ताङ्सुङः सिमोन, तिलाति खोकि पत्रुस मि ज्याकुप् नक;
17
जब्दियाकि पुज्युङ याकुब् ताङ याकुबकि नुक् युहन्ना तिवाला ति खोकि बोअनग्रेसश मिन्सिन गर्जनकिपुज्युङ तिवा सिनि मिन बिन्सुङ,
18
तेमे अन्द्रियास, फिलिप्, बार्थोलोमाइ, मत्ति, थोमा, अल्फयसकि पुज्युङ याकुब, थोदियस, सिमोन कनानि,
19
तेमे यहुदा स्करियोत, तिकि ति खोला जुनाक ज्वप् नक्।
20
तजोला खो खाङ्बा गाल्सुङ्, तेमे लोङ्या मि आला जोम्सुङ। तिकि किसाला, खोकि सामा साप् माङे।
21
तजोला खोकि मिछाङकि दि ताम कोसुङ, तिवा खोला जिम्गाल, चिला सिसिन तिविकि सिक्यासुङ,"खोकि लाता ना गालु वे।"
22
यरुशलेम नेसुर् लेबु क्ष्योने तिवि सिक्यासुङ,"तिला ह्रेन्डि रेगु वे"तिकि किसाला " तिकि ह्रेन्डि तिविकि का नेसुर् ह्रेन्डि तिवा देन्ग्यु।"
23
येसुकि तिवाला दाक्पि चाला काताङ्नि तिवाला पे नेसुर् सिक्यासुङ्,"ह्रेन्डला च्युक क्यानि देन् थुक्यु?"
24
हुतुङ ग्यालखाप दाक्पुराङ टाल्ग्यु सिसिन ति ग्याल्खाप ल्हाक्पा लु मुथुउइ।
25
हुतुङ खाङ्बा दाक्पुराङ टाल्सिन ति खाङ्बा ल्हाक्पा लु मुथुउइ।
26
हुतुङ् ह्रेन्डि दाक्पु राङ टाल्सिया दाक्पि पार्ला ति लो आला लु मुथुउइ, हिन्सिनाङ तिकि तिङि ङिमा लेबु वे ।
27
सिकिङ तङ्ला खाङ्बि राम्बु मिला माटाबा तिकि खङ्बाला श्युनि गिज्या कुन कि मुथुउइ।
28
ङा खिराङ्ला हिन्दुप् ताम किउइ, मित तिविकि दिक्पा तिवा तेरिक् तोङ्वा क्यानि तेर्क्य, तिविकि कन्ज्यकला मता तापु तिवा तेरिक तोङङवा किउइ,
29
हिन्सिनाङ थु चेङिकि खाला कन्ज्यकला तापु मता ति नाम्लाङ तोङ्वा मिकिउइ, तिदि नाम्लाङ मिसिन्बु दिक्पाकि क्यान च्युङुउइ्
30
येसुकि दुक सिक्यासुङ,चिला सिसिन तिविकि दुक सिइ वतुप् नक्,"ति तानि मेचिङि थु वे ।"
31
खोकि मामा ताङ खोकि नुक् तिवा लेम्नि फिला टाङि लानि खोला कातोङ् ताङ्सुङ्।
32
मि जोल्मु चिक खोकि चाला देसुङ्, तिविकि खोला सिक्यासुङ्,"खोकि मामा ताङ् नुक तिवा फिला वे, तेमे तिविकि खोला छोलिन् वे।"
33
खोकि तिवाला खालेन क्यासुङ,"ङे मामा ताङ नुक् तिवा सु हिन् ?"
34
खोकि चाला फारछुर् ठाटुला वतुप् तिवाला ल्हानि खोकि सिक्यासुङ,"ल्होसा, ङे मामा ताङ ङे नुक तिवा दे वे।"
35
सिकि कन्ज्यककि खाला ङेन्ग्यु, तिवाराङ ङे नुक तिवा ताङ मामा तिवा हिन् ।"