लिउ २
1
काङ ङिमि तिङ्ला येसु कर्फनहुमला ग्युर्नि लेसुङ, खो खाङ्बाला वे सिरुप् कोसुङ।
2
ति खाङ्बि गोला केनिङ देसा दासा मेङु क्यानि आला मि जोम्सिमा येसुकि तिवाला सुङ श्येसुङ।
3
जुबु तेरिक् श्यिक् श्यिक् कि मुथुबु चिक् मि खुरुप् मेरा श्यि मि तिवा खोकि चाला लेसुङ्।
4
मि आला जोम्बुकि किसाला तिवा खोकि चाला डो माथु। तिविकि खोकि ठने थाका नाम्ला वतुप् थक राम्नि मिरुङ जोसुङ तेमे ति मिरुङ नेसुर ति जुबु श्यिक श्यिक कि मुथुबु ङ्यालुप् मिला दासा तानि राङ मालिम्ला पाप्सुङ।
5
तिविकि मोवा थोङ्नि येसुकि जुबु श्यिक श्यिक कि मुथुबु मिला सिक्यासुङ,"पुज्युङ, ख्यरे दिक्पा तिवा ताङ बिन्दुप् वे।"
6
त्ये वतुप् काङ क्ष्योने तिवि नाङ्ने तिवि सेम्ला श्या ग्याप्सुङ।
7
"दि मिकि च्युक् क्यानि दिनक् ताम कि थुक्यु? दिकि कन्ज्यकला मोसुङ! कन्ज्यककि सिना ज्येन् सिकि दिक्पा ताङ्देन् कि थुक्यु?"
8
तिविकि काङ नासाम तोङिन् वे सिरुप्ति येसुकि दाक्पि थुला श्यारि छ्या ङेसुङ। खोकि तिवाला सिक्यासुङ,
9
"जुबु तेरिक् श्यिक् श्यिक् कि मुथुमु मिला काङ सिरु जोल्मु गिउ,'ख्यरे दिक्पा तिवा ताङ बिदिन् सिरुप्ना लानि दाक्पि दासा लाङ्नि ग्युक सिरुप्?"
10
जाम्बुलिङ्ला मि पुज्युङ् तानि दिक्पा ताङ तेरुप् ओङ वे सिनि खिरेकि क्ष्या ङेता।" खोकि जुबु श्यिक श्यिक कि मुथुबु मिला सिक्यासुङ,
11
"ङा ख्योरुङ्ला सिउइ, लानि ते दाक्पि दासा खुर्नि ख्यरे खङ्बा ग्युक्।"
12
ति मि श्यारि लानि दाक्पि दासा खुर्नि तेरिक् मि तिवि पार्ने खाङ्बा गाल्सुङ। तिकि किसाला तिवाला याम्छेन लासुङ,कन्ज्यकला सवाँ ताप्सुङ तेमे तिविकि सिक्यासुङ,"ङेरेकि दिनक् नाम्लाङ माथोङ।"
13
लोङ खो आलकि चानेसुर् गाल्सुङ, तेरिक जो्बा मि तिवा खोकि चाला लेसुङ तेमे खोकि तिवाला लाप्सुङ।
14
खो डोइ वसिन् खोकि अल्फयसकि पुज्युङ लेबि ति शे लोङ्गुप् दासाला देनि वतुप् थोङ्सु खोकि तिला सिक्यासुङ,"ङे तिङ्ला तिङ ङ्य सिनि सिक्यासुङ्।" ति लानि खोला तिङ् ङ्यासुङ।
15
येसु लेबि खाङ्बाला सामा साइ नक्, आला दिक्पा वतुप् तिवा, शे लोङु तिविकि येसु ताङ तिवि लोप्टुक तिवा तानि सामा साइ नक्, चिला सिसिन त्ये मि आला नक् तिविकि खोला तिङ ङ्याबु नक्।
16
क्ष्योने तिवा ति फरिसितिवा नक्, तिविकि येसु, दिक्पा वतुप् तिवा, शे लोङ्गुप् तिवा तानि सामा साइ वतुप् थोङ्सुङ, तिविकि खोकि लोप्टुक तिवाला सिक्यासुङ "खोकि चिला दुक्पा वतुप् ताङ शे लोङ्गुप् तिवा तानि साइ वे?"
17
येसुकि दिनक कोसिमा खोकि तिवाला सिक्यासुङ,"सु मि जुवुला राम्बु वे, तिला मेन मोगोउइ; नाबु मिला क्याजिक मेन गोक्यु । ङा दिक्पा मेतुप् तिवाला का तोङु सिनि लेबु मिन्, दिक्पा वतुप् तिवाला सिनि लेबु हिन् ।"
18
युहन्नाकि लोप्टा तिविवा ताङ् फरिसि तिवा ञ्युङ्ने देनि वतुप् नक। काङ मि तिवा लेम्नि खोला सिक्यासुङ,"युहन्नाकि लोप्टा तिवा ताङ फरिसिकि लोप्टा तिवा ञ्युङ्ने देक्यु, हिन्सिनाङ ख्यरे लोप्टा तिवा ञ्युङ्ने मेदेउइ?"
19
येसुकि तिवाला सिक्यासुङ,"काङ काङ जादिला हुङ्गुप् मि तिवा माक्पि चाला वे वेइ जादिला हुङ्गुप् तिवा ञ्युङ्ये देक्यु? माक्पा तिवा तानि वतुप् साक तिवा ञ्युङ्ङे दे मुथुउइ।
20
माक्पा तिवि चाने टिनि गाल्सिमा, ति ङिमा तिवाला तिवा ञ्युङ्ये देक्यु।
21
सिकि साङ यिङ्बा माज्याला साम्बा माज्याकि छालुक मेज्येरुउइ, ज्येर्सिनाङ ति ज्येरुप् छालुक् यिङ्बा नेसुर साम्बा ति राल्नि डिउइ, तेमे ति तङिति सिनासाङ मेलेवा राल्ग्यु।
22
सिकिसाङ साम्बा गुन्डुम राङ ङिङ्बा ङेक्यकला मुलुगुउइ, लुक्सिनाङ गुन्डुम ङारकि क तिला रोल्ग्यु तेमे गुन्डुम ङार ताङ क ङेक्यक् ङिकार ना डिउइ। तिसिना साम्बा गुन्डुम राङ साम्बा क ङेक्यकला लुग्।
23
ङा स्वप् ङिमाला येसु श्यिङ् नाङ्नेसुर गाल्सुङ तजोला खोकि लोप्टा तिविकि डु थ ज्युसुङ।
24
तेमे फरिसि तिविकि खोला सिक्यासुङ,"ल्होसा, तिविकि ङा स्वप् ङिमाला चिला मेतुप् लाका किइ वे ?"
25
खोकि तिवाला सिक्यासुङ,"दाउद ताङ ति तानि वतुप् मितिविकि मेतुप् ताङ ल्हब लासिमा तिविकि काङ क्यासुङ सिरुप् ति खिराङ्ला छ्या वे ?"
26
अबियाथार कोङ्यार क्ष्येम्बु वसिन् ति च्युक क्यानि कन्ज्यककि खाङ्बि नाङ्ला गाल्नि ठेतुप्कि सिवाङ् सोसुङ् , तिदि कोङ्यार सिना ज्येन सिकिसाङ साब मेङुजिक नक्, तेमे काङ तिवा तानि वतुप् तिवालाङ बिन्सुङ?
27
येसुकि सिक्यासुङ,"ङा स्वप् ङिमा ति मि मिरिक तिवाला सिनि जोबु नक्, मि मिरिक ङा स्वप् ङिमाला सिनि जोबु मिन्।
28
दिकि किसाला मि पुज्युङ ङा स्वप ङिमिकिदिङ चावा हिन्।"